Published:Updated:

சொல்வனம்!

ஓவியங்கள் : ஹரன்

சொல்வனம்!

ஓவியங்கள் : ஹரன்

Published:Updated:

சம்பவம்

சொல்வனம்!

பேச்சு
சுற்றிச்
சுழன்றதொரு
சம்பவத்தைப் பற்றி.

ஒட்டுமொத்த விகடனுக்கும் ஒரே ஷார்ட்கட்!

அக்கம்பக்கம்குறித்து
எந்த அக்கறையும் இல்லை
அவர்களிடம்.

சம்பவ இடம்பற்றியும்
சரியான தகவல் இல்லை.

 பேச்சின்
சாரத்தைவைத்து
சம்பவத்தை அறிதலும்
சாத்தியப்படவில்லை.

உயிரிழப்பு ஏதும் இல்லை
என்றொலித்த
வாக்கியமொன்றோடு

அங்கிருந்து கிளம்புகையில்
சற்று
ஆசுவாசமாயிருந்தது!

- செல்வராஜ் ஜெகதீசன்

ஒலி ஓவியம்

சொல்வனம்!

வைகறையில்
இருள் பிரியும்
வசீகரப் பொழுதில்
குரல் தூரிகையால்
நிசப்தப் பெருந்திரையில்
பறவைகள் வரைகின்றன
செவி காணும்
ஓர் ஒலி ஓவியம்!

- நா.அருள்ஜோதியன்

சொல்வனம்!

நினைவுச் சின்னம்

 ழை உதிர்ந்து
வெயில் உதித்த சில தினத்தில்
ஈரக் காலடித் தடங்களை
பாதச் சிலைகளாய்
செதுக்கிவைத்திருந்தது
அந்த ஒற்றையடிப் பாதை
மழையின் நினைவாய்!

 - பாசு.ஓவியச் செல்வன்

யாரோ ஒருவர்...  

ல்லா சாமி ஊர்வலத்திலும்
யாரோ ஒருவர்
அருள் வந்து ஆடுகிறார்.

சொல்வனம்!

எல்லாக் கல்யாண வீடுகளிலும்
யாரோ ஒருவர்
கோபித்துக்கொண்டு
வேகமாக வெளியேறுகிறார்.

எல்லா சாவு வீடுகளிலும்
யாரோ ஒருவர்
குடித்துவிட்டு  
நினைவிழந்துகிடக்கிறார்.

எல்லா விழாக்களிலும்
யாரோ ஒருவர்
தன் புறக்கணிப்புக்காக
காரி உமிழ்கிறார்.

எல்லாத் தேர்வறைகளிலும்
யாரோ ஒருவர்
பதில் தெரியாது
குலுங்கிக் குலுங்கி அழுகிறார்

எல்லாப் பிரார்த்தனைக் கூட்டங்களிலும்
'எல்லாரும் நல்லா இருக்கணும்’ என
யாரோ ஒருவர்
வேண்டிக்கொள்கிறார்.

யாரோ ஒருவராலேயே
கவனப்படுகிறது வாழ்க்கை!

- மு.முருகேஷ்

மாற்றம்

சொல்வனம்!

சின்ன புறக்கணிப்புதான்
மனதை எவ்வளவு வருத்துகிறது
சின்ன நெளிவுதான்
எவ்வளவு மரியாதை தருகிறது
சின்ன புன்னகைதான்
எவ்வளவு பகையை உடைக்கிறது
சின்ன முத்தம்தான்
எவ்வளவு வாழ்க்கையை வளர்க்கிறது
சின்னச் சின்னதுதான்
எவ்வளவு பெரிதாக இருக்கிறது?

- ப.உமா மகேஸ்வரி

அங்குசம்

சொல்வனம்!

ன் தகப்பனை
குட்டி யானைபோலக்
குனியவைத்து
'யானை யானை...
அம்பாரி யானை...’
விளையாடும்
ஹரிணி பாப்பாவும்
வைத்திருக்கிறாள்
அன்பெனும் ஓர்
அங்குசம்!

- சிக்ஸ் முகம்

சொல்வனம்!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism