Published:Updated:

சொல்வனம்!

படம் : சி.சுரேஷ்பாபு

சொல்வனம்!

படம் : சி.சுரேஷ்பாபு

Published:Updated:

வளையம்

 ம்மாவின் முத்தமென
உதிர்ந்தது பூ
மடி தூங்கும் குழந்தையென
மெள்ளச் சிணுங்கி
வட்டமாய்ச் சிரித்தது
குளம்.

- ப.உமா மகேஸ்வரி

ஒட்டுமொத்த விகடனுக்கும் ஒரே ஷார்ட்கட்!

அட்சய பாத்திரம்

வ்வொன்றாய்ப்
பிய்த்துப் பிய்த்து
வாயில் போடுகிறது குழந்தை
அட்சய பாத்திரமாய்
அள்ள அள்ளக்
குறையவில்லை
புத்தகத்திலுள்ள பழக் கூடை.

- துளிர்

சொல்வனம்!

கிலுகிலுப்பை

தும் அறியாத மான் குட்டி
புல் மேய்ந்துகொண்டு இருக்கையில்
நாணல்கள் அசையாதவாறு
முன்னங்கால்களால் பதுங்கியபடி
வருகிறதொரு சிங்கம்
வேகமாக ஓடிச் சென்று
மான்குட்டியின் காது மடல் அருகில்
கிலுகிலுப்பையை ஆட்டுகிறாள்
எங்கள் வீட்டு மயில்குட்டி
தொலைக்காட்சிப் பெட்டியின்
அருகில் நின்றபடி
பிஞ்சு விரல்களால்.

- ப.சி.கார்த்திகேயன்

 டீக்கடை பெஞ்சு

சொல்வனம்!

துபானக் கடையே
கதியாய்க் கிடந்து
கல்லீரல் வீங்கி
கடை எதிரே ஒட்டப்பட்ட
கண்ணீர் அஞ்சலி
சுவரொட்டியில்
காட்சியளிக்கும் கதிரேசன்

டாஸ்மாக் விற்பனையில்
இலக்கை விஞ்சியதற்காக
விருது வாங்கிய சான்றிதழுடன்
வாஞ்சிநாதன்

மாதம்தோறும் வரும்
பதினெட்டாயிரம் கோடி
வருமானத்தில்
விலையில்லாப் பொருள்கள்
வழங்குவது எளிது
என்று கூறும்
கரைவேட்டி கன்னியப்பன்

குறிஞ்சி, முல்லை
மருதம், நெய்தல், பாலை
என ஐந்து வகையாகப்
பிரிக்கப்பட்ட நிலத்தில்
ஆறாவது நிலமாக
'மதுவும் மது சார்ந்த இடமும்’
என்று மாநிலத்தின் பெயர்
விரைவில் வெளிவரும்
என்று வருத்தப்படும்
வள்ளியப்பன்

என எல்லோராலும்
நிறைந்திருந்தது
அந்த டீக்கடை பெஞ்சு.

- திருமாளம் புவனா நித்திஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism