Published:Updated:

அன்றாட மழை!

தாமரை

அன்றாட மழை!

தாமரை

Published:Updated:
##~##

ஏனோ அன்றைய சூரியன்
வழக்கமான
பொன்னிறக் கிரணங்களை மறுத்துக்
குளித்து எழுந்தது
செந்நிறக் கலவையில்...

பட்டாம்பூச்சிகளுக்கு
அன்று பல துன்பங்கள்...
சிறகுகளுக்குப் பதிலாகப்
பாடைகள் முளைப்பதாய் வந்த
அதிகாலைக் கனவிலிருந்து
ஆரம்பமானது
எண்ணிக்கை 1, 2, 3...

ஒட்டுமொத்த விகடனுக்கும் ஒரே ஷார்ட்கட்!

காற்று கனத்துப் போனதால்
தராசில் எடை போடப்பட்டது...
வீச முயன்று முடியாமல் தோற்றதால்
வெளியெங்கும் வெம்மைக்
கொப்புளங்கள்!

ஓர் ஓவியனின் தூரிகையில்
உருப்பெற்று
எழுந்து கொண்டிருந்த ஓவியம்
தவறுதலாய்க் கொட்டிவிட்ட
வண்ணத்தில் முழுகி
கறுப்பு விரிப்பாக நிற்கிறது
மூக்கு, மோவாய், கன்னம்,
உதடு, கண்கள்
தனித்தனியே வரையப்படவே இல்லையோ
என்ற சந்தேகத்திற்கு நியாயம் சேர்த்து...

அன்றாட மழை!


 

பேருந்து நிலையத்தின்
ஒருபுறம் மன்மதனும்
மறுபுறம் எமதர்மனும் நின்றிருக்க
கயிற்றுக்கும் கரும்புக்கும் நடுவே
தடுமாறி நகர்கிறது
தவம் கலைந்த பேருந்து!

நீர்த்துளிகள் என நினைத்து கருக்கொண்டு
நகர்ந்து ஆகாயம் நிரப்பி
அமிலத்தைப் பொழிந்தது
அன்றைய மழை!

உலகத்து வரைபடத்தில் விரவிப்பரவி
ஒவ்வொரு பெண்ணின் மீதும் விழுந்து
எரித்துப் பொசுக்கி அழித்த
அந்த 'விநோத’ மழை
சில ஆண்களுக்கு மட்டும்
ஏனோ
அன்றாட மழை!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism