சொல்வனம்

மௌனம்

. தோளில் தட்டிக்கொடுத்து பஸ்ஸிலிருந்து இறங்கினான் சுற்றி வந்து ஜன்னலோரம் நின்று கையசைத்தான்

. திரும்பி நடந்தான் ஏதும் சொல்லாமல்

. கீழுதடு அழுந்த ஓர் அழுகை துடித்தது அவளுக்கு வார்த்தைகள் வெட்டிக்கொண்டு ரத்தம் கசிகிறது கூடுதல் உப்பாக!

. - இளங்கோ

. பொழுது

. வாசலில் சைக்கிள் நிற்கிறது

. சைக்கிள் நிழல் சரிந்து வாசலில்கிடக்கிறது

. நிமிர்ந்து நிமிர்ந்து நிழல் சைக்கிளுக்கு வந்துவிடுகிறது

. சரிந்து சரிந்து சைக்கிளையும் பின் வாசலையும்கூடத் தாண்டுகிறது நிழல்

. பிறகு சைக்கிள் மட்டுமே வாசலில் நின்றுகொண்டு இருக்கிறது!

. - பா.ராஜாராம்

. மழை இரவு

. இரவு பெய்த மழை மழை பெய்த இரவு இரண்டுக்குமிடையில் எங்கோ தங்கி நிற்கின்றன தெளிந்த பூமியும் அது நனைந்த வாசமும்!

. - ஸ்வரூப் மணிகண்டன்

. புத்திசாலிகளுக்கான புதிர்

. கடைசியில் ஒரு கேள்வி மிஞ்சியது

. பதிலை மாற்றி அமைத்துப் பார்த்தேன்

. ##~## . ஒரு பதில் மிஞ்சியது

. கேள்வியைப் பதிலாகவும் பதிலைக் கேள்வியாகவும் பொருத்திப் பார்த்தேன்

. அப்பவும் ஒரு கேள்வி - பதில் மிஞ்சியது!

. - பா.ராஜாராம்

. தொட்டி மீன்

. மனிதர்களற்ற வீட்டின் தொட்டியினுள் சலனமற்று வாழ்தலின் பொருட்டு உலாவும் மீனுக்கு சமுத்திரத்தின் சுதந்திரமோ வலை நோக்கிய போராட்டமோ எதுவாகினும் தெரிவதில்லை!

. - ராஜு

சொல்வனம்

Vikatan Correspondent