Published:Updated:

சொல்வனம்

சொல்வனம்

சொல்வனம்
சொல்வனம்
சொல்வனம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
சொல்வனம்

மாயக் கண்ணன்

அகன்று விரித்த
கால்களின் நடுவே வைத்து
தட்டில் இருக்கும் சோற்றைவிட
தரையில் அதிகம் சிந்தியபடி
ஒவ்வொரு பருக்கையாக எடுத்து
சாப்பிட்டுக்கொண்டு இருந்த குழந்தையிடம்
'மாமாவுக்குப் பசிக்குது
கொஞ்சம் குடுங்க செல்லம்' என்று
கை நீட்டினேன்.

பிஞ்சு விரல்களால்
ஒற்றைப் பருக்கை எடுத்து
என் உள்ளங்கையில் வைத்தது.
அதை உண்டதும்
என் வாழ்நாள் முழுவதுக்குமான
பசி தீர்ந்தது!

- கட்டளை ஜெயா

புறக்கணிப்பின் நியாயங்கள்...

புறக்கணிப்பின் முடிவில்தான்
புரியும்

சரியான ஒரு
இடம் நோக்கி
நகர்த்தப்பட்டு இருப்பது

அல்லது

சரியான ஒரு
இடம் காத்திருப்பது

அல்லது

சரியான ஒரு
நபருக்காக விட்டுக்கொடுத்திருப்பது

அல்லது

சரியான ஒரு
எதிர்ப்பைக் காட்டாதிருப்பது

அல்லது

சரியான ஒரு
எதிரியைக் கண்டுகொண்டது

அல்லது

நியாயமில்லை
என்றாலும்கூட

சரி என்று
எல்லாவற்றையும்
ஏற்றுக்கொண்டது!

- க.ஆனந்த்

சொல்வனம்

புண்ணியவான்

பேச்சுத் துணைக்கு ஆளின்றி
மூச்சுத் துணைக்கு ஆளாயிருந்தார்
சாப்பாட்டுக்கும் சகலத்துக்கும்
பெத்த பிள்ளையை அண்டியிருந்த
கடைசி காலக் கந்தசாமி.

தனியறையின்
தறிக் கட்டிலில்
புதைந்துபோன மனுசனுக்கு
வேளாவேளைக்குச் சாப்பாடும்
காலாகாலத்துக்குச் சாவும்
வந்து சேரவில்லை.

முணுமுணுப்புடன்
எரிச்சலும் கலந்து வீசப்படும்
உப்பில்லாப் பண்டத்தின் முன்
ஓய்ந்துகிடக்கும் பசி
கண்ணீர் கலந்து பிசைந்தால்
சரியாகிடும் ருசி.

இயலாமை சேர்த்து
விழுங்கும்போது
தொண்டையை அடைக்கும்
வயோதிகத் தனிமை.

ஒரு திங்கள் மதியம்
தீர்ந்துபோனது
கந்தசாமியின் கஷ்டங்கள்.

கூடிய கூட்டம் பேசிற்று
'யாருக்கும் எந்தக் கஷ்டமும் தராம
போய்ச் சேர்ந்துட்டான்
புண்ணியவான்!'

- கணேச குமாரன்

பறக்க இயலாத பறவை

எல்.கே.ஜி வகுப்பில் இங்கிலீஷ் பீரியட் முடிந்ததும்
தமிழ்ப் பாட நேரம் துவங்கும் என ஆசிரியை அறிவித்தவுடனே
ஆங்கிலப் புத்தகத்தில் இருந்த சித்திரங்கள்
தமிழ்ப் புத்தகத்துக்குத் தாவுகின்றன யாரும் அறியா வண்ணம்.

ஜீப்ரா வரிக்குதிரை என்றும் ஜிராஃபி ஒட்டகச்சிவிங்கி என்றும்
பெயர்களைத் தமிழில் மாற்றிக்கொண்டு இடம்பெயர
அவற்றைத் தொடருகிறது ஒரு பெருங்கூட்டம்.

லோட்டஸ் என்றழைக்கப்படும் தாமரை, ரோஸ் எனப்படும் ரோஜா
ராபிட்(எ) முயல், பேரட்(எ) கிளி, டக்(எ) வாத்து,
யானை, மீன், மயில், ஆடு, பந்து..... என நீள்கிறது வரிசை
எங்கே இருந்தாலும் ஒரே மாதிரி முழி இந்த ஆந்தைக்கு.

எப்போதும் குழந்தைகளுடன் இருப்பதற்கான யுக்தி தெரியாமல்
எம்பி எம்பிக் குதித்தபடி தவிக்கிற பெங்குவினுக்கு
தேவை ஒரு தமிழ்ப் பெயர்!

\ இளையநிலா ஜான்சுந்தர்

சொல்வனம்
சொல்வனம்
சொல்வனம்