Published:Updated:

சொல்வனம் -கவிதைகள்

சொல்வனம் -கவிதைகள்

சொல்வனம் -கவிதைகள்

சொல்வனம் -கவிதைகள்

Published:Updated:

கவிதைகள்
சொல்வனம் -கவிதைகள்
சொல்வனம் -கவிதைகள்

ஒட்டுமொத்த விகடனுக்கும் ஒரே ஷார்ட்கட்!

சொல்வனம் -கவிதைகள்
சொல்வனம் -கவிதைகள்
சொல்வனம் -கவிதைகள்

பூஜ்ஜியங்கள்

ஆறாவது வகுப்பு
இ பிரிவில் மறக்க முடியாதவன்
வே.அரங்கநாயகம்
வருடத்துக்கு நாலு முறை
கணக்குப் பாடத்தில்
முட்டை எடுப்பான்.

ஒரு தேர்வில்
பத்தோடு பத்தைப் பெருக்கி
பத்துக்குப் பிறகு
பத்து பூஜ்ஜியங்களைப் போட்டது
உலகப் பிரசித்தம்
வாத்தியார் வெங்கடரமணி


அதைச் சுழித்து
பத்து முட்டைகள் போட்டது
கூடுதல் சுவாரஸ்யம்.

கோழிப் பண்ணை வைக்கலாம்டா
கிண்டலடித்தாலும் வைய மாட்டான்
பூஜ்ஜியங்களுக்கு மதிப்புள்ளன
புன்னகையோடு சொல்வான்

பத்தாம் வகுப்பில்
பாதியைத் தாண்டாத
அரங்கநாயகம் போட்டோவை
வெகு நாட்களுக்குப் பிறகு
செய்தித்தாள்களில் பார்க்க நேரிட்டது
மத்திய அமைச்சராம்
ஆயிரம் கோடி ஊழலாம்
சட்டென எண்ண வரவில்லை
எத்தனை பூஜ்ஜியங்கள்?

- என்.விநாயக முருகன்

அர்த்தம்

ஆட்டோவில் ஏறியதும்
டைகர் குரைத்த குரைப்பை
ஊருக்குப் புறப்படுவதால்
பிரிய மனமின்றி
குரைப்பதாக
அர்த்தப்படுத்திக்கொண்டாள்
மைவிழி.
டைகரின் குரைப்புக்கு
அர்த்தம்
'அடிப்பாவி...
ஊருக்குப் போறியே
நேரத்துக்கு யாரு எனக்கு
சோறு போடுவாங்க'
என்பதாகவும் இருக்கலாம்!

- வீ.விஷ்ணுகுமார்

ஞானம்

கண் தானம்பற்றிய
விளம்பரங்களில்
அந்தப் புகைப்படமும்
அந்த வார்த்தைகளும்
புத்திசாலித்தனமும்
அழகாய் இருந்தன
எல்லாவற்றையும்
தெளிவாகப் பார்க்க முடிவதுதான்
குற்ற உணர்ச்சியை ஏற்படுத்துகிறது!

- லதாமகன்

சொல்வனம் -கவிதைகள்

தோழி

ஹென்றி வாத்தியார்தான்
துப்பாக்கி சுட சொல்லித்தந்தார்

முதல் என்பதால்
பெட்டை கொக்கு சுடுவது
வேட்டைக்காரன் சாஸ்திரம் என்றார்.

காடு, வயல்
வயக்காடென
பெட்டை கொக்கு தேடி
சுற்றி அழைத்தார்.

கொக்கைக் கண்டதும்
பெட்டைதான் சுடு என்றார்.

சுட்டதும் பறந்த
கொக்கைப் பார்த்ததும்
மல்லிகா நினைவு வந்தாள்.

தீபாவளித் துப்பாக்கிக்கே
செத்துச் செத்து விழும் மல்லிகா!

- பா.ராஜாராம்

நித்யானந்தாவும்... என் மனைவியும்!

நித்யானந்தாவை
நித்தமும் பழிக்கும்
என் மனைவிக்கு
இன்று வரை தெரியாது
முத்துக்குமார் என்றொருவன்
மரித்துப்போனது.
என்றாவது ஒருநாள்
எனது நாட்குறிப்பிலுள்ள
அவன் புகைப்படத்தைக் காட்டிக் கேட்பாள்
அப்போது சொல்லிக்கொள்ளலாம்...
நம்மையெல்லாம் ஏமாற்றினானே
ஒரு நித்யானந்தா
அவனைப்போல
நம் எல்லோராலும் ஏமாற்றப்பட்டவன்தான்
இந்த முத்துக்குமாரென்று!

- முத்துரூபா

சொல்வனம் -கவிதைகள்
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism