சொல்வனம்

##~## . ஒரு சொட்டு இரவு . கு ழாயின் வட்ட வாயில் குளிர்ந்து தொங்கும் ஒரு சொட்டு இரவை

. ஜன்னல் ஊடே நுழைந்த சொற்ப வெயில் தாகம் தீரப் பருகுகிறது கொஞ்சமாக!

. - இளங்கோ

. தேர்வு மயக்கம்

. எ தைக் கேட்டு எதைப் பெறுவதென நமக்குள் குழப்பம் வர இரு விரல் நீட்டி ஒன்றைத் தொடு என்கிறாய்... ஒளிரும் உனது இரு விரல்களில் ஒளிந்திருக்கும் இரவை எனக்குத் தந்துவிட்டு நீ பகல் கொள்ளைக்காரியாய் மாறிவிடு!

. - ஸ்வரூப் மணிகண்டன்

. மழலை இலக்கணம்

. நே கா குட்டியோடு அக்கா வீட்டுக்கு வருகிறாள் என்று தெரிந்ததும் புத்தகங்களைக் கிழித்துவிடுவாளென்று உயரத்தில் பாதுகாப்பாக வைத்தேன் வீட்டுக்குள் நுழைந்ததும் 'எப்போ வந்தீங்க...’ என்று கேட்டதற்கு 'நாளைக்கு வந்தோம்...’ என்று அவள் சொன்னதும் பாதுகாப்பாக வைத்திருந்த நன்னூல் புத்தகம் கிழிந்துபோனது!

. - கட்டளைஜெயா

. தேநீர் வேளை

. கா லையில் தேநீர் அருந்துகையில் சீனி குறைவாய் இருக்கிறதென இனிப்பை அள்ளிப் போட்டு கரண்டியால் கலக்கிக்கொள்கிறான் மகன்.

. சூடாய் இருக்க வேண்டும் செய்தித்தாள் வேண்டும் கொஞ்சம் வர்க்கி ரொட்டிகளும் தொலைக்காட்சியும் அப்பாவுக்கு.

. பூ வேலைப்பாடுடன் கூடிய தேநீர்க் குவளை மகளுக்கு.

. எப்படி இருந்தாலும் அருந்திக்கொள்வாள் அம்மா இந்த வாழ்க்கையை!

. - விஜய் மகேந்திரன்

. மூன்று தலைமுறை சாவி

. அ ம்மா மாதிரியே சாவி வைத்திருக்கிறாள் இவளும்

. அம்மா திறந்த கதவையே திறக்கிறாள்

. நெட்டுப் பத்தி, பட்டாசாலை என்பாள் அம்மா ரேழி, ஹால் என்கிறாள் இவள்

. மற்றபடி அம்மா மாதிரியே சிரித்து அழுது சோறு பொங்கி கதவைப் பூட்டிக்கொள்கிறாள்

. என்ன ஒன்று

. திண்ணையில் தூங்கிய அப்பத்தா சாவியைத் திறகுச்சி என்றாள் சாவியை சாவி என்றாள் அம்மா!

. - பா.ராஜாராம்

சொல்வனம்

Vikatan Correspondent