செல்வேந்திரன் கவிதைகள்

18-02-09 இலக்கியம் . செல்வேந்திரன் கவிதைகள் . புரிதல்

நீயும் நானும் எப்போதோ பேசத் துவங்கிவிட்டோம். இன்னும் பேசத்தான் பழகவில்லை!

சிருஷ்டி

ஆசைகளைக் கொன்று கனவுகளைப் புதைத்து நரகத்தை சிருஷ்டிக்க காதலி அல்லது காதலிக்கப்படு!

லவ் லெட்டர்

தெள்ளு தமிழ் தெறிக்கும் கடிதம் எழுதி வந்தவனை புதிராகப் பார்த்தாள் குஜராத்திப் பெண் மொழியா முக்கியம் 'முழி'தானே முக்கியம் காதலுக்கு!

வழித்தடம்

. ஓடும் பேருந்தில் ஓயாது ஒலிக்கிறது 'வாழ்வே மாயம்' ஓட்டுநரின் காதல் நிறுத்தத்தை அடைந்திருக்கும் போல!

பெயர்ச்சி

சகல கிரகங்களும் சனீஸ்வரனாகி இருந்தன அவன் காதலிக்கத் துவங்கி இருந்தான்!

நாய்க் காதல்

அண்ணல் கை வைக்க... அவளும் இடம் கொடுக்க... நடுபஸ்ஸில் நிகழ்கிறதொரு நாய்க் காதல்!

.