சொல்வனம்

##~## . மழையாலணையும் பெயர்

. அ ணிகையிலும் களைகையிலும் வெவ்வேறழகு நீ. மழை மாதிரி.

. கொஞ்சிக்கொண்டே இருக்க வேண்டும் என்கிறாய். தூறிக்கொண்டே இருக்கும் மழை.

. அடை மழைக்கு ஒளிவதுபோலத்தான். உன் கோபப் பொழிதல்களிலும்

. சாத்தியமே இல்லை என்று நினைக்கையிலெல்லாம் உன் வருகைபோன்றே மழை.

. உன் என் ஊடல் எப்படி அறிந்திருக்கும் மழை. உன் மேல்தான் சந்தேகம்.

. எடுத்ததற்கெல்லாம் சந்தேகிப்பாய். பருவ கால மழையாய். ஊடல் கோடை மழை.

. மழைகளில் தேடிக்கொண்டே இருக்கிறேன் முதல் மழையில் தொலைந்த என்னை.

. மழை நீர் சேகரிப்புத் தொட்டி வீட்டுக்கு வெளியேயும் மனசுக்குள்ளேயும்!

. - ஆத்மார்த்தி

. சித்திரப்பூச்சி

. எ ட்டுக்கால் பூச்சியின் வலை ஓவியம் போல இருக்கிறது அதைக் கலைக்கும் ஒட்டடைக் குச்சியோ தூரிகை போல இருக்கிறது!

. - கட்டளை ஜெயா

. அவரவர் பிம்பங்கள்

. உ டைந்து போன நிலைக்கண்ணாடிக்காய் வீடே அலறும்படி கத்துகிறோம் நானும் அவளும். ஆனால் ஒவ்வொரு துண்டாய் எடுத்து ஒட்டவைக்கிறாள் மகள் முகம் நிறையப் புன்னகை சுமந்து துண்டுகளை அவள் நேர்த்தியாக்குகிறாள் அவள் எப்போதும் எல்லாவற்றையும் நட்போடுதான் பாவிக்கிறாள் நாங்கள்தான் காசாகப் பார்க்கிறோம்!

. - ஈஸ்வர சந்தான மூர்த்தி

. பாம்பு குறித்த பயம்

. மூ ன்றாம் வகுப்புப் பாடப் புத்தகத்தில் பாம்புப் படம் இருந்த பக்கத்தைக் கிழித்துவிட்டாள் பெரியாயி

. இரவுக்கு மேல் பாம்பைப் பற்றி பேச வேண்டியிருக்கும்போது பூச்சியென்றோ பெயர் சொல்லாதது என்றோ அழைக்கச் சொல்லி தாத்தா சொல்லிக்கொடுத்தார்

. ஓடுற பாம்பை மிதிக்கும் வயசு என ஊக்கப்படுத்தும்போதே புற்றின் திசைக்கு அண்டவிட மாட்டார் அப்பா

. ஓர் இடத்தில் நாகராஜனெனப் பாலூற்றியும் இன்னோர் இடத்தில் கம்பெடுத்துக் கொடுத்தும் விநோத பக்தியிலிருந்தாள் அம்மா

. எல்லாப் பழைய கதைகளையும் கிளறிவிட்டபடிக்கு சுருண்டு படுத்திருக்கிறது கீரியிடம் சண்டை போடக் கூடையில் காத்திருக்கும் பல் பிடுங்கிய பாம்பு!

. - லதாமகன்

. நேரமில்லை

. ஃபேஸ்புக்கில் கிரிக்கெட்டர்களை விமர்சித்தேன் ஆர்குட்டில் அரசியல் பேசினேன் பிளாக்கில் திரையுலகைப் பின்னியெடுத்தேன் ஸாரி... அப்பா உங்களிடம் அடுத்த வாரம் பேசுகிறேன்!

. - சந்திரா சிவபாலன்

சொல்வனம்

Vikatan Correspondent