Published:Updated:

“குறைகளையும் சுட்டிக்காட்ட வேண்டும்!”

இலக்கிய மெரினா ஜோலார் பேட்டை
பிரீமியம் ஸ்டோரி
இலக்கிய மெரினா ஜோலார் பேட்டை

இலக்கிய மெரினா ஜோலார் பேட்டை

“குறைகளையும் சுட்டிக்காட்ட வேண்டும்!”

இலக்கிய மெரினா ஜோலார் பேட்டை

Published:Updated:
இலக்கிய மெரினா ஜோலார் பேட்டை
பிரீமியம் ஸ்டோரி
இலக்கிய மெரினா ஜோலார் பேட்டை

தினமும் யாராவது வீட்டிற்கு வந்து கதையோ கவிதையோ சினிமாவோ பேசிக் கொண்டிருப்பார்கள். அது வழக்கம்... இன்றோ நேற்றோ அல்ல, முப்பது ஆண்டுகளுக்கும் மேலாக… இப்படி, வீட்டில் சும்மா உட்கார்ந்து பேசுவதை ஒரு நிகழ்வாக்கலாமே என்று ஒருங்கிணைக்கப் பட்டதே ‘இலக்கிய மெரினா’.

30 ஆண்களுக்கு முன்பு நண்பர்களோடு தொடங்கிய அமைப்பு. அப்போது எங்கள் வீடு சின்னஞ்சிறு குடிலாக இருந்தது. பெயரே குடில்தான். அதனால் ‘குடில் இலக்கிய வட்டம்’ என்ற பெயரில் செயல்பட்டுவந்தோம். பெரிய மாற்றங்கள் ஏதும் நிகழாததால், அந்த அமைப்பைக் காலத்தில் மூழ்கடித்து விட்டோம். சில ஆண்டுகளுக்குப் பிறகு, நா.கோகிலன், நா.திங்களன் இருவரும் மூழ்கிய அந்தக் ‘குடில் இலக்கிய வட்ட’த்தை தூக்கி வந்து ‘இலக்கிய மெரினா’வாக்கி, நவீன இலக்கியங்களைத் தரிசிக்கும் வாய்ப்பை கல்லூரி மாணவர்களுக்கும் இலக்கிய ஆர்வலர்களுக்கும் புதிதாக எழுதத் துடிக்கும் இளைய தலைமுறைக்கும் வழங்கி வருகிறார்கள்.

“குறைகளையும் சுட்டிக்காட்ட வேண்டும்!”

புதிதாக வெளிவரும் சிறந்த நூல்களை ஒவ்வொரு நிகழ்விலும் பேச எடுத்துக் கொள்கிறோம். நூல்களை மிக கவனமாகத் தேர்வுசெய்கிறோம். ஓர் இலக்கியவாதி, ஒரு பேச்சாளர், ஒரு மாணவர் என நிகழ்வில் ஒரு நூலுக்கு மூன்று பேரைப் பேசவைக்கிறோம். பேச்சு, விமர்சனமாகவும் ஆய்வாகவும் அமையும்படி பார்த்துக்கொள்கிறோம். படைப்பின் நிறைகளை மட்டும் அல்லாமல் குறைகளையும் சுட்டிக்காட்ட வேண்டும் என்பதோர் நிபந்தனை.

எழுத்தாளர்கள் சீனிவாசன் நடராஜன், கவிப்பித்தன், அழகிய பெரியவன், அமிர்தம் சூர்யா, ஜி.குப்புசாமி... கவிஞர்கள் யாழன்ஆதி, ந.பெரியசாமி, ஷக்தி, வேல்கண்ணன், பௌசியா பானு உள்ளிட்ட பல ஆளுமைகள் நிகழ்வில் பங்கேற்றிருக்கிறார்கள்.

வாசிக்கும் பழக்கத்தை உருவாக்குவது, நவீனப் படைப்புகளின் மீது புரிதலையும் தெளிவையும் ஏற்படுத்துவது, படைப்பாளர்களையும் அவர்களின் படைப்புகளையும் அங்கீகரிப்பது; பாராட்டுவது ஆகியவை ‘இலக்கிய மெரினாவின்’ முக்கியச் செயல்பாடுகள். நாங்கள் யாரிடமும் நிதி நன்கொடை பெறுவதில்லை. நிகழ்ச்சியில் பேச வருபவர்களுக்குக் கண்டிப்பாகப் பயணப்படி தருகிறோம். அன்பின் காரணமாகவும் இலக்கியப் பங்களிப்பு காரணமாகவும் நண்பர்கள் பலர் வாங்க மறுக்கின்றனர். எங்கள் இலக்கியப் பங்களிப்புகளை இன்னும் இன்னும் என விரித்துச் செல்ல காத்திருக்கிறோம் மெரினா போல!

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism