Published:Updated:

புதுமுகம் அறிமுகம் - 3 - “கலைகளின் கூட்டிசைவால் நிறைகிறது என் அரங்கம்!”

பகு
பிரீமியம் ஸ்டோரி
பகு

பகு

புதுமுகம் அறிமுகம் - 3 - “கலைகளின் கூட்டிசைவால் நிறைகிறது என் அரங்கம்!”

பகு

Published:Updated:
பகு
பிரீமியம் ஸ்டோரி
பகு

பகு, திணைநிலவாசிகள் நாடகக் குழுவின் இயக்குநர். உயிர்களின் சமத்துவத்தை நாடகத்தின் வழியே பேசும் கலைஞன். கலைகளின் வழியே உயிர்களின் வாழ்வை, மக்களுடன் உரையாட எத்தனிக்கும் இளைஞன். சமூகத்தின் அவலங்களை தன் நாடகங்களின் வழியே விமர்சித்து வருகிறார்.

“ஐந்தாம் வகுப்பு படிக்கும்போதே நாடகங்களில் நடிக்கத் தொடங்கினேன். 12-ம் வகுப்பு படிக்கும்போது, முறையாக நாடகம் கற்கவேண்டும் என்ற வேட்கை உருவானது. நாடகங்கள் குறித்தான தேடல், என்னை கோவில்பட்டி ‘மணல்மகுடி’ நாடக நிலத்தில் கொண்டுசேர்த்தது. ‘மணல்மகுடி’யின் இயக்குநர், நவீன நாடகத்தின் முக்கிய ஆளுமை ச.முருகபூபதிதான் என் ஆசான். கழுகுமலை, சமணக்குகை, என அந்த நாடக நிலத்தில் கலையின் வேர்களை இறுக்கமாகப் பற்றிக்கொண்டேன் . 12 ஆண்டுகள் அவருடனான பயணத்தில் நாடகம், சமூகம் எனப் பல தளங்களில் என் பார்வை விசாலமானது.

புதுமுகம் அறிமுகம் - 3 -  “கலைகளின் கூட்டிசைவால் நிறைகிறது என் அரங்கம்!”

ஐந்திணைகளின் உயிர்கள்மீதும் நேசமும் அக்கறையும் கொண்டவர்கள் நாங்கள். அதனால்தான் எங்கள் குழுவின் அடையாளம் ‘திணைநிலவாசிகள்’ என்றானது. நாடகம் என்பது, சமூகத்தின் அகத்தை உடலால் பிரதிபலிக்கும் கலை. மக்களிடம் கருத்துகளை உணர்வுகளை எளிமையாகக் கொண்டுசேர்க்கும் ஒரு வடிவம். அதன் வழியே மக்களிடம் நேரடியாக உரையாட முடியும். இந்த நேரடித்தன்மையும் உடனடி விளைவுகளும்தான் நாடகத்துறையில் என்னைத் தீர்க்கமாகப் பயணிக்கவைக்கிறது. நவீன நாடகங்கள் பல கலைகளின் கூட்டிசைவால் உருவான ஒன்று. என் நாடகக் கலைஞர்களின் உடல் அசைவுகளை நவீன ஓவியத்திலிருந்து எடுத்துக்கொள்கிறேன். ஆப்பிரிக்க, ஆஸ்திரேலியப் பழங்குடிகளின் இசைக்கருவிகள் எனக்கான இசையைக் கொடுக்கின்றன. இம்மண்ணில் மீட்டெடுக்கப்பட வேண்டிய நம் தொன்மங்களும் களையப்பட வேண்டிய பிற்போக்குத்தனங்களும் எனக்கான பேசுபொருளைத் தீர்மானிக்கின்றன. இப்படிப் பல கலைகளின் கூட்டிசைவால் நிறைகிறது என் அரங்கம். நான் அதன் எல்லைகளைச் சுருக்காமல், விசாலமாக்க முயல்கிறேன். உலகெங்கும் வாழும் எல்லா மனிதர்களின் வலிகளுக்கும் ஒரே மொழிதான். அந்த மொழிதான் என் நாடகத்துக்கானது. கட்டமைப்புகளை உடைத்து மனித உடல்களை ஆண், பெண் என பேதப்படுத்தாத மனித உணர்ச்சிகளின் மொழி அது. நிலத்தில் பால் பேதமற்ற சமத்துவமும் பிற்போக்கற்ற பண்பாட்டு எச்சங்களையும் மீட்டெடுக்க, பழங்குடி வாத்தியங்களுடன் இணைந்து திணைநிலவாசிகளின் உடலும் ஆங்காரமாய்ச் சத்தம் எழுப்பும்!

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism