<p><strong>எ</strong>ன் பெயர் ரவி கார்மேகம் </p><p>ஊர் ஈரோடு, தமிழ்நாடு, இந்தியா</p><p>உடல் நலமில்லாத அம்மாவுடன் </p><p>வாடகை வீட்டில் வாழ்க்கை </p><p>ஒரு பேக்கரியில் வேலை </p><p>இன்னும் திருமணம் ஆகவில்லை. </p><p>கம்ரான் அஷ்ரஃப் வாழும் இடம் </p><p>லக்குரோடு, ராவல்பிண்டி, பாகிஸ்தான் </p><p>வயதான அப்பா, விதவையான சகோதரியுடன் </p><p>வாடகை வீட்டில் வாழ்க்கை </p><p>ஒரு பூக்கடையில் வேலை </p><p>திருமணமாகவில்லை. </p><p>நாங்கள் </p><p>இருபத்துமூன்று ஆண்டுகளாக</p><p>நண்பர்கள் </p><p>ஆனால் இதுவரை நேரில் பார்த்ததுமில்லை</p><p>பேசியதுமில்லை </p><p>உண்மையில் </p><p>இப்பூமியில் நானிருப்பது </p><p>அவனுக்கும் </p><p>அவனிருப்பது எனக்கும் </p><p>தெரியாது </p><p>இருந்தும் நாங்கள் </p><p>இதயபூர்வமான நண்பர்கள் </p>.<p>இருவருக்கும் </p><p>மெஹதி ஹசன் கசல்கள் விருப்பம் </p><p>இருவருக்கும் </p><p>எலுமிச்சை ஊறுகாய் சுவைக்கும் </p><p>இருவருக்கும் </p><p>காபி ஒரு போதை </p><p>இருவருக்கும் </p><p>ரூமி ஒரு ஆச்சர்யம் </p><p>இருவருக்கும் </p><p>பிடித்த படம் Unforgiven</p><p>இருவருக்கும் </p><p>பிடித்த நடிகர் மார்கன் ஃபிரீமன்.</p><p>நேற்றிரவு ஒரு கனவு கண்டேன் </p><p>என்னை இராணுவத்தில் சேர்த்திருக்கிறார்கள் </p><p>எங்கள் படை</p><p>S-16 என்ற இடத்தில் </p><p>முகாமிட்டிருக்கிறது </p><p>உத்தரவுகள்</p><p>எச்சரிக்கைகள்</p><p>கூக்குரல்கள் </p><p>பரபரப்புகள் </p><p>துப்பாக்கிகளின் முழக்கம் </p><p>அழுகை </p><p>புகை </p><p>குழம்பியோடும் மனிதர்கள் </p><p>உயிர் பிரிந்த உடல்கள் </p><p>உயிர் பிரியும் உடல்கள் </p><p>அங்கங்களும் ஆயுதங்களும்</p><p>மண்ணில் சிதறிக்கிடக்கின்றன </p><p>எங்கும் </p><p>வெறி, சூன்யம்...</p><p>நான் </p><p>ஒருவனைச் சுட </p><p>அவன் </p><p>மடங்கி விழுகிறான் </p><p>நான் அவனை நோக்கி ஓட </p><p>அவன் முகத்தை </p><p>எங்கோ </p><p>பார்த்த ஞாபகம் </p><p>எஞ்சியிருந்த உயிரில் </p><p>அவன் என் வயிற்றில் சுட </p><p>காற்று என் முதுகெலும்பைத் தடவிப் போகிறது. </p><p>என் நாவில் துருவின் சுவை</p><p>தடுமாறி அவன்மேல் நான் சாய </p><p>அவன் உடல்மேல் ஏதோ வாசனை </p><p>அது மல்லிகைப் பூவாகத்தான் </p><p>இருக்க வேண்டும் </p><p>`ம்ம்மா' என்று முனங்குகிறான் </p><p>நான் கொதிக்கும் சூரியனை </p><p>உற்றுப் பார்க்கிறேன் </p><p>என்ன காரணத்தினாலோ தெரியவில்லை </p><p>அவன் பழுப்பு நிறச்சுருள் முடியை </p><p>நான் தடவிப் பார்க்க</p><p>எங்கிருந்தோ ஒரு பெரிய கம்பளம் </p><p>என் மேல் </p><p>விழுந்து </p><p>அழுத்த </p><p>தூக்கம் கலைந்து </p><p>எழுந்து </p><p>நான்</p><p>இறந்துபோகிறேன்.</p>
<p><strong>எ</strong>ன் பெயர் ரவி கார்மேகம் </p><p>ஊர் ஈரோடு, தமிழ்நாடு, இந்தியா</p><p>உடல் நலமில்லாத அம்மாவுடன் </p><p>வாடகை வீட்டில் வாழ்க்கை </p><p>ஒரு பேக்கரியில் வேலை </p><p>இன்னும் திருமணம் ஆகவில்லை. </p><p>கம்ரான் அஷ்ரஃப் வாழும் இடம் </p><p>லக்குரோடு, ராவல்பிண்டி, பாகிஸ்தான் </p><p>வயதான அப்பா, விதவையான சகோதரியுடன் </p><p>வாடகை வீட்டில் வாழ்க்கை </p><p>ஒரு பூக்கடையில் வேலை </p><p>திருமணமாகவில்லை. </p><p>நாங்கள் </p><p>இருபத்துமூன்று ஆண்டுகளாக</p><p>நண்பர்கள் </p><p>ஆனால் இதுவரை நேரில் பார்த்ததுமில்லை</p><p>பேசியதுமில்லை </p><p>உண்மையில் </p><p>இப்பூமியில் நானிருப்பது </p><p>அவனுக்கும் </p><p>அவனிருப்பது எனக்கும் </p><p>தெரியாது </p><p>இருந்தும் நாங்கள் </p><p>இதயபூர்வமான நண்பர்கள் </p>.<p>இருவருக்கும் </p><p>மெஹதி ஹசன் கசல்கள் விருப்பம் </p><p>இருவருக்கும் </p><p>எலுமிச்சை ஊறுகாய் சுவைக்கும் </p><p>இருவருக்கும் </p><p>காபி ஒரு போதை </p><p>இருவருக்கும் </p><p>ரூமி ஒரு ஆச்சர்யம் </p><p>இருவருக்கும் </p><p>பிடித்த படம் Unforgiven</p><p>இருவருக்கும் </p><p>பிடித்த நடிகர் மார்கன் ஃபிரீமன்.</p><p>நேற்றிரவு ஒரு கனவு கண்டேன் </p><p>என்னை இராணுவத்தில் சேர்த்திருக்கிறார்கள் </p><p>எங்கள் படை</p><p>S-16 என்ற இடத்தில் </p><p>முகாமிட்டிருக்கிறது </p><p>உத்தரவுகள்</p><p>எச்சரிக்கைகள்</p><p>கூக்குரல்கள் </p><p>பரபரப்புகள் </p><p>துப்பாக்கிகளின் முழக்கம் </p><p>அழுகை </p><p>புகை </p><p>குழம்பியோடும் மனிதர்கள் </p><p>உயிர் பிரிந்த உடல்கள் </p><p>உயிர் பிரியும் உடல்கள் </p><p>அங்கங்களும் ஆயுதங்களும்</p><p>மண்ணில் சிதறிக்கிடக்கின்றன </p><p>எங்கும் </p><p>வெறி, சூன்யம்...</p><p>நான் </p><p>ஒருவனைச் சுட </p><p>அவன் </p><p>மடங்கி விழுகிறான் </p><p>நான் அவனை நோக்கி ஓட </p><p>அவன் முகத்தை </p><p>எங்கோ </p><p>பார்த்த ஞாபகம் </p><p>எஞ்சியிருந்த உயிரில் </p><p>அவன் என் வயிற்றில் சுட </p><p>காற்று என் முதுகெலும்பைத் தடவிப் போகிறது. </p><p>என் நாவில் துருவின் சுவை</p><p>தடுமாறி அவன்மேல் நான் சாய </p><p>அவன் உடல்மேல் ஏதோ வாசனை </p><p>அது மல்லிகைப் பூவாகத்தான் </p><p>இருக்க வேண்டும் </p><p>`ம்ம்மா' என்று முனங்குகிறான் </p><p>நான் கொதிக்கும் சூரியனை </p><p>உற்றுப் பார்க்கிறேன் </p><p>என்ன காரணத்தினாலோ தெரியவில்லை </p><p>அவன் பழுப்பு நிறச்சுருள் முடியை </p><p>நான் தடவிப் பார்க்க</p><p>எங்கிருந்தோ ஒரு பெரிய கம்பளம் </p><p>என் மேல் </p><p>விழுந்து </p><p>அழுத்த </p><p>தூக்கம் கலைந்து </p><p>எழுந்து </p><p>நான்</p><p>இறந்துபோகிறேன்.</p>
