Published:Updated:

படிப்பறை

படிப்பறை
பிரீமியம் ஸ்டோரி
படிப்பறை

தான் அம்பெய்வதை தெட்சுயா ஒருமுறை பார்க்கவேண்டும் என்பதுதான் அவன் ஆசை. அந்த அந்நியனின் ஆசைக்காக அவனை அனுமதிக்கிறார் தெட்சுயா

படிப்பறை

தான் அம்பெய்வதை தெட்சுயா ஒருமுறை பார்க்கவேண்டும் என்பதுதான் அவன் ஆசை. அந்த அந்நியனின் ஆசைக்காக அவனை அனுமதிக்கிறார் தெட்சுயா

Published:Updated:
படிப்பறை
பிரீமியம் ஸ்டோரி
படிப்பறை

வில் வித்தையில் புகழ்பெற்ற முதியவரான ‘தெட்சுயா’வைத் தேடி ஓர் இளைஞன் வருகிறான். “அவர் வில்லாளனெல்லாம் அல்லர்; தச்சர். அவர் வில்லைப் பிடித்து நாங்கள் யாருமே பார்த்ததில்லையே” என்கிறான் அந்நகரத்தின் சிறுவன் ஒருவன். ``இப்போது அவர் கலையை விட்டிருக்கலாம். அவருக்கு முன் என்னை நிரூபிப்பதற்காகவே வந்திருக்கிறேன்” என்கிற அந்த இளைஞனை தெட்சுயாவிடம் அழைத்துச் செல்கிறான் அச்சிறுவன்.

தான் அம்பெய்வதை தெட்சுயா ஒருமுறை பார்க்கவேண்டும் என்பதுதான் அவன் ஆசை. அந்த அந்நியனின் ஆசைக்காக அவனை அனுமதிக்கிறார் தெட்சுயா. அவன் அம்பெய்து முடித்ததும், அவனை ஓர் இடத்துக்கு அழைத்துச் சென்று, ஒரு சிறு பரீட்சை வைக்கிறார். அதன்பின், அவனுக்கு ஒரு போதனையை வழங்கி “உலகில் யார் கேட்டாலும் என்னை இங்கே பார்த்ததைச் சொல்லாதே” என்று வழியனுப்புகிறார்.

வரும்வழியில், உடன் வந்த சிறுவன் வில்லின் மார்க்கத்தைத் தனக்கும் கற்றுத் தரும்படி கேட்கிறான். கிராமத்துக்குத் திரும்பும் அந்த ஒரு மணிநேரப்பயணத்தில் வில் வித்தைக்கான மார்க்கத்தை, சிறுவனுக்குக் கற்றுக்கொடுக்கிறார் தெட்சுயா. சிறு சிறு பத்திகளாலான அந்தப் பாடங்கள்தான் பாலோ கொயலோ எழுதியிருக்கும் இந்த ‘வில்லாளன்.’

படிப்பறை

வில்லிலிருந்து அம்பை எய்து இலக்கைத் தாக்குவது குறித்த பாடங்களாக இருந்தாலும், அதனூடாக நம் அன்றாட வாழ்விற்கான வழிகாட்டுதல்களும் இருப்பதுதான் இந்நூலின் சிறப்பு. “எதையும் தொடங்கும் முன் உன்னுடைய நலன் விரும்பிகளை நீ நாடவேண்டும். நீ ஈடுபடுகின்ற நடவடிக்கைகளில் யார் ஆர்வம் காட்டுகிறார்களோ அவர்கள்தாம் உன்னுடைய நலன் விரும்பிகள்” என்று ஆரம்பித்து வில், அம்பு, இலக்கு, வில் அம்பைப் பிடிக்கும் முறை என்று ஒவ்வொன்றையும் தெட்சுயாவின் குரலில் விவரிக்கிறார் பாலோ கொயலோ. நாகலட்சுமி சண்முகம் மொழிபெயர்ப்பில் மஞ்சுள் பப்ளிஷிங் ஹவுஸ் பதிப்பித்துள்ள தமிழ் மொழியாக்க நூலில், மூல நூலில் உள்ள அதே தரத்தில் கிறீஸ்டாஃப் நீமனின் ஓவியங்கள் அச்சிடப்பட்டுள்ளன. ‘ரசவாதி’ நூல் மூலம் உலகப்புகழ் பெற்ற பாலோ கொயலோ, 2003-ல் தனது வலைதளத்தில் இந்த வில்லாளனுக்கான குறிப்புகளை எழுதிவந்தார். கொஞ்சம் கொஞ்சமாக அது பரவலாகப் பகிரப்பட, அமெரிக்கப் பதிப்பகம் ஒன்று 2017-ல் அந்தக் குறிப்புகளை கிறீஸ்டாஃப் நீமனின் ஓவியங்களோடு அச்சிட்டது. வெளியான நாள் முதல், பரபரப்பாக விற்கப்பட்டு இண்டர்நேஷனல் பெஸ்ட் செல்லர் வரிசையில் இடம்பெற்றது இந்த ‘வில்லாளன்.’

‘ரசவாதி’ போலவே இந்த ‘வில்லாளன்’ நூலும் பலரின் புத்தக அலமாரியை அலங்கரிக்கும்!

வில்லாளன்

-
பாலோ கொயலோ

வெளியீடு: மஞ்சுள் பப்ளிஷிங் ஹவுஸ்

பக்கங்கள்: 130

விலை: ரூ. 250

manjulindia.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism