Published:Updated:

படிப்பறை

படிப்பறை
பிரீமியம் ஸ்டோரி
படிப்பறை

கவிஞனின் மனைவி (மொழிபெயர்ப்புச் சிறுகதைகள்) தமிழில்: எம்.ஏ.சுசீலா

படிப்பறை

கவிஞனின் மனைவி (மொழிபெயர்ப்புச் சிறுகதைகள்) தமிழில்: எம்.ஏ.சுசீலா

Published:Updated:
படிப்பறை
பிரீமியம் ஸ்டோரி
படிப்பறை
படிப்பறை

`வாசகனுக்கு சிரமம் தராத மொழியில், காலம், கதாபாத்தி ரங்களின் வாழ்க்கைமுறை, அவர்கள் வாழும் நிலப்பரப்புச் சூழல் உள்ளிட்ட அனைத்தும் தெளிவாக விளக்கப்பட்டால்தான் ஒரு மொழிபெயர்ப்பு முழுமை பெறும். அந்த வகையில் மிகச் சவாலான மொழிபெயர்ப்புப் பணியை இந்த நூலிலுள்ள கதைகளில் கையாண்டிருக்கிறார் எம்.ஏ.சுசீலா.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ரஷ்ய எழுத்தாளர் லியோ டால்ஸ்டாய், அஸ்ஸாமிய எழுத்தாளர் பிபுல் கடானியர், வங்கப் பெண் எழுத்தாளர்கள் ஆஷா பூர்ணாதேவி மற்றும் மஹாஸ்வேதா தேவி ஆகியோரின் சிறுகதைகள் இந்த நூலில் இடம்பெற்றிருக்கின்றன. ஒன்றுக்கொன்று தொடர்பில்லாத களம்; வெவ்வேறு பகுதிகளைச் சேர்ந்த எழுத்தாளர்களின் படைப்புகள் என்றாலும், மனித வாழ்வின் யதார்த்தமான சில கூறுகளைப் பேசும் கதைகள் என்ற வகையில் ஓர் ஒற்றுமையும் இவற்றுக்கு உண்டு.

படிப்பறை

டால்ஸ்டாயின் `கரடி வேட்டை’ ரஷ்யாவின் பனி படர்ந்த காட்டையும், பிரமாண்டமான கரடியையும், வேட்டைக்குச் செல்லும் மனிதர்க ளையும் கண்முன் காட்சிப்படுத்தி கதைக்குள் நம்மை உலவவிடுகிறது. `மூன்று துறவிகள்’ கதையின் எளிய மொழிநடை அபாரம்.

ஆஷா பூர்ணாதேவியும் மஹாஸ்வேதா தேவியும் தங்கள் கதைகளில் பெண்ணுரிமைக்குரலை அழுத்தமாகப் பதிவுசெய்ததற்காகவே நன்கு அறியப்பட்டவர்கள். இதிலுள்ள கதைகளும் அந்த வகையைச் சேர்ந்தவையே. என்னதான் பெண்ணின் பக்கம் நியாயம் இருந்தாலும், அதையும் ஆண் தன் கோணல் சிந்தனையால் எப்படிக் குதறிப் போடுகிறான் என்பதை விவரிக்கிறது ஆஷாபூர்ணா தேவியின் `கசாப்புக்காரர்.’ மஹாஸ்வேதா தேவியின் மூன்று கதைகளும் வெவ்வேறு கருப்பொருளைக் கொண்டவை.

கதாபாத்திரங்களோடு ஒன்றவைத்துவிடும் தேர்ந்த, தெளிவான மொழிநடை, மறக்க முடியாத சம்பவங்களை உள்ளடக்கிய கதையாடல் என நிறைவைத் தரும் தொகுப்பு.

கவிஞனின் மனைவி (மொழிபெயர்ப்புச் சிறுகதைகள்)

தமிழில்: எம்.ஏ.சுசீலா வெளியீடு: நற்றிணை பதிப்பகம், விற்பனை அலுவலகம்: எண்: 89, ராஹத் பிளாசா, 172, ஆற்காடு சாலை,வடபழனி, சென்னை - 600 026. விலை: ரூ.130

பக்கங்கள் : 104 ;தொலைபேசி: 94861 77208