Published:Updated:

படிப்பறை

படிப்பறை
பிரீமியம் ஸ்டோரி
News
படிப்பறை

உலகளவில் கொரியத் திரைப்படங்களுக்கான வரவேற்பு அதிகரித்துவருகிறது. அவற்றின் வழியே, கொரிய நாட்டின் பண்பாடும், வாழ்வியலும் பகிரப்படுகின்றன.

ரு நிலப்பகுதியின் பண்பாட்டை, வரலாற்றை முழுமையாகப் பதிவு செய்பவை இலக்கியங்களே! கொரியத் திரைப்படங்களின் தாக்கத்தில், அம்மனிதர்களின் உணர்வுகளை அறிந்துகொள்ள நினைப்பவர்களுக்கு உதவும் புத்தகம் ‘மலர்கள் விட்டுச்சென்ற வெற்றிடத்தில்’ கவிதைத் தொகுப்பு. கொரியத் தொலைக்காட்சி சீரியல்களைப் பார்த்து, அதனால் ஈர்க்கப்பட்டு, கொரியக் கவிதைகளை நோக்கி நகர்ந்ததாக, மொழிபெயர்ப்பாளர் கல்பனா முன்னுரையில் குறிப்பிட்டிருக்கிறார்.

மலர்கள் விட்டுச்சென்ற வெற்றிடத்தில்
மலர்கள் விட்டுச்சென்ற வெற்றிடத்தில்

‘உப்புக்கருவாடு’ கொரிய மக்களின் உணவில் அதிகம் இடம்பெறும் எனும் குறிப்புடன், `உப்புக்கருவாடு’ எனும் தலைப்பில் உள்ள ஒரு கவிதை - `இரவில் குழந்தை உறங்குகிறது / வெதுவெதுப்பான போர்வையையும் / சூடான உணவையும் கனவு கண்டபடி’ எனும் வரிகளிலிருந்து நம்மை நகரவிடாமல் செய்துவிடுகிறது.

1950களில் நடந்த கொரியப்போரினால் பலரும் தங்கள் உறவுகளைப் பிரிந்து வாழ வேண்டிய அவலம் நிகழ்ந்தது. அப்படித் தன் தாயைப் பிரிந்தவர்தான் கவிஞர் O Young. தாய் உயிரோடிருக்கிறாரா, இல்லையா என்பதே தெரியாத தவிப்பை, ‘அம்மா தயவுசெய்து மூப்படையாதே’ என்று அவர் கவிதையாக்கியிருந்தார். அதுவே அவரின் அடையாளமாகவும் மாறியது. 40 ஆண்டுகள் கழித்து, அவரின் தாய் உயிரோடு இருப்பது தெரியவந்ததும் எழுதிய உணர்ச்சிமிகு கவிதை இத்தொகுப்பில் இடம்பெற்றுள்ளது. ‘மீண்டும் தன் கரங்களால் / இந்த மகனைத் தழுவாமல் / அவள் தன் விழிகளை மூட மாட்டாள் / அவளுடைய நம்பிக்கையின் முன்னால் / நான் மண்டியிடுகிறேன்’ என்று கவிதையை முடித்திருக்கிறார்.

போராட்டம் சார்ந்த கவிதைகளில் வெளிப்படும் பொதுத்தன்மை தமிழகச் சூழலுக்கும் பொருந்தும் தன்மையுடையதாக மாற்றிவிடுகிறது. பல கவிதைகளுக்கு அடிக்குறிப்புகள் இல்லாததால் அவற்றுடன் ஒன்றிணைய முடியவில்லை என்றபோதும், தொகுப்பில் இடம்பெற்றுள்ள ஒவ்வொரு கவிஞர் பற்றிய அறிமுகக் குறிப்பும் முக்கியமானது.

எளிய மொழியில் கனக்கச் செய்யும் உணர்வுகளைப் பகிர்கிறது இக்கவிதைத் தொகுப்பு.

மலர்கள் விட்டுச்சென்ற வெற்றிடத்தில்

(கொரியக் கவிதைகள்)

தமிழில்: பா.இரவிக்குமார்

- ப.கல்பனா.

பரிசல் வெளியீடு, 216 முதல் தளம், திருவல்லிக்கேணி நெடுஞ்சாலை, திருவல்லிக்கேணி, சென்னை-05.

பேச: 9382853646; பக்கங்கள் : 136

விலை : ரூ.150