Published:Updated:

கவிதை - வெண்பரியேறி

வெண்பரியேறி
பிரீமியம் ஸ்டோரி
வெண்பரியேறி

நாராயணபுரம் கணேசவீரன்

கவிதை - வெண்பரியேறி

நாராயணபுரம் கணேசவீரன்

Published:Updated:
வெண்பரியேறி
பிரீமியம் ஸ்டோரி
வெண்பரியேறி

மின்னல் சாட்டை சொடுக்கி

பளபள கத்தி ஏந்தி

பரிவாரங்கள் சூழ

ஊர்க்காவல் பரிபாலிக்கும்

நிறைகுளத்து அய்யனாருக்கு

இயலாத மனச்சடவு.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
கவிதை
கவிதை

நிமிர் யானை மூழ்கும்

ஆழக்குளம் மேடுதட்டி

வரத்து ஓடைகள் தூர்ந்து

வெள்ளம் காக்கும் கடமைபோய்

குளத்தில் மட்டைப்பந்தாடும் சிறுவருக்கு நடுவராய்...

பரந்த மார்பில், முதுகில்

பந்தடித் தடங்கள்

வாங்குவதில் வருத்தமில்லை.

புஞ்சை விளையணும் வேண்டல்கள்

புஞ்சை விலைமுடியணுமென ஆனபின்

தரிசுக் காடுகள் பார்த்துச் சலித்து

அறுவடைப் படையல்

சுருங்கியதில் ஏமாற்றமில்லை.

கடந்த அமாவாசை இரவில்

‘மலைத் திருடன் போறான்

மண் திருடன் போறான்’ என்று

ஆட்காட்டிப் பறவையொன்று

அடையாளம் சொல்லிப் போக

சடுதியில் புரவி முடுக்கி

விரைவுச்சாலை சொகுசுக் காரை

விரட்டிப்பிடித்து எட்டிப்பார்க்கையில் உள்ளே...

கத்தரிவெயிலுக்கு வாடாமல் இருக்க

குதிரைக்கும் தனக்கும் சேர்த்து

மேற்கூரை மண்டப உபயம் தந்த

மாமனிதர் இருக்கிறார் என் செய்ய...