Published:Updated:

சொல்வனம்

சொல்வனம்
பிரீமியம் ஸ்டோரி
சொல்வனம்

நைந்து போன செருப்பு

சொல்வனம்

நைந்து போன செருப்பு

Published:Updated:
சொல்வனம்
பிரீமியம் ஸ்டோரி
சொல்வனம்

அறியாத குருவிமொழி

அள்ளி வைக்கும்

சோளமணிகளை

நேரம் தவறாமல் தினமும்

‘விர்ர் விர்ர்’ எனப் பறந்துவந்து

உற்சாகக் கீச்சுகளை 

இறைத்தவாறு மேய்ந்திடும்

நாற்பது ஐம்பது

குருவிகளுக்கு  

எப்படித்தெரிவிப்பது

என்று தெரியவில்லை

மாறப்போகும்

புதுவீட்டின் முகவரியை.

- வீ.விஷ்ணுகுமார்

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஓடுபாதைக்கொடி வண்ணத்துப்பூச்சி

மேலிருந்து லாகவமாகத் தரையிறங்கிய

விமானம்

ஓய்வுக்காக ஓடுபாதைக்கொடியில்

வந்தமர்ந்த வண்ணத்துப்பூச்சியாகத் தெரிகிறது!

- ஏந்தல் இளங்கோ

சொல்வனம்

எதையாவது சொல்லிக்கொண்டிரு...

ரோஜாவிற்கு

சாமந்தியில் பூக்க ஆசை.

சாமந்திக்கோ

சாமந்தியில் இருப்பதே மகிழ்ச்சி.

நம்பத்தகுந்ததோ

நம்பிக்கையற்றதோ

இருந்துவிட்டுப்போகட்டுமே

எதையாவது சொல்லிக்கொண்டிரு

எனையது லேசாக்குகிறது

தாங்கிடும் ஊஞ்சலாகிறது

தலைகோதும் விரல்களாகிறது

விடியலைக் காட்டும்

தூக்கமாகவும் இருக்கிறதன்பே.

 - ந.பெரியசாமி

நைந்து போன செருப்பு

எவரும் வகுத்திடாத பாதைகளில் பயணிப்பதை

சாதுர்யமாய்த் தவிர்த்துவிடுபவர்களிடம்

என்னிடம் ஒரு கேள்வி இருக்கிறது

‘சாகசங்களே அற்ற உங்கள் பாதைகளில்

பயணிக்க நைந்துபோன

செருப்பு போதாதா?’

- ராம்ப்ரசாத்