Published:Updated:

சொல்வனம்

சொல்வனம்
பிரீமியம் ஸ்டோரி
News
சொல்வனம்

மௌனமே...

பருவகாலங்கள்

நீ பேருந்திலேறி

பயணித்து இறங்கும்

இருபது நிமிடங்களுக்குள்

நிகழ்ந்துவிடுகின்றன

அத்தனை பருவகால மாற்றங்களும்

நீ பேருந்திலேறுகையில் மழைக்காலம்

நீ எனைப் பார்க்கையில் இளவேனிற்காலம்

நீ புன்னகைக்கையில் வசந்தகாலம்

நீ பேருந்தை விட்டு இறங்குகையில்

இலையுதிர்காலம்

நீ இறங்கிப்போன பிறகு கோடைக்காலம்.

- சௌவி

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

காதல் குறியீடு

உனக்காய் நான்

கோயிலுக்கும்

எனக்காய்

நீ மசூதிக்கும்

செல்கிறோம்

எத்தனையோ

இடையூறுகளுக்கு இடையே

இடைவெளியின்றிப்

பயணிக்கிறது...

மதக்குறியீடுகளின்றி

மனக்குறிகளோடு

நம் காதல்!

- மு.முபாரக்

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

சொல்வனம்
சொல்வனம்

மௌனமே...

உன் மௌனம்

என்னுள்

ஓராயிரம் வார்த்தைகளை

உதிர்க்கின்றன

எதுவுமே பேசமுடியாமல்

என்னையும் உன்னைப்போல்

நிற்கவைக்கிறாய் நீ

நம் மௌனம்

என்னென்ன வார்த்தைகளைக்கொண்டு

நிரப்பிக்கொள்ளப்போகிறதோ!

- அய்யாறு. ச.புகழேந்தி

ரோஜா

புத்தம் புதிய

ரோஜாவைக்காட்டிலும்

பத்திரப்படுத்தப்பட்ட

காய்ந்த ரோஜாக்களிலேயே

பெரும்பாலும்

பசுமையாய் வாசம் வீசிக்கொண்டிருக்கிறது

காதல்.

- கௌந்தி மு

உயிர்த்தெழுவேன்...

என் காதலை அறைந்த

சிலுவையின் முன்பே அமர்ந்து

பிரார்த்திக்கிறாய் சர்ச்சில்

பிதா உன்னை மன்னிப்பாராக...

அடிக்கடி தொலைத்துவிடுகிறேன்

என் பெயரை

ஒருமுறை அழைக்கிறாயா...

இன்னொரு முறை பிறக்கட்டுமா...

- வே.புகழேந்தி