Published:Updated:

சொல்வனம்

ஆசை
பிரீமியம் ஸ்டோரி
ஆசை

பறக்கத்தான் ஆசை.

சொல்வனம்

பறக்கத்தான் ஆசை.

Published:Updated:
ஆசை
பிரீமியம் ஸ்டோரி
ஆசை

குருதிக் கூறுகள்

மென் இறக்கைகள்

பிய்த்தெறியும்

வன் கரங்களுக்கு

நிறமிகளைப்

பரிசளித்துச் சாகும்

சிறு பட்டாம்பூச்சியாகவே

இருந்துவிட்டுப் போகிறேன்...

ஒட்டிய நிறமிகளின்

ஓராயிரம்

உணர்வுத் துணுக்குகளில்

உருப்பெறும் என்னை

மீண்டும்

பிய்த்தெறிய முற்படாதீர்கள்...

உங்கள் விரல்களிலிருந்தும்

வழியக் கூடும்

குருதிக் கூறுகள்...

குருதிக் கூறுகள்
குருதிக் கூறுகள்

ஒட்டுமொத்த விகடனுக்கும் ஒரே ஷார்ட்கட்!

- கீர்த்தி கிருஷ்

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அமையாது உலகு

காட்டாறு வந்து கலந்தபோது

துழந்தும் தொட்டும்

அருள் வந்து ஆடிய

குலசாமிகள் நதிகள்

கொள்ளை நோய்கள் வந்து

கொத்துக் கொத்தாய்

குலசாமிகளை

அள்ளிப் போனது

அம்மா தேய்த்துக் குளித்த

அரப்புப் பொடி கலந்த

ஆற்று மணலையெல்லாம்

சிட்டிகை அள்ளி வாயிலிட்டதும்

நாட்டுச் சர்க்கரையாய் இனித்த

ஆற்று மணலையெல்லாம்

தொடர்ந்து லாரி லாரியாய்

வாரிக் கொண்டிருந்தபோது

மீன்கொத்தியின் சோடிக் கண்களைப் போலவும்

உலர்ந்துபோன உழிஞைக்கொடியின்

சல்லி வேர்களைப் போலவும்

வெறுமனே நின்று

வேடிக்கை

பார்த்துக்கொண்டிருந்தேன்.

அமையாது உலகு
அமையாது உலகு

- ஜெயநதி

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

துரோகத்தின் பிம்பம்

வெள்ளிக்காசுகளை

எண்ணிக்கொண்டிருந்த

யூதாசைக் காணநேர்ந்தது.

“கொஞ்சம்கூட

வெட்கமில்லையா?” என்றேன்.

நிமிர்ந்தென்னைப் பார்த்து

எங்கிருந்து வருகிறாய்

என்றான்.

சொன்னேன்...

என் பின்னால் எட்டிப்பார்த்தவன்

வெள்ளிக்காசுகளை

என் கையில் திணித்துவிட்டுப்

போனான்.

திரும்பிப் பார்த்தேன்...

நெஞ்சில் பதிந்துகிடந்த

தோட்டாக்களோடு

பாலசந்திரன் புன்னகைத்தான்.

துரோகத்தின் பிம்பம்
துரோகத்தின் பிம்பம்

- சூர்ய பாரதி

ஆசை

பறக்கத்தான்

ஆசை.

யுக துக்கத்தைச்

செயலிழக்கச் செய்து

சல்லிவேர் உறவைத்

தவிர்த்து

சம்பிரதாயக் கடமைகளைக்

கத்தரித்து

துயரமற்ற பொழுதை

ஏந்தி

மனக்கீற்றை விலக்கி

வெறுமைப்படலக் காட்சிகளைத்

தணிக்கையாக்கி

பறப்பதற்கு

சாத்தியமில்லாக்

கால்களுக்கு

பறக்கத்தான் ஆசை.

 ஆசை
ஆசை

- நலங்கிள்ளி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism