Published:Updated:

கருணாநிதியின் நூற்றாண்டு: ஆண்டு முழுவதும் கருந்தரங்கம்; தமிழ்ப் பல்கலைக்கழக துணைவேந்தர் அறிவிப்பு!

தஞ்சை தமிழ்ப் பல்கலைக்கழகம்

தமிழ்க்கனி பதிப்பகத்தின் வழியாக வெளியிடப்பட்டுள்ள கருணாநிதியின் சங்கத்தமிழ் நூலைப் பிரெஞ்சு மொழியில் மொழியாக்கம் செய்வதற்கு ம.சச்சிதானந்தம், ஜெர்மன் மொழியில் மொழிபெயர்ப்பு செய்ய ந.சுசீந்திரன் தேர்வு செய்யப்பட்டுள்ளனர்.

கருணாநிதியின் நூற்றாண்டு: ஆண்டு முழுவதும் கருந்தரங்கம்; தமிழ்ப் பல்கலைக்கழக துணைவேந்தர் அறிவிப்பு!

தமிழ்க்கனி பதிப்பகத்தின் வழியாக வெளியிடப்பட்டுள்ள கருணாநிதியின் சங்கத்தமிழ் நூலைப் பிரெஞ்சு மொழியில் மொழியாக்கம் செய்வதற்கு ம.சச்சிதானந்தம், ஜெர்மன் மொழியில் மொழிபெயர்ப்பு செய்ய ந.சுசீந்திரன் தேர்வு செய்யப்பட்டுள்ளனர்.

Published:Updated:
தஞ்சை தமிழ்ப் பல்கலைக்கழகம்
மறைந்த தமிழக முன்னாள் முதலமைச்சர் மு.கருணாநிதி எழுதிய சங்கத்தமிழ் நூல் தஞ்சாவூர் தமிழ்ப் பல்கலைக்கழகம் மூலம் பிரெஞ்சு, ஜெர்மன் மொழிகளில் மொழிபெயர்க்கும் பணி கடந்த வெள்ளிக்கிழமை தொடங்கப்பட்டுள்ளதாகவும், கருணாநிதியின் பிறந்த நாளை முன்னிட்டு ஆண்டு முழுவதும் கருத்தரங்கங்கள் நடத்தப்படும் எனவும் தஞ்சை தமிழ்ப் பல்கலைக்கழகத் துணைவேந்தர் வி.திருவள்ளுவன் தெரிவித்தார்.
கருணாநிதி
கருணாநிதி

கருணாநிதியின் 99-ம் ஆண்டு பிறந்த நாள் தஞ்சை தமிழ்ப் பல்கலைக்கழகத்தில் கொண்டாடப்பட்டது. இந்நிகழ்ச்சியில் பேசிய பல்கலைக்கழக துணைவேந்தர் திருவள்ளுவன், "தமிழ் இலக்கியங்களை உலக மொழிகளில் மொழிபெயர்ப்பு செய்து வெளியிடுவதற்கான பணி, இப்பல்கலைக்கழகத்தின் மூலம் செய்ய அரசாணை பெறப்பட்டுள்ளது. இத்திட்டத்துக்கு ரூ.12 லட்சம் நிதியுதவி பெறப்பட்டுள்ளது. இதன்படி இப்பணியைச் செய்வதற்கு எனது தலைமையில் ஓய்வுபெற்ற பேராசிரியர்கள் சோ.ந.கந்தசாமி, கி.அரங்கன், கு.வெ.பாலசுப்பிரமணியன், தமிழ் வளர்ச்சி இயக்கக இயக்குநரும், திட்ட ஒருங்கிணைப்பாளருமான அவ்வை ந.அருள், தமிழ்ப் பல்கலைக்கழக மொழிபெயர்ப்புத் துறைத் தலைவரும், இணை ஒருங்கிணைப்பாளருமான சௌ.வீரலெஷ்மி ஆகியோரை உறுப்பினர்களாகக் கொண்டு குழு ஒன்று அமைக்கப்பட்டுள்ளது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இக்குழு உறுப்பினர்கள் கருணாநிதியின் சங்கத்தமிழ் நூலைப் பிரெஞ்சு, ஜொ்மன் மொழிகளில் மொழிபெயர்ப்பு செய்ய முடிவு செய்துள்ளனர். இதன்படி, தமிழ்க்கனி பதிப்பகத்தின் வழியாக வெளியிடப்பட்டுள்ள கருணாநிதியின் சங்கத்தமிழ் நூலைப் பிரெஞ்சு மொழியில் மொழியாக்கம் செய்வதற்கு ம.சச்சிதானந்தம், ஜெர்மன் மொழியில் மொழிபெயர்ப்பு செய்ய ந.சுசீந்திரன் தேர்வு செய்யப்பட்டுள்ளனர். இப்பணிகள் கருணாநிதியின் 99-வது பிறந்த நாளையொட்டி வெள்ளிக்கிழமை தொடங்கப்பட்டது. இதற்கான பணிகளை டிசம்பர் மாதத்துக்குள் முடிக்கத் திட்டமிடப்பட்டுள்ளது. இந்த மொழிபெயர்ப்பு சரியாக உள்ளதா என்பதை வல்லுநர் குழு ஒன்று ஆய்வு செய்யும். அடுத்த கட்டமாக மற்ற மொழிகளில் மொழிபெயர்க்கும் திட்டமும் உள்ளது.

தஞ்சை தமிழ்ப் பல்கலைக்கழகம்
தஞ்சை தமிழ்ப் பல்கலைக்கழகம்

மேலும், கருணாநிதியின் நூற்றாண்டு விழாவையொட்டி, ஆண்டு முழுவதும் கருத்தரங்கங்கள் உள்ளிட்ட நிகழ்ச்சிகள், தமிழக முதல்வர் தலைமையில் மாநாடு ஆகியவை நடத்தத் திட்டமிடப்பட்டுள்ளது" எனத் துணைவேந்தர் தெரிவித்தார்.

முன்னதாக, கருணாநிதியின் பிறந்த நாளையொட்டி, பல்கலைக்கழக வளாகத்தில் அவரது படத்துக்குத் துணைவேந்தர், பேராசிரியர்கள், பணியாளர்கள் உள்ளிட்டவர்கள் மலர் தூவி மரியாதை செலுத்தினர். மாணவர்கள் மரக்கன்றுகளை நட்டனர். தஞ்சாவூர் தமிழ்ப் பல்கலைக்கழகப் பதிவாளர் (பொறுப்பு) க.சங்கர், மொழிபெயர்ப்புத் துறைத் தலைவர் சௌ.வீரலெஷ்மி, இலக்கியத் துறைத் தலைவர் பெ.இளையா பிள்ளை ஆகியோரும் இந்நிகழ்ச்சியில் கலந்து கொண்டனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism