Published:Updated:

“மூத்த எழுத்தாளர்கள் பேசத் தயங்குகிறார்கள்!”

வாகை இலக்கியக் கூடல் மயிலாடுதுறை
பிரீமியம் ஸ்டோரி
வாகை இலக்கியக் கூடல் மயிலாடுதுறை

வாகை இலக்கியக் கூடல் மயிலாடுதுறை

“மூத்த எழுத்தாளர்கள் பேசத் தயங்குகிறார்கள்!”

வாகை இலக்கியக் கூடல் மயிலாடுதுறை

Published:Updated:
வாகை இலக்கியக் கூடல் மயிலாடுதுறை
பிரீமியம் ஸ்டோரி
வாகை இலக்கியக் கூடல் மயிலாடுதுறை

சா.கந்தசாமி, ஞானக்கூத்தன், கல்கி, ந.முத்துசாமி போன்ற இலக்கிய ஆளுமைகளைத் தந்த பெருமைக்குரிய மண் மயிலாடுதுறை. ஆயினும், இங்கே சமகால நவீனப் படைப்புகளைப் பற்றிப் பேசும் ஓர் இலக்கிய அமைப்பு இல்லை. அவ்வெற்றிடத்தில் பூத்ததே வாகை.

வலுவானதும் தொன்மையானதும் நம் வீரயுகக் காலப் பண்பாட்டின் அடையாளமாகவும் விளங்கும் வாகை, வெற்றியின் அடையாளம். ஆகவே இந்தப் பெயர். முருக தீட்சண்யா, துவாரகா சாமிநாதன், மன்னர் மன்னன், இனித்தன், பூபதி என நண்பர்களாக இணைந்து இதுவரை 14 இலக்கிய நிகழ்வுகளை நடத்தியுள்ளோம்.

2017-ம் ஆண்டில், யவனிகா ஸ்ரீராம் கவிதைகள் குறித்த உரையாடலோடு தொடங்கினோம். இரா.எட்வின், ஈழக்கவிஞர் தமிழ் உதயா, கணேசகுமாரன், இரா.முருகவேள், அர்ஷியா, பிரபஞ்சன், ந.முத்துசாமி, ‘தக்கை’ வே.பாபு, சி.எம்.முத்து, உள்ளிட்ட பல ஆளுமைகளின் படைப்புகளை விவாதப் பொருளாக எடுத்துக்கொண்டுள்ளோம். தை.கந்தசாமி, ஜமாலன் உள்ளிட்ட பல ஆளுமைகள் முக்கியமான பார்வைகளை முன்வைத்துள்ளனர்.

“மூத்த எழுத்தாளர்கள் பேசத் தயங்குகிறார்கள்!”

நவீன இலக்கியத்தின் முக்கியமான எழுத்தாளர்களை எழுத்துகளைப் பற்றி பேச, நம் மூத்த எழுத்தாளர்கள்கூட தயங்குகிறார்கள்; வெறுமனே வேடிக்கை பார்ப்பவர்களாக உள்ளனர். ஒரு கவிதை பிடித்திருந்தால், தனிப்பட்ட விதத்தில் அந்த எழுத்தாளர்களுக்குத் தொடர்புகொண்டு, அதன் சிறப்புகளைப் பற்றிப் பேசுகிறார்கள். ஆனால், சமூக வலைதளங்களிலோ அல்லது இதழ்களிலோ அதுகுறித்து எழுதுவதைத் தீண்டத்தகாத செயலாக ஒதுக்குகிறார்கள். வாகை இலக்கியக் கூடல், இந்த மௌனத்தை உடைக்க விரும்புகிறது.

தமிழ் நிலத்தின் பண்பாட்டை, நில அபகரிப்பின் அரசியலை, உலகமயமாக்கல் தொடுக்கும் போர்களைக் கூர்ந்துநோக்கும் படைப்பாளிகளுக்கு முன்னுரிமை கொடுத்து, நம் காலத்து இலக்கிய தரிசனங்களை அடுத்த தலைமுறைக்கும் கடத்த வேண்டும் என்பதே ‘வாகை’யின் நோக்கமாக இருக்கிறது. அடுத்தடுத்த அமர்வுகளில் ஈழ இலக்கியம், மொழிபெயர்ப்பு, சிறார் இலக்கியம், நாடகம், இசைக்கான அமர்வு என்று திட்டமிடுகிறோம். சூழலியல் சார்ந்த இரு நாள் கருத்தரங்கை நடத்த வேண்டும் என்பது வாகையின் பெருங்கனவு.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism