தூரத்தில் விழுந்த நிழல்

தா னியங்களைக் காற்றில்தானே வீசினோம்

அது எப்படி தரைக்கு வந்தது

தானியங்களைத் தரையில்தானே விதைத்தோம்

இடையில் எப்படி நீர் புகுந்தது

தானியங்களை மிதக்கத்தானே சொன்னோம்

அது ஏன் நம்பிக்கை இழந்தது

இங்குவந்து பாருங்கள்

நீரில் உருவம் பெரிதான தானியங்களை

இன்னும் சிலபேர் சேர்த்து உண்ணலாம்போல

. இப்படி வெறுமனே கதைபேசுவதில்

ஒரு அர்த்தமும் இல்லை நண்பா

அந்தப் பளிங்கு நீரில் மூழ்கிய தானியங்கள்

அதுபாட்டுக்கு ஆழத்திற்குச் சென்றுவிட்டன

கோழிகள்தான்

இன்னும் நீரின் மேற்பரப்பைக்

கொத்திக்கொண்டிருக்கின்றன