குறைந்த செலவில்... கலக்கலான `க்ளட்ச்’!

‘‘நா ன் இதுவரை யாருக்கும் கடையில் கிஃப்ட்ஸ் வாங்கிக் கொடுத்ததே இல்ல. எல்லாம் என்னோட கிரியேஷன்ஸ்தான். ‘ஏய்... இது புதுசா இருக்கே!’னு நான் பரிசு கொடுக்கிறவங்க எல்லோரும் ஹேப்பி ஆகக் காரணம், ஆர்ட் அண்ட் கிராஃப்ட் ஏரியாவில் அப்டேட்டட் ட்ரெண்டை நான் உடனுக்குடன் கத்துக்கிறதுதான்!’’

- க்ளிட்டர் கலர்ஸ் போல பளிச்சென பேசும் பாண்டிச்சேரி ‘ஓவியா கிரியேட்டர்ஸ்’ ஆர்ட் ஷாப்பின் உரிமையாளர் புவனப்ரியா, இங்கு `க்ளட்ச்’ செய்யக் கற்றுத் தருகிறார்.

. தேவையான பொருள்கள்:

வெடிங் கார்டு சார்ட் - 1, சில்க் மெட்டீரியல் - ஒரு மீட்டர் (விரும்பிய கலர்), ஸ்டீல் லாக்கர் - 1, ஸ்டோன் செயின் - 1 மீட்டர், ஸ்டோன் பீட்ஸ் - 1, ஃபெவிக்கால், கத்தரிக்கோல், பென்சில், ஸ்கேல், பன்ச்சிங் மெஷின்.

செய்முறை :

படம் 1: வெடிங் கார்டு சார்ட்டில் 33 செ.மீ நீளமும், 22 செ.மீ அகலமும் ஸ்கேலால் அளந்து பென்சிலில் குறிக்கவும். அதைவிட ஒரு செ.மீ குறைவான நீளத்தில் மற்றொரு அளவையும் குறிக்கவும்.

படம் 2: அளவுகள் மாறாமல் கார்டுகளை தனியே வெட்டி எடுக்கவும்.

படம் 3,4: வெட்டி வைத்துள்ள இரண்டு சார்ட்களை நீளவாக்கில் வைத்து, அதில் படத்தில் காட்டியுள்ள படி டிசைன் வரைந்து, அளவு மாறாமல் வெட்டவும்.

. படம் 5: டிசைன் வரைந்து வெட்டி எடுத்த சார்ட் பேப்பரை சில்க் துணியின் மீது வைத்து, சார்ட்டைவிட ஒரு செ.மீ கூடுதலாக அதே வடிவத்தில் துணியை வெட்டவும். படம் 6: துணியின் நான்கு ஓரங்களையும் படத்தில் காட்டியுள்ள படி வரைந்து பார்டர்போல வெட்டவும். படம் 7: சார்ட் பேப்பரில் ஃபெவிக்கால் தடவி, அதனை வெட்டி வைத்துள்ள சில்க் துணியில் சுருக்கங்கள் இல்லாமல் ஒருபுறம் மட்டும் ஒட்டவும்.

படம் 8: இதேபோன்று மற்றொரு சார்ட்டிலும் ஒட்டி, சிறிது நேரம் காயவிடவும். படம் 9: அளவு அதிகமான சார்ட்டை எடுத்து, பின்புறமாகத் திருப்பி, 7 செ.மீ அளவைக் குறித்து, படத்தில் காட்டியுள்ளபடி மடிக்கவும். மீண்டும் அதைவிட 2 செ.மீ கூடுதலான அளவைக் குறித்து, அதேபோன்று மீண்டும் ஒருமுறை மடிக்கவும்.

படம் 10: பின்னர் சார்ட்டினை துணி ஒட்டிய பக்கம் திருப்பி, படத்தில் காட்டியுள்ளபடி பின்புறமாக மடிக்கவும்.

படம் 11: க்ளட்ச்சின் பேஸ் ரெடி. படம் 12: க்ளட்ச்சின் இருபுறங் களிலும் உள்ள இடைவெளியை அடைக்க, அந்த இடைவெளி அளவில் இரண்டு துணிகள் வெட்டி எடுத்து, ஃபெவிக்கால் தடவி ஒட்டவும்.

. படம் 13: ஒட்டிவைத்துள்ள க்ளட்ச்சின் மேல் பகுதியான வளைந்த பகுதியில், சென்டர் செய்து பன்ச்சிங் மெஷினால் துளையிடவும். படம் 14: அந்தத் துளையில் ஸ்டீல் லாக்கரை வைத்து வாஷர் சேர்த்து அழுத்திவிடவும். படம் 15: வெட்டி வைத்துள்ள மற்றொரு அட்டையில், டிசைன் செய்து வெட்டிய பக்கத்துக்கு எதிரில் துளையிட்டு லாக்கர் மாட்டி அழுத்திவிடவும்.

படம் 16, 17: செய்துவைத்துள்ள க்ளட்ச் பேஸில் ஃபெவிக்கால் தடவி மற்றொரு அட்டையின் துணி ஒட்டிய பக்கங்கள் வெளிப்புறம் இருக்குமாறு சுருக்கங்கள் இல்லாமல் படத்தில் காட்டியுள்ளபடி ஒட்டவும். படம் 18: க்ளட்சின் மேல் பகுதியில் விருப்பத்துக்கு ஏற்ப ஸ்டோன்களால் அலங்கரிக்கவும். கலக்கலான க்ளட்ச் ரெடி.

. கோல்டன் கலர் க்ளட்ச்தான் எல்லா ஆடைகளுக் கும் பொருந்தும் படியாக வாங்கிவைப்போம்; ஆனால், இனி டிரெஸ்ஸுக்கு மேட்சிங் காக எல்லா நிறங்களிலும் குறைந்த செலவில் வீட்டிலேயே க்ளட்ச்கள் செய்து, பார்ட்டிகளுக்கு கிராண்டாக எடுத்துச் சென்று கலக்கலாம். ட்ரெடிஷனல் லுக் தரும் இந்த க்ளட்ச்சை ஜீன் மெட்டீரியலில் செய்தால், ட்ரெண்டி லுக் கிடைக்கும்!’’

- பெண்களுக்குப் பிடித்த மான ஆர்ட் மட்டும் அல்ல, ஐடியாவும் சொல்லி நிறைவு செய்தார் புவனப்ரியா.

. சு.சூர்யா கோமதி சொ.பாலசுப்ரமணியன், இரா.யோகேஷ்வரன்

மாடல்: சரண்யா

குறைந்த செலவில்... கலக்கலான `க்ளட்ச்’!

Vikatan Correspondent