Published:Updated:

வித்தியாசமாக ஒரு வெடிங் போட்டோகிராஃபி!

ஒட்டுமொத்த விகடனுக்கும் ஒரே ஷார்ட்கட்

Use App
வித்தியாசமாக ஒரு வெடிங் போட்டோகிராஃபி!
வித்தியாசமாக ஒரு வெடிங் போட்டோகிராஃபி!

வெரைட்டி

பிரீமியம் ஸ்டோரி

திருமண நினைவுகளை மீண்டும் மீண்டும் மலரவைக்கும் வகையில் புகைப்படம் எடுப்பது வழக்கமான விஷயமாக இருந்தாலும். அப்படி புகைப்படம் எடுப்பதில் அவுட்டோர் போட்டோஷூட் என்பது சர்வசாதாரணமாகிவிட்டது. அதனால் இதில் ஏதாவது வித்தியாசமாக செய்யலாமே என புதுமண தம்பதிகள் சஹானா மற்றும் பிரவீன், அவுட்டோர் போட்டோ ஷூட்டுக்கு தேர்ந்தெடுத்த இடம், கடற்கரையோ, மலைப்பிரதேசமோ அல்லது தெருமுனை டீக்கடை, ஆட்டோ ரிக்‌ஷா என சிம்பிளாகவும் வித்தியாசமாகவும் ஒரு கலக்கல் போட்டோ ஷூட் முடித்திருக்கிறார்கள்.

வித்தியாசமாக ஒரு வெடிங் போட்டோகிராஃபி!
வித்தியாசமாக ஒரு வெடிங் போட்டோகிராஃபி!
வித்தியாசமாக ஒரு வெடிங் போட்டோகிராஃபி!
வித்தியாசமாக ஒரு வெடிங் போட்டோகிராஃபி!

இந்த ஷூட் குறித்து சஹானாவின் சிறு பகிர்வு, “நம்மோட சின்ன வயசு படங்களைத் திருப்பி பாக்கும்போதும், ஃபிரெண்ட்ஸுக்கு வாட்ஸ் அப், ஃபேஸ் புக்னு ஷேர் செய்யும்போதும் எப்படி சந்தோஷமா இருக்குதோ, அதேமாதிரி மேரேஜுக்கு எடுக்கும் போட்டோஸை 25 வருஷம் கழிச்சு பாத்தா, சந்தோஷம் பசுமையா துளிர்விடணும். அப்படி அழுத்தமா பதியுற மாதிரி வித்தியாசமா ஏதாச்சும் பண்ணலாம்னு யோசிச்சதுதான் இந்த கான்செப்ட். இன்னும் 25 வருடங்கள் கழித்து எங்கள் குழந்தைக்கு ‘அந்தக் காலத்துல டீக்கடை இப்படிதான் இருந்துச்சு, ஆட்டோ இப்படிதான் இருக்கும், எங்க ஊர் பஸ்ல நாங்க எப்படி ஜாலியா இருந்தோம் பாரு’ னு சொல்லணும்ல. ஏன்னா, வரலாறு ரொம்ப முக்கியம் பாஸ்!’’ என்பவர் தொடர்ந்து...

``நான் கொஞ்சம் துறுதுறு பொண்ணு, ஆனா, என் கணவருக்கு கூச்ச சுபாவம். பஸ்ல போட்டோஷூட் பண்றப்போ பஸ்ல இருந்த எல்லாரும் எங்களையே பார்த்துட்டு இருந்தாங்க. இவர் ரொம்பவே வெக்கப்பட்டார். ஆனா, எனக்கு ரொம்ப வித்தியாசமான, ஜாலியான அனுபவமா இருந்துச்சு. அதேமாரி இந்த ஷூட்டுக்காக போட்டோகிராஃபர் சண்முகராஜன், எங்களை ரிசப்ஷன் டிரெஸ் அண்ட் மேக்கப்புடன் வரச்சொன்னாரு. அதனால ரிசப்ஷனுக்கு அடுத்த நாள் ஷூட் ஃபிக்ஸ் செய்து, ரிசப்ஷன் முடிஞ்சு மேக்கப் கலையாம இருக்கணும்னு நைட் ஃபுல்லா தூங்காம இருந்து, அடுத்தநாள் ஷூட் முடித்தோம். போட்டோஸ் எங்களுக்கு மட்டும் இல்ல, நிறைய பேருக்கு புடிச்சுது. பல நினைவுகளோட கூடிய வருங்காலத்துக்கு  சில கதைகளையும் கொடுத்தவகையில் மனசுக்கு ரொம்ப திருப்தியா அமைஞ்ச ஷூட் இது” என மலர்ந்த முகத்தோடு கூறினார் புது மணப்பெண் சஹானா!

- சு.கற்பகம்
படங்கள்: மது இண்டியா போட்டோகிராஃபி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு