Published:Updated:

பிடித்த துறையில் பிரம்மா ஆகலாம்! மாத்தி யோசிங்க மக்களே

பிடித்த துறையில் பிரம்மா ஆகலாம்! மாத்தி யோசிங்க மக்களே

பிடித்த துறையில் பிரம்மா ஆகலாம்! மாத்தி யோசிங்க மக்களே

பிடித்த துறையில் பிரம்மா ஆகலாம்! மாத்தி யோசிங்க மக்களே

Published:Updated:

16 ப்ளஸ்-எனர்ஜி பக்கங்கள்  
பிடித்த துறையில் பிரம்மா ஆகலாம்! மாத்தி யோசிங்க மக்களே  
கலீல்,செந்தில்,வினோத்,வினோத்குமார்
பிடித்த துறையில் பிரம்மா ஆகலாம்! மாத்தி யோசிங்க மக்களே
பிடித்த துறையில் பிரம்மா ஆகலாம்! மாத்தி யோசிங்க மக்களே

ஒட்டுமொத்த விகடனுக்கும் ஒரே ஷார்ட்கட்!

பிடித்த துறையில் பிரம்மா ஆகலாம்! மாத்தி யோசிங்க மக்களே
பிடித்த துறையில் பிரம்மா ஆகலாம்! மாத்தி யோசிங்க மக்களே

ரு காகிதம் இருக்கிறது... அது ஒரு கவிஞரின் கையில் கிடைத்தால், கவிதை எழுதுவார். ஒரு சிறுவனிடம் கொடுத்தால், கப்பல் செய்வான். ஓவியரிடம் சிக்கினால், அழகிய ஓவியம் உயிர் பெறும். கழுதைக்கு அந்தக் காகிதம் உணவாகும். ஒரே காகிதம்தான்... ஆனால், எத்தனை பரிணாமங்களில் அது பயன் அளிக்கிறது? அந்தக் காகிதத்தை உங்களிடம் தந்தால், அதை நீங்கள் எப்படிக் கையாள்வீர்கள்? அதைக்கொண்டு உங்களால் என்ன புதுமை செய்ய முடியும்? இந்தக் கேள்விக்கான பதில்தான் உங்கள் கற்பனைத் திறனைத் தீர்மானிக்கும்.

கற்பனைத் திறன் அல்லது படைப்புத்திறன்... ஆங்கிலத்தில் கிரியேட்டிவிட்டி! இந்த சங்கதி மட்டும் இல்லையென்றால், உலகில் எந்த சுவாரஸ்யமும் இல்லை. சொல்லப்போனால், நாம் அனைவருமே ஏதோ ஒருவிதத்தில் கிரியேட்டர்கள்தான். புதிதாக வெளியான புதுப் படத்தைக் கலாய்த்துக் கிண்டல் அடிக்கும் எஸ்.எம்.எஸ். எழுதுவதில் தொடங்கி, கணினி மூலம் சிந்தட்டிக் செல் எனும் செயற்கை உயிரியை உருவாக்குவது வரை அனைத்துக்கும் கற்பனைத் திறன் முதல் தீக்குச்சி உரசல்.

'உலகம் தட்டை அல்ல... உருண்டை!' என்று அறிவித்த போதும் நிலவுக்கு ஆளில்லா செயற்கைக் கோள்களை அனுப்பிய போதும் கிரியேட்டர்கள் தான் எப்போதும் இந்த உலகத்தை வழிநடத்திச் சென்றிருக்கிறார்கள். ஒருவரது கற்பனைத் திறன் மெருகேறி படைப்புத் திறன் அதிகரிக்க அதிகரிக் கத்தான் 'கிரியேட்டர்' என்ற அந்தஸ்துக்கு அவர் சொந்தக்காரர் ஆகிறார். உங்களுக்குள் இருக்கும் கிரியேட்டரை வெளிக்கொணர்வது எப்படி? 'எதையும் தவறாகச் செய்வதில் இருந்துதான் புதுமைகள் பிறக்கின்றன. மரபான வழிகளில் இருந்து மாற்றுப் பார்வையுடன் செயல்படுகிற போது அது வித்தியாசப்படுகிறது. கிரியேட்டிவிட்டி என்பது கட்டுடைப்பதும், தவறுகளை அனுமதிப்பதும் ஆகும்!' என்கிறார் 'லேட்டரல் திங்க்கிங்' என்பதை உலகுக்கு அறிமுகப்படுத்திய எட்வர்ட் டீ போனோ.

'எந்தக் குழந்தையும் நல்லக் குழந்தைதான் மண்ணில் பிறக்கையிலே... அது நல்லவராவதும் தீயவராவதும் அன்னை வளர்ப்பதிலே' என்ற புலமைப்பித்தனின் வரிகள் ஓரளவுக்குப் பொருந்தும்.அன்னை வளர்ப்பதில் மட்டுமல்ல, தன்னைத்தானே செதுக்கிப் பட்டை தீட்டிக்கொள்வதிலும்தான் ஒருவர் 'கிரியேட்டர்' என்ற அந்தஸ்தை எட்டிப் பிடிக்க முடியும். சில கிரியேட்டர்களிடம் அவர் கள் தங்களைப் பட்டை தீட்டிக்கொள்ளும் விதத்தை, வித்தையைக் கேட்டோம்.

பிடித்த துறையில் பிரம்மா ஆகலாம்! மாத்தி யோசிங்க மக்களே

''எதையும் எல்லோரும் பார்க்கிற ஆங்கிளில் பார்க்காமல், வித்தியாசமான ஒரு கோணத்தில் பார்க்கணும். பார்வைதான் எதையும் மூளையில் பதியச்செய்து சிந்தனையைத் தூண்டும். ஆக, முதல் புள்ளியான பார்வையில் இருந்தே வித்தியாசத்தை ஆரம்பிச்சுட்டா, நம்ம சொல், செயல் எல்லாமே வித்தியாசம்தான்!'' என்று ஆரம்பிக்கிறார் கோகுல்நாத். வெறுமனே நடிகர்கள் குரலில் மட்டுமே பேசிக்கொண்டு இருந்த மிமிக்ரி, மௌன சைகைகளால் மட்டுமே கலக்கும் மைம் இரண்டு கலைகளையும் அடுத்த கட்டத்துக்கு அழைத்துச் சென்ற கலைஞன். ''கல்லூரியில் மிமிக்ரி பண்ணலாம்னு ஐடியா. ஆனா, நிறையப் பேர் மிமிக்ரி பண்றாங்க. நாம அதில் என்ன வித்தியாசம் காட்டலாம்னு யோசிச்சப்பதான் 'பாடி லாங்குவேஜ்' மேல் என் கவனம் பதிஞ்சது. சும்மா ஒரே இடத்தில் நின்னுட்டே மிமிக்ரி பண்ணாமல், உடம்பை வளைச்சு நெளிச்சு வித்தியாசமா ஏதாவது செய்ய ஆசைப்பட்டேன். உடல்மொழியை எப்படி வித்தியாசப்படுத்தலாம்னு யோசிச்சுட்டே இருந்தப்ப, டி.வி-யில் ஒரு குரங்கு சேட்டை பண்றதைக் காமிச்சாங்க. உடனே ஒரு ஃப்ளாஷ்... மிருகங்களின் உடல்மொழியை இமிடேட் பண்ணாலாம்னு தோணுச்சு. நிறைய வீடியோக்கள் பார்த்து, ஹோம்வொர்க் செஞ்சு ஸ்டேஜ்ல பண்ணதுதான் மிருகங்களுக்கான ஃபேஷன் ஷோ. அந்த முதல் கைதட்டல்கள்தான் இப்ப எனக்கான அங்கீகாரத்தைக் கொடுத்திருக்கு!'' என்று தம்ஸ் அப் காட்டுகிறார் கோகுல்நாத்.

இந்த உலகில் குழந்தைகள் உலகுக்காகத் தன்னை அர்ப்பணித்துக்கொண்ட நாடகக் கலைஞன் வேலு சரவணன். மேடை, ஆடை, பின்னணி இசை என எவற்றின் உதவியும் இன்றி இருந்த இடத்தில் நாடகம் நடித்துக் குதூகலப்படுத்தும் குறும்பு கிரியேட்டர். ''என் கற்பனைகளுக்குத் தீனி போடுபவர்கள் குழந்தைகள்தான். எப்பவுமே குழந்தைகள்கிட்ட கற்பனை சக்தி அபாரமா இருக்கும். காரணம், அவங்க உலகத்தில் எல்லாத்தையும் புதுசாப் பார்ப்பாங்க. எதைப் பார்த்தாலும் கேள்வி கேட்டுட்டே இருப்பாங்க. அவர்களின் பல கேள்விகள் ஆச்சர்யப்படுத்தும். நாலு வயசு குழந்தைகிட்ட பேசிட்டு இருந்தேன். 'சனி, ஞாயிற்றுக்கிழமை ஏன் லீவு கொடுக்குறாங்க'ன்னு கேட்டுது. 'கடவுள் முதல்ல உலகத்தைப் படைக்க ஆரம்பிச்சார். அஞ்சு நாள்ல உலகத்தை செஞ்சு முடிச்சுட்டார். அடுத்த ரெண்டு நாள் ரெஸ்ட் எடுத்துக்கிட்டார்'னு சொன்னேன். உடனே, அந்த பாப்பா, 'ஓ... அதான் இந்த உலகம் இவ்ளோ டர்ட்டியா இருக்கா? நானா இருந்தா, உலகத்தை இன்னும் அழகா, க்யூட்டாப் பண்ணியிருப்பேன்!'னு யோசிக்காமச் சொல்லுச்சு. நான் வாய்அடைச்சுப்போயிட்டேன். உலகத்தைத் திருத்தும் சக்தி ஒரு குழந்தை கையில் கிடைச்சா, என்ன ஆகும்னு ஒரு முழு நாடகத்துக்கான ஐடியா கிடைச்சது!'' என்கிறார் குழந்தைச் சிரிப்புடன்.

பிடித்த துறையில் பிரம்மா ஆகலாம்! மாத்தி யோசிங்க மக்களே

'வசீகரா, கலாபக் காதலா, நீருக்குள் மூழ்கிடும் தாமரை, பெண்ணே உன் மேல் பிழை' என வளமான தமிழ் வார்த்தைகள், மயிலிறகாக வருடும் வசீகரக் கற்பனைகளுக்குச் சொந்தக்காரர் கவிஞர் தாமரை. ''குழந்தைகள் வளர வளர, அவர்கள் ஏதாவது ஒன்றின் மீது ஆர்வமாக இருப்பார்கள். சிலர் கட்டடத் துண்டுகளைச் சரியாக அடுக்குவார்கள். சிலர் சுவர்களில் கிறுக்கிக்கொண்டே இருப்பார்கள். சிலர் ஒப்பனை செய்வார்கள். சிலர் சொப்பு வைத்துச் சமையல் செய்வார்கள். சிலர் விளையாடிக் கொண்டே இருப்பார்கள். இவை ஒவ்வொன்றும் படைப்புத்திறனின் ஆரம்பக் கட்டம். கிறுக்கினால்... ஓவியம். சொப்பு என்றால்... சமையல் என்பது மாதிரி, குழந்தைகள் எந்த விஷயத்தில் ஆர்வமாக இருக்கிறார்கள் என்பதைக் கண்டுபிடித்துவிடலாம். பெற்றோர்கள் அந்தத் துறையில் குழந்தைகளுக்குப் புதிய விஷயங்களை அறிமுகப்படுத்தி, அவர்களை வளர்த்தெடுக்க வேண்டும்.

பள்ளிப் படிப்பு முடிந்ததுமே இளைஞர்கள் தங்களுக்கு என்ன வரும், தங்களுக்கு என்ன தேவை என்பதில் தெளிவாக இருக்க வேண்டும். ஏனெனில், வாழ்க்கையில் சாதித்தவர்கள் பெரும்பாலானோர் தங்களுக்குப் பிடித்த துறையைத் தேர்ந்தெடுத்தவர்கள்தான். பெற்றோர்களுக்குப் புரியவைத்து, தனக்குப் பிடித்த துறையைத் தேர்ந்தெடுத்துப் பயணிக்க வேண்டும். வெறுமனே தங்களுக்குப் பிடித்த துறையில் நுழைந்தாலே, வெற்றி பெற்றுவிட முடியாது. எந்தத் துறையில் இருக்கிறீர்களோ, அதைப்பற்றிய பல விஷயங்களை, நுணுக்கங்களைத் தேடிப் பிடித்துத் தெரிந்துகொள்ள வேண்டும். உங்கள் துறையில் உலக அளவில் புகழ்பெற்றவர்களின் படைப்புகளைக் கூர்ந்து கவனியுங்கள். உங்கள் இடம் தெரியும். உலகத்தரம் புலப்படும். மற்றவர்களிடம் நாம் எப்படி வித்தியாசப்படுவது என்று தெரிந்துகொள்ளுங்கள். மற்றவர்களின் வழியைப் பின்பற்றினால் பத்தோடு பதினொன்றாகக் காணாமல் போய்விடுவீர்கள். இதைப்போலவே நீங்கள் அந்தத் துறையில் ஏற்படும் மாற்றங்களை விரல் நுனியில் வைத்திருங்கள். அப்போது உலகத்தோடு ஓட முடியும். இல்லையென்றால் பின் தங்கிவிடுவீர்கள்!'' என்று அனுபவம் உணரவைக்கும் சில விஷயங்களோடு முடிக்கிறார் தாமரை.

'சண்டேன்னா ரெண்டு' என்ற குறும்பு விளம்பரம்தான் முதல் அடையாளம். தற்போது 'தமிழ்ப் படம்' என்பது சி.எஸ்.அமுதனின் பெருமித அடையாளம். படம் அளவுக்குப் படத்தின் புரமோஷன்களிலும் ஈர்ப்பு கூட்டியவர். ''வழக் கத்தில் இருந்து கொஞ்சம் மாறு பட்டுச் சிந்திக்கணும். அவ்வளவுதான். பார்வையாளர்களோ,வாசகர் களோ, அவங்களைக் கொஞ்சம் டீஸ் பண்ணணும். இந்த ஆன்ட்டி ஃபார்முலா, பெரும்பாலான சமயங் களில் சக்சஸ் ஆகும். 'இந்தத் தேதியில் இருந்து ஒவ்வொரு ஞாயிறும் இரண்டு நாளிதழ்கள் வெளிவருகின்றன. மறக்காமல் கேட்டு வாங்குங்கள்'னு விளம்பரப் படுத்தினால், அதில் சுவாரஸ்யம் இல்லை. சண்டேன்னா சட்டுனு ஒரு ஜாலி மூட் மனசுக்குள் ஓடும். அதனால், அந்த ஐடியாவைக் கொஞ்சம் டீஸிங்கா அமைச்சோம். இதேபோல், ஒரு துணிக் கடைக்கு, ''கன்னாபின்னானு விலையைக் குறைச்சு விக்கிறாங்க. இப்படியே போனா, கடையை மூட வேண்டியதுதான்'னு கடையில் வேலை பார்க்கும் ஆட்கள் ஸ்டிரைக் பண்றாங்க'ன்னு ஒரு விளம்பரம் பண்ணினோம். அந்த விளம்பரத்தைப் பார்த்ததும் அடிச்சுப் பிடிச்சு ஓடிப் போய் மக்கள் துணி வாங்கப்போறது இல்லைதான். ஆனா, துணி வாங்கலாம்னு யோசிக்கிறப்ப நிச்சயம் அந்த விளம்பரம் மனசில் மின்னி மறையும். ஏன்னா, வழக்கத்துல இருந்து அது வித்தியாசம்!'' என்கிறார் அமுதன்.

ஒட்டுமொத்த இந்தியாவையும் ஒரே ஐடியாவில் அசரடித்தவர் பிரகாஷ் வர்மா. வோடஃபோன் நிறுவன ஜூஜூ விளம்பரங்களின் இயக்குநர். கிரிக்கெட் பிடிக்காதவர்கள்கூட ஜூஜூ ரசிகர்களாக இருப்பார்கள்.

''அனிமேஷன் என்றால் வியப்பும் விசித்திரமும். எல்லோ ருக்கும் அதில் ஆர்வம் இருக்கும். ஒருநாள் கார் டிரைவ் பண்ணிட்டு இருந்தேன். அப்போ ரோட்டோரத்திலே சின்ன பசங்க முட்டைக்குள் ஓட்டை போட்டு, காந்தத்தை அதில் போட்டு, பொம்மைகள் சண்டை போட்டுக்கொள்வது மாதிரி விளையாடிட்டு இருந்தாங்க. அங்கேதான் எனக்கு ஜூஜூ ஐடியா ஸ்பார்க் ஆனது. அந்த முட்டைகளுக்குக் கை, கால் கொடுத்து ஒரு கார்ட்டூன் அனிமேஷன் பண்ணிப் பார்த்து, ஆறு மாசங்களுக்குப் பிறகுதான் இப்போ பார்க்கிற 'ஜூஜூ' வடிவம் வந்தது. மாத்தி யோசித்தாலே மற்றவர்களைச் சுண்டி இழுக்கும் கிரியேட்டிவ் வித்தை நம் கைவசம்!'' என ஜூஜூ புன்னகை புரிகிறார் பிரகாஷ் வர்மா.

'காக்க காக்க' தொடங்கி, 'விண்ணைத் தாண்டி வருவாயா' வரை, தமிழ் சினிமாவின் கலர்ஃபுல் ரகளைக்குச் சொந்தக்காரர் கலை இயக்குநர் ராஜீவன். ''ஏதாவது ஓர் அடிப்படைக்கலையை முதலில் கற்றுக்கொள்ளுங்கள். அது தச்சுக் கலையாகக்கூட இருக்கலாம். குறைந்தபட்சம் உங்கள் மனதில் இருக்கும் விஷயத்தை

பிடித்த துறையில் பிரம்மா ஆகலாம்! மாத்தி யோசிங்க மக்களே

அடுத்தவர்களிடம் புரியவைக்கும் அளவாவது அந்தக் கலையை நீங்கள் தெரிந்துவைத்திருக்க வேண்டும். நீங்கள் தேர்ந்தெடுத்த துறையில் உள்ள பழமையான விஷயங்கள், புதிய வரவுகள் இரண்டையும் அப்டேட் செய்துகொண்டே இருங்கள். எந்தத் துறையாக இருந்தாலும், அதுபற்றி ஏராளமான புத்தகங்கள் கிடைக்கின்றன. நிறையப் படியுங்கள்.

உதாரணமாக, ஆர்ட் டைரக்டராக விரும்புபவர்களுக்கு, டிராயிங், கம்ப்யூட்டர் திறமை அவசியம். நீங்கள் செல்லும் ஊர்கள், வீடுகள், முகங்கள், பொருட்கள் என அனைத்தையும் கண்ணால் கிளிக் செய்து காட்சியாக மனதில் பத்திரப்படுத்துங்கள். அது என்றாவது ஒருநாள் உங்களுக்குக் கைகொடுக்கும். சிறுகதையோ, நாவலோ, டி.வி. செய்தியாகக்கூட இருக் கட்டும்... நீங்கள் பார்க்கும், படிக்கும் விஷயங்களை மனதில் காட்சியாக ஓட்டிப்பாருங்கள். இந்தியா-பாகிஸ்தான் போரைப் பற்றிய பாடம் படித்தாலும், கதையாக உங்களிடம் சொல்லப் பட்டாலும், அப்போது பயன்படுத்திய துப்பாக்கிகள், பீரங்கி கள், கப்பல்கள், விமானங்கள், இரு நாட்டுத் தேசியக்கொடிகள், வீரர்களின் யூனிஃபார்ம் என விஷ§வலாகவே யோசியுங்கள். சித்திரமும் கைப்பழக்கம் என்பார்களே அது போல, பயிற்சி தான் உங்களையும் கலையையும் முழுமை ஆக்கும்!''

பிடித்த துறையில் பிரம்மா ஆகலாம்! மாத்தி யோசிங்க மக்களே

ஒற்றை இலைதான் என்றாலும், ஜி.வெங்கட்ராம் க்ளிக் செய்த புகைப்படம் என்றால், கண்களைமீட்டு எடுக்க முடியாத அழகுடன் அது மிளிரும். கேமராவில் இருந்து கவிதைகள் படைக்கும் திறமையாளர்.

''பொதுவாக, அனைவரும் ஒரே மாதிரியான கேமரா, லென்ஸ், லைட்டிங்தான் பயன்படுத்துவாங்க. ஆனா, பாஸ்போர்ட் போட்டோ எடுத்தாக்கூட அதுல எதாவது வித்தியாசம் எதிர்பார்ப்பாங்க இப்போதைய வாடிக்கையாளர்கள். விளம்பரம், நடிகர்-நடிகைகளின் போர்ட்ஃபோலியோ, பட விளம்பரங்கள்னு ஒவ்வொரு ஷூட் போறதுக்கு முன்னாடி நிறைய ரிசர்ச் பண்ணுவேன். சில ஐடியாக்களோடு ஷூட் போகலாம். ஆனா, போன இடத்துல கிடைக்குற வசதிகளுக்கு ஏற்ப நம்ம ஐடியாக்களை மாத்திக்கவும் செய்யணும். ஒரு பேச்சுக்குச் சொல்றேன்... இதுவரை நான் தங்க நகைகளுக்கு விளம்பரமே பண்ணதில்லைன்னு வெச்சுக்கங்க. அப்ப எனக்குக் கிடைக்கிற முதல் நகை விளம்பர வாய்ப்புக்கு நான் அவ்வளவு ஹோம் வொர்க் பண்ணிட்டுதான் போவேன். முதல் போட்டோ ஷூட்டுக்கு எந்தளவுக்குப் பயம், பதற்றம், சின்ஸியாரிட்டியோடு ஆயத்தமானமோ, அதே உணர்ச்சியைத்தான் ஒவ்வொரு ஷூட்டுக்கும் வெளிப்படுத்தணும். போட்டோ கிராஃபி சம்பந்தப்பட்ட புத்தகங்களை மட்டுமே படிக்காமல் சமூகம், அரசியல், சினிமா, சமையல், கிராஃபிக்ஸ், டிசைனிங்னு அனைத்துவிதமான புத்தங்களையும் படியுங்கள். அவை உங்கள் போட்டோக்களில் கண்டிப்பாகப் பிரதிபலிக்கும். உங்களை அறியாமலேயே நீங்கள் அப்டேட் ஆகிக்கொண்டே இருப்பீர்கள்!'' என்று வாழ்த்து கிறார் ஜி.வெங்கட்ராம்.

என்ன நண்பர்களே... பிடித்த துறையில் பிரம்மா ஆகலாம்தானே!

பிடித்த துறையில் பிரம்மா ஆகலாம்! மாத்தி யோசிங்க மக்களே
படம்:து.மாரியப்பன்                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism