Published:Updated:

நான் ஷிகான் ஹுசைனி ஆனது எப்படி?

நான் ஷிகான் ஹுசைனி ஆனது எப்படி?

நான் ஷிகான் ஹுசைனி ஆனது எப்படி?

நான் ஷிகான் ஹுசைனி ஆனது எப்படி?

Published:Updated:

16 ப்ளஸ்-எனர்ஜி பக்கங்கள்  
"நான் ஷிகான் ஹுசைனி ஆனது எப்படி?"  
பாரதி தம்பி, ந.வினோத்குமார்
நான் ஷிகான் ஹுசைனி ஆனது எப்படி?
நான் ஷிகான் ஹுசைனி ஆனது எப்படி?

ஒட்டுமொத்த விகடனுக்கும் ஒரே ஷார்ட்கட்!

நான் ஷிகான் ஹுசைனி ஆனது எப்படி?
நான் ஷிகான் ஹுசைனி ஆனது எப்படி?
நான் ஷிகான் ஹுசைனி ஆனது எப்படி?

ஷிகான் ஹ§சைனி... கராத்தே, வில் வித்தை, இசை, நடனம், சங்கீதம், சிற்பம், ஓவியம், சமையல், நடிப்பு எனப் பல அவதாரங்கள் எடுத்தவர். பெசன்ட் நகர் வீடு முழுக்க விதவிதமான கலைப் பொருட்கள், சிற்பங்கள்.

''மதுரையில் பிறந்தேன். என் அப்பா, சரித்திரப் பேராசிரியர். அப்பாவுக்கு கொல்கத்தாவுக்குப் பணி மாறுதல் வந்தது. ஆறு வயது வரை அங்குதான். அப்பா என்னை ஜூடோ வகுப்புகளில் சேர்த்தார். அறிந்தும் அறியாத வயதில் உடம்பையும் மனதையும் புத்துணர்ச்சியாக்கும் அந்தக் கலையின் மீது ஈர்ப்பு வந்தது.

அப்பா மறுபடியும் மதுரைக்கே அழைத்து வந்தார். புனித மேரி பள்ளியில் சேர்ந்தேன். அப்போது ஆங்கிலத்தின் மீது எக்கச்சக்கக் காதல். ஆங்கில ஆசிரியர் ஸ்டீஃபன் ஊக்குவிக்க, சின்ன வயதிலேயே மேடைகளில் ஆங்கிலத்தில் விவாதம் செய்யும் அளவுக்கு மொழி வளம் வளர்ந்தது. அதே பள்ளியின் ஃபாதர் ஃபிலிக்ஸ் ஜோசப், எனக்குள் ஒரு நடிகனைக் கண்டுபிடித்தார். நாடகங்களில் வார்த்தெடுத்தார். இஷ்டத்துக்கும் வரைந்து தள்ளுவேன். அந்தக் கிறுக்கல்களைக்கண்டு என்னை ஓவியனாக்கியவர் மாணிக்கம் சார். ஜெயராமன் மாஸ்டரிடம் பரதநாட்டியம் கற்றுக்கொண்டேன். இப்படி பள்ளிப் பருவத்திலேயே எல்லாக் கலைகள் மீதும் ஆர்வம். எல்லாவற்றையும் கற்றுக்கொள்ளும் வெறி.

ஆனால், என் பள்ளிப் படிப்பு முடிவதற்கு முன்பே அப்பா இறந்துபோனார். நான்கு பிள்ளைகளை வைத்துக்கொண்டு என் அம்மா பொருளாதாரரீதியில் தடுமாறி நின்ற£ர். 300 ரூபாய் வாடகைகூட தர முடியாத சிரமம். ஆனால், அந்த வயதில் வறுமை என்பது ஒரு பொருட்டாகத் தெரியவில்லை.

9-ம் வகுப்பு படிக்கும்போது விலங்குகளின் மீது பெரிய ஆர்வம். எலிகளைப் பிடித்து அறுத்து, ஓர் இதயத்தை எடுத்து, இன்னொன்றுக்குவைத்து இதய மாற்று அறுவை சிகிச்சை செய்வேன். அவை செத்துப்போகும். அப்போது டாக்டர் மைக்கேல் டிபெகே என்பவர் உலக அளவில் இதய மாற்று

அறுவை சிகிச்சைக்குப் பிரபலம். அவரைப்பற்றிய விவரங்களைப் பத்திரிகைகளில் படித்து அவருக்குக் கடிதம் எழுதினேன். என் ஆர்வத்தைப் பார்த்து, என் பள்ளிப் படிப்பு முடியும் வரை ஒவ்வொரு மாதமும் 14 டாலர்கள் மணியார்டர் அனுப்பினார். மறக்க முடியாத மனிதர்.

அப்போதுதான், மதுரையில் கராத்தே வகுப்பு கள் ஆரம்பிக்கப்பட்டன. எனக்கு ஆசை. ஆனால், யூனிஃபார்ம் வாங்கக்கூட காசு இல்லை. உடனே, நானே கராத்தே வகுப்புகள் நடத்துவதாக விளம்பரம் செய்தேன். வந்தவர்களிடம் முன்பணம் வாங்கி இன்னொரு கராத்தே வகுப்பில் சேர்ந்தேன். அங்கு கற்றுக்கொண்டதை அடுத்த நாள் என் வகுப்பில் கற்றுக்கொடுத்தேன். கொஞ்ச நாட்களில் என் வகுப்புகள் பிக்-அப் ஆகி, நான் கற்றுக்கொண்ட இடத்தைவிட என்னிடம் மாணவர்கள் அதிகமான அதிசயம் நடந்தது. கல்லூரி படிக்கும்போது, மதுரையில் என் கராத்தே வகுப்புகளுக்கு 32 கிளைகள் இருந்தன.

அமெரிக்கன் கல்லூரியில் படித்த நான்கு ஆண்டுகளில் எந்தப் போட்டியையும் தவறவிட்டது இல்லை. நான்கு ஆண்டுகளில் பல்வேறு போட்டிகளில் 147 முதல் பரிசுகள் வாங்கினேன். இதற்காகவே கல்லூரியில் எனக்கு ஒரு பாராட்டு விழா நடத்தினார்கள்.

பிறகு, எம்.ஏ., சோஷியல் வொர்க் படித்தபோது, மிகாவாத்தே, இஷின்ரியூ என்ற பூர்வீக ஜப்பானிய கராத்தே கலைகளைக் கற்றுகொள்ள 13 முறை ஜப்பான் போய் வந்தேன். அந்தச் சமயத்தில் நம் ஊரில் கராத்தேயில் பிளாக்பெல்ட் என்பதே பெரிய விஷயம். ஆனால், அதைத் தாண்டி பல கட்டங்களைக் கடந்து 'ஷிகான்' என்ற பட்டம் கராத்தேயில் எனக்கு வழங்கப்பட்டது. இன்னொரு பக்கம், மதுரையில் 'ராக் மியூஸிக் என்றால் ஹ§சைனி' என்னும் அளவுக்குப் பல இசை நிகழ்ச்சிகளைச் செய்தேன்.

நான் ஷிகான் ஹுசைனி ஆனது எப்படி?

பிறகு, நடிக்க வேண்டும் என்ற ஆசையில்தான் சென்னைக்கு வந்தேன். பாரதிராஜாவின் ஹீரோயின்களும், பாலசந்தரின் ஹீரோக்களும் ஹிட்டாகிய சீஸன். நான் கவிதாலயாவுக்குப் போனேன். ஆனால், பாலசந்தரைப் பார்க்க முடியவில்லை. வெளியே வந்து கவிதாலயாவுக்குப் போன் போட்டு, 'நான் ஒரு சிற்பி. இயக்குநரைச் சிலையாக வடிக்க விருப்பம்' என்றேன். உடனே அழைப்பு வந்தது. 'தினமும் காலையில் நான் பேப்பர் படிக்கும் 15 நிமிடங்களை நீங்க யூஸ் பண்ணிக்கோங்க' என்றார் கே.பி. சார். எனக்குப் பயங்கரப் பதற்றம். ஏனெனில், அந்த நிமிடம் வரை சிற்பம் என்றால் என்னவென்றுகூடத் தெரியாது. உடனே, முன்பு அறிமுகம் ஆகியிருந்த தனபால் சாரைத் தேடி ஓடினேன். 'இன்னிக்குள்ளே சிற்பக் கலை கத்துக்கணும்' என்றதும், 'முதல்ல வெளியில் போ' என்றார். அவரைக் கெஞ்சிக் கூத்தாடி, மேலோட்டமாகச் சில விஷயங்களைத் தெரிந்துகொண்டு கவிதாலயாவுக்குப் போனேன். தினமும் போய் கே.பி. சாரைக் கொஞ்சம் கொஞ்சமாகச் சிலையாக வடித்தேன். இறுதியில் எனக்கு சிற்பக் கலை கைகூடி வந்ததே தவிர, சினிமா வாய்ப்பு வரவில்லை.

கடைசியில், 'என்னை மன்னிச்சிடுங்க. உண்மையில் நான் சிற்பி இல்லை. இது ஒரு நடிப்புதான். இந்த நடிப்புப் பிடிச்சிருந்தா நடிக்க வாய்ப்புக் கொடுங்க' என்று வீடியோவில் பேசி, கவிதா லயாவில் கொடுத்துவிட்டு வந்தேன். உடனே அழைத்து, 'புன்னகை மன்னன்' வாய்ப்பு தந்தார். கடைசியாக 'பத்ரி' வரை 12 படங்கள் நடித்திருக்கிறேன். இதோ, இந்த வருடம் ஒரு படம் இயக்கப்போகிறேன். இடையில் 'ஹை புரொஃபைல்' என்ற செக்யூரிட்டி ஏஜென்ஸியை ஐந்து வருடங்கள் நடத்தினேன். 1,300 பேர் என்னிடம் வேலை பார்த்தார்கள்.

சமீபத்தில் நான் செய்த வீரன் அழகுமுத்துக்கோன் சிலையைப் பார்த்துவிட்டு, யாதவர் சங்கத்தில் இருந்து 25 கோடியில் 1,000 சிலைகளுக்கு ஆர்டர் கொடுத்துள்ளனர். அந்தப் பணிகள் ஒரு பக்கம். கராத்தேயில் மூன்று முறை உலக சாம்பியன் பட்டம் வாங்கி, 69 உலக சாம்பியன்களையும், 1,331 பிளாக்பெல்ட்டுகளையும் உருவாக்கி இருக்கிறேன். இந்தியாவில் என் கராத்தே பள்ளிகளின் நேரடிக் கிளைகள் மட்டும் 554 இருக்கின்றன.

ஆனாலும், என்னைச் சுற்றி எத்த னையோ சர்ச்சைகள். ஒரு முறை திகார் சிறையில் கைதுசெய்து அடைக்கப்பட்டேன். பழிகளைக் கடந்த வலி இருந்தாலும், வாழ்க்கை புதிய வழிகளைத் திறந்தது.

எப்போதும் எதையோ ஒன்றைச் செய்துகொண்டு இருக்கவே என் மனம் துடிக்கிறது. ஆசைப்பட்ட துறைகளில் எல்லாம் ஆர்வம் காட்டும் மனசு. ஆனால், அதில் நிபுணத்துவம் பெற உதவுவது கடும் உழைப்பும் கற்பனாசக்தியும்தான். நினைப்பதைச் செய்து முடிக்கும்போது கிடைக்கும் அனுபவங்கள்தான் வாழ்வின் மிகப் பெரிய சொத்து.

அதன் வெளிச்சத்தில் அடுத்தடுத்த பயணங்கள் இன்னும் இனிமையானதாக மாறும்.

ஓடும் நதியில் பாசி படியாது என்பார்கள். நான் ஓடும் நதி!''

நான் ஷிகான் ஹுசைனி ஆனது எப்படி?
படங்கள்:கே.ராஜசேகரன்                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism