Published:Updated:

வாரம் ஒரு நட்சத்திரம் : ஜெயலலிதா

ஸ்டெல்லா மாரிஸ் ஸ்டூடன்ட் நான்!

வாரம் ஒரு நட்சத்திரம் : ஜெயலலிதா

ஸ்டெல்லா மாரிஸ் ஸ்டூடன்ட் நான்!

Published:Updated:
வாரம் ஒரு நட்சத்திரம் : ஜெயலலிதா
##~##
செ
ன்ற வாரம் ஒருநாள் மாலை ஸ்டெல்லா மாரிஸ் கல்லூரி வழியாகப் போக நேர்ந்தது. அந்தச் சமயம், கல்லூரி விட்டு மாணவிகள் வெளியே வந்துகொண்டு இருந்தார்கள். நான் நடிக்க வராதிருந்தால், அதே கல்லூரியில் படித்துப் பட்டம் பெற்றிருப்பேன். அந்தக் கல்லூரியைப்பற்றிய ஒரு சம்பவத்தைச் சொல்கிறேன். சர்ச் பார்க் கான்வென்ட்டில் மெட்ரிக் முடித்த எங்கள் வகுப்பு மாணவிகள் நாற்பத்தைந்து பேரும் ஸ்டெல்லா மாரிஸ் காலேஜிலேயே விண்ணப்பித்துக்கொண்டோம். எங்கள் எல்லோருக்கும் அதே கல்லூரியிலேயே இடமும் கிடைத்தது. நான் மெட்ரிகுலேஷன் பரீட்சையில் வாங்கிய மார்க்குகளைப் பார்த்து, அகில இந்திய உபகாரச் சம்பளமே கிடைத்தது. அந்த நேரத்தில்தான் திரு.ஸ்ரீதர், என்னிடம் 'வெண்ணிற ஆடை’ படத்தில் நடிக்கும்படி அழைத்தார்.
வாரம் ஒரு நட்சத்திரம் : ஜெயலலிதா
வாரம் ஒரு நட்சத்திரம் : ஜெயலலிதா

என் அம்மா, ''படிக்கப்போகிறாயா அல்லது நடிக்கப்போகிறாயா என்பதை நீயே முடிவெடுத்துச் சொல்'' என்று கூறிவிட்டார். நானும் யோசித்தேன். எவ்வளவோ பேருக்குப் பல ஆண்டுகள் காத்திருந்தும் சினிமாவில் நடிக்கச் சந்தர்ப்பம் கிடைப்பது இல்லை. எனக்குக் கிடைத்த இந்தச் சந்தர்ப்பத்தை விடுவதா, வேண்டாமா என்று, என்னுள் பல முறை சிந்தித்து, கடைசியில் நடிக்கலாம் என்று தீர்மானம் செய்தேன். இருந்தாலும், ஒரு நாளாவது கல்லூரி வகுப்புக்குப் போக வேண்டும் என்று ஆசை. ஒருநாள் காலை, கல்லூரிக்குச் சென்றேன். கையில் புத்தகம், பேனா, நோட்புக் ஒன்றும் எடுத்துச் செல்லாமல், வகுப்பறை யில் கடைசி பெஞ்சில் உட்கார்ந்து, தோழிகளிடம் பேசிக்கொண்டு இருந்தேன்.

வகுப்பில் பாடம் நடத்திக்கொண்டு இருந்த விரிவுரையாளர், ''யார் அங்கு பாடம் நடக்கும்போது பேசிக்கொண்டு இருப்பது?'' என்று கடுமையுடன் என்னைப் பார்த்து பெயரையும் கேட்டார். நானும் ''ஜெயலலிதா'' என்று சொல்லி உட்கார்ந்தேன். புத்தகத்தில் சில பகுதிகளை ஒவ்வொருவரையும் படிக்கச் சொன்னார். என் முறை வந்தபோது, ''புத்தகம் கொண்டுவர வில்லை'' எனக் கூறினேன். அவருக்கு இது மேலும் எரிச்சலை உண்டாக்கியது.  சில குறிப்புக்களை எழுதிக்கொள்ளச் சொன்னார். நானோ எழுதாமல் உட்கார்ந்து இருந்தேன்.  என்னைக் கோபத்தோடு பார்த்து, ''புத்தகமும் கொண்டுவரவில்லை; குறிப்பும் எடுத்துக்கொள்ளவில்லை; பேசிக் கொண்டே இருக்கிறாய். எதற்குத் தான் கல்லூரியில் சேர்ந்தாய்?'' என கோபித்துக்கொண்டார்.

நான் கான்வென்ட்டில் படித்தபோது ஒருநாள்கூட எந்த ஆசிரியரிடமும் திட்டே வாங்கியது இல்லை. என்னை யாரும் கோபித்துக்கொண்டதும் இல்லை. ஆனால், கல்லூரியில் இருந்த அரை நாளில் மூன்று முறை திட்டு வாங்கியதை என்னால் மறக்க முடியாது!

வாரம் ஒரு நட்சத்திரம் : ஜெயலலிதா

அரசர்கள் வழியிலே...

 

நேஷனல் புரொடக்ஷன் ஸாரின் 'அம்மையப்பன்’ படப்பிடிப்பின்போது - இதற்கு கலைஞர் கருணாநிதி வசனம் எழுதினார். அன்றைய தினம் நடைபெற்ற  படப்பிடிப்புக்கு வந்திருந்தார்  அவர். அம்மையப்பன் படப்பிடிப்பு நடந்த இடத்தில் சிம்மாசனம் போடப்பட்டு இருந்தது. வி.கே.ராமசாமி மதகுருவாக நடிக்கும் காட்சி. அவருக்கு மேக்-அப் முடியவில்லை. சற்று தாமதம் ஆயிற்று.

வாரம் ஒரு நட்சத்திரம் : ஜெயலலிதா

ஒளிப்பதிவாளர் விட்டல்ராவும் டைரக்டர் திருமலையும் கருணாநிதியைப் பார்த்து, ''உங்களை இப்போது அமைச்சர் ஆக்கு கிறோம்'' என்றார்கள்.

''தேர்தலில் நிற்காமல் எப்படி அமைச்சர் ஆக முடியும்'' என்றார் கலைஞர்.

''இப்போதே ஆக்குகிறோம்'' என்று சொல்லிச் சவால் விட்டார் கள். செட்டில் போடப்பட்டிருந்த சிம்மாசனத்தில் கருணாநிதியை அமரவைத்து, இருபுறமும் திருமலையும் விட்டல்ராவும் வெண்சாமரம் வீசினார்கள். கலைஞர் மு.கருணாநிதியை அரியணை ஏற்றிய முதல் பெருமை இவர்களுக்குத்தான் உண்டு!

- அன்பு