Published:Updated:

காலப்பெட்டகம்

காலப்பெட்டகம்

காலப்பெட்டகம்

காலப்பெட்டகம்

Published:Updated:

விகடன் பொக்கிஷம்  
காலப்பெட்டகம்
 

ஒட்டுமொத்த விகடனுக்கும் ஒரே ஷார்ட்கட்!

காலப்பெட்டகம்
காலப்பெட்டகம்
காலப்பெட்டகம்

'பாரத்' விருது பெற்றார் எம்.ஜி.ஆர்.

வங்கக் கடலோரம் ஒரு தங்கவிழா!

பருப்பு இல்லாமல்கூட ஒரு விருந்து நடந்துவிடலாம். ஆனால், வட இந்திய நடிகர் டேவிட் அறிவிப்பாளராக மாறிக் குரல் கொடுக்காமல், ஓர் அகில இந்திய திரைப்பட விழா அவ்வளவு சோபிக்காது. அப்படியரு கம்பீரமான குரல் திரு. டேவிட்டுக்கு.

இப்படிக் 'குரல் புரட்சி' செய்த டேவிட், மைக்கில் கம்பீரமாக அறி விக்க, புரட்சிகரமன பெண் முதல் அமைச்சர் திருமதி நந்தினி சத்பதி தலைமை வகிக்க, வங்காள முதல் அமைச்சர் திரு.சித்தார்த்த சங்கர்ராய் சிரித்த முகத்துடன் வரவேற்க, நம் புரட்சி நடிகர் பரிசு பெற மேடை ஏறியபோது, கல்கத்தா ரவீந்திர சதன் அரங்கமே ஆரவாரித் துப் பொங்கியது. அந்தக் கலகலப் பான கையலிகளுக்கிடையே புரட்சி நடிகர் அடக்கமாக வந்து நிற்கிறார். வங்காள முதல்வர் பெரு மிதத்துடன் புரட்சி நடிகரிடம் 'பாரத்' விருதை வழங்குகிறார். கலைத்துறையில் புரட்சி செய்தவரும், அரசியல் துறையில் புரட்சி செய்தவரும் நேருக்கு நேர் நிற்கும் காட்சியில் இணையற்ற ஒரு கம்பீரம்! சொந்தச் சகோதரனை அணைத்துக்கொள்வதுபோல் திரு.ராய், எம்.ஜி. ஆர். அவர்களின் தோளில் கரம் வைக்கிறார். இரு வரும் புன்னகை புரிகிறார்கள். காமிராக்கள் இடைவிடாமல் ஒளி ஜாலம் புரிகின்றன. கையலி அடங்கச் சில நிமிடம் பிடிக்கிறது.

புரட்சி நடிகர் பணிவுடன் மேடையிலிருந்து இறங்கி, பார்வை யாளர்கள் அமர்ந்திருக்கும் முதல் வரிசைக்கு வருகிறார். அங்கே அமர்ந்திருக்கிறார் ராஜ்கபூர். ராஜ் கபூரைக் கண்டதும் கண் கலங்க, தாம் பெற்ற பரிசை அவரிடம் கொடுத்துத் திரும்பப் பெறுகிறார் எம்.ஜி.ஆர்.

ஏன்? பிறகு, எம்.ஜி.ஆரே சொன்னார்...

''ராஜ்கபூரின் உருவில் பிரதிவிராஜ் கபூரை நான் கண்டேன். அமரர் பிருதிவிராஜ் கபூரை 1936-ம் ஆண் டிலிருந்து எனக்குத் தெரியும். அவர் என் தந்தைக்குச் சமம். அவருக்கு நான் தெரிவிக்கவேண் டிய மரியாதையைத்தான் ராஜ் கபூருக்குத் தெரிவித்தேன்.''

உண்மையில், அங்கே ராஜ்கபூர் ராஜ்கபூராக வரவில்லை. காலஞ்சென்ற திரு.பிருதிவிராஜ் கபூரின் பிரதிநிதியாக, பிருதிவிராஜ் கபூருக்கு அளிக்கப்பட்ட 'பால்கே' விருதைப் பெறுவதற்காக வந்திருந்தார்.

தம் கல்கத்தா விஜயத்தின்போது ஒரு கூட்டத்தில் எம்.ஜி.ஆர். பேசி யபோது, ''எனக்குக் கொடுக்கப்பட்ட சிற்ந்த நடிகருக்கான 'பாரத் விருது' எனக்கு மட்டுமே அளிக்கப்பட்ட ஒன்று என நான் எண்ணவில்லை. தமிழுக்கு, தமிழ் மக்களுக்கு அளிக் கப்பட்ட சிறப்பாகவே கருதுகிறேன். என் ஒருவனுடைய உழைப்புக்கு மட்டும் கிடைத்த பரிசு அல்ல இது. ஒரு கூட்டு முயற்சிக்குக் கிடைத்த வெற்றி என்று போற்றுகிறேன். கதை வசனம் எழுதியவர், இயக்கிய வர், ஒளிப்பதிவு செய்தவர், ஒலிப் பதிவாளர் மட்டுமல்ல, லைட் பாயின் ஒத்துழைப்புகூட இருக்க வேண்டும். அத்தனைக் கரங்களும் ஒத்துழைத்தால்தான் படம் வெற்றி பெறும். ஆகவே, என்னுடைய தனிப்பட்ட வெற்றியாக இதை நான் எண்ணிவிடவில்லை'' என்று அடக்கமாகச் சொன்னார்.

ஆடம்பரமாக ஒரு தேசிய விழா வுக்குச் சென்றார். அடக்கத்துடன் திரும்பி வந்தார். இதுதான் புரட்சி நடிகரின் அரிய பண்பு!

மூதறிஞர் ராஜாஜி மறைந்தார்.

அறிவுச்சுடர் அணைந்தது!

காலப்பெட்டகம்

இந்த இதழ் (31.12.72) அச்சாகிக்கொண்டு இருக்கும்போது, கால மெல்லாம் போராடியே பழக்கப் பட்ட ராஜாஜி, மூன்று நாட்களுக்கு மேலாகக் காலனுடன் போராடிவிட்டு இயற்கை எய்தினார் என்ற துயரச் செய்தி வந்து நம்மைத் தாக்கியது.

ஓய்வே அறியா அறிவொளி அணைந்து, பாரத மக்கள் உள்ளம்எங்கும் இருள் கவிந்திருக்கும் இந் நேரத்தில், அருமை ராஜாஜியின் ஆன்மா சாந்தியடையப் பிரார்த்திக்கிறோம்.

ஆசிரியர்

தீமை விளைவிக்கும் கொடிய புகைப் பழக்கத்துக்கு எதிரான பிரசாரத்தில் தனக்குள்ள பங்கை உணர்ந்து, இனி சிகரெட் விளம்பரங்களை வெளியிடுவதில்லை என முடிவு செய்தது விகடன். அப்போது (2.4.72 இதழ்) வெளியான தலையங்கத்திலிருந்து...

எல்லோரும் இன்புற்றிருக்க...

இப்பொழுது மருத்துவ உலகத் தையே திகைப்புள்ளாக்கிக்கொண் டிருக்கிறது ஒரு கொடிய சக்தி. அதுதான், புற்றுநோய். சமீப ஆண்டுகளில் உலகெங்கும் அத னால் ஏற்பட்ட பாதிப்பு, அதிர்ச்சி யூட்டுவதாக அமைந்திருக்கிறது.

கொடுமைமிக்க இந்தப் பயங்கரப் புற்றுநோய்க்குப் பல முக்கிய காரணங்களில் ஒன்றாக இருப்பது, புகைபிடித்தல்தான் என்று தெள் ளத் தெளிவாகத் தெரிந்துவிட்டது. இதைச் சந்தேகத்துக்கு இடமில் லாமல் மருத்துவ உலகம் ஆதார பூர்வமாக நிரூபித்துவிட்டது.

பத்திரிகை உலகில் இந்தத் தீமைக்கு எதிராக முதல் குரல் கொடுத்தது, 'ரீடர்ஸ் டைஜஸ்ட்' என்ற உலகப் புகழ்பெற்ற ஆங்கில இதழ். சிகரெட் விளம்பரங்களால் கிடைத்த பல லட்சக்கணக்கான டாலர் வருமானத்தைத் துறந்து, 'சிகரெட் விளம்பரங்களை எங்கள் பத்திரிகையில் பிரசுரிப்பதில்லை' என்று முடிவு செய்தது.

இந்தப் பணியில் தனக்குள்ள பங்கை விகடன் உணர்ந்து, இந்த இதழிலிருந்து 'சிகரெட் விளம்பரங் களை வெளியிடுவதில்லை' என்று முடிவு செய்திருக்கிறது. அத்துடன், இந்தத் தீய பழக்கத்தினால் ஏற்படும் தீமைகளை விளக்கும் கட்டுரைகளை, இந்த இதழிலிருந்து தொடர்ந்து பிரசுரிக்கவும் தீர்மானித் திருக்கிறது.

சட்டத்தாலோ, மருத்துவ அறிக் கைகளாலோ, தீமைகளை விளம்ப ரப்படுத்துவதாலோ, சிகரெட் விளம் பரங்களை நிறுத்திவிடுவதாலோ மட்டும் இதைத் தடுத்து நிறுத்திவிட முடியாது. ஒவ்வொரு தனி மனித னும் இந்த அபாயத்தைப் புரிந்து கொண்டு, தனக்குத் தானே இந்தத் தீய பழக்கத்திலிருந்து விடுபட கட் டுப்பாடு விதித்துக்கொள்ளவேண் டும். அத்துடனில்லாமல், இதை ஒரு சமூக சேவையாகக் கருதி, மற்றவரையும் திருத்த முற்பட வேண்டும். அப்போதுதான் இந்தப் பிரச்னைக்கு ஓரளவு தீர்வு காண முடியும்.

பாரத அன்னையின் துயரம்

காலப்பெட்டகம்

நாட்டின் விஞ்ஞான மேதை களின் வரிசையில் தலைசிறந்து விளங்கிய விக்ரம் சாராபாய் திடீர் மரணம் அடைந்த செய்தி, நாட்டு மக்களைத் துயரத்தில் ஆழ்த்தியது. நாட்டின் விண்வெளி ஆராய்ச்சியின் முன்னேற்றத்தைப் பற்றி நண்பர்களுடன் நடுநிசிவரை பெருமிதத்துடன் கலந்து உரையாடிவிட்டுப் படுக்கச் சென்றவர், பின்பு எழுந்தி ருக்கவே இல்லை. 52 வயதிற்குள் அரிய விஞ்ஞான சாதனைகள் புரிந்து, பாரத அன்னையைத் தலை நிமிர்ந்து நடக்க வைத்த அருமை மைந்தனை, 55 கோடி மக்களையும் அணுசக்தியின் துணையால் நல் வாழ்வு வாழவைக்க வேண்டும் என்று எந்நேரமும் செயலாற்றிக் கொண்டிருந்த மனிதாபிமான சிற்பியை, காலன் ரகசியமாகக் கவர்ந்து சென்றுவிட்டான்.

ஆறு வருடங்களுக்கு முன், விமான விபத்தொன்றில் அரும்பெரும் விஞ்ஞானியான ஹோமி பாபாவை இழந்தோம். அந்த அதிர்ச்சியிலிருந்து மீள்வதற்குள் இப்படியரு பேரிழப்பா? நாட்டுக்கு இத்தனை பெரிய சோதனையா?

(9.1.72 இதழ் தலையங்கத்திலிருந்து)

நாமக்கல் கவிஞர்

காலப்பெட்டகம்

சுப்பிரமணிய பாரதியாரின் வழியில் மக்களிடையே தேசியக் கனலைத் தூண்டி, அடிமைப்பட்டுக் கோழைகளாயிருந்த மக்களை வீறு கொண்டு எழச் செய்த பாடல்களை இயற்றியவர் நாமக்கல் ராமலிங்கம் பிள்ளையவர்கள். 40 ஆண்டு களுக்குமுன், உப்பு சத்தியாக்ரகத்தின் போது 'கத்தியின்றி ரத்தமின்றி யுத் தம் ஒன்று வருகுது' என்று அத் தனை பேரையும் பாட வைத்து, தேசத் தந்தை மகாத்மாஜியின் அகிம்சைப் போரின் புனிதத்தை அகில உலகிற்கும் பறைசாற்றிய தேசியக் கவிஞர் அவர். விடுதலைப் போரின்போது பல பாடல்களை இயற்றியவர், சுதந்திர தின வெள்ளி விழாவைக் குறித்தும் இறுதியாக ஒரு கவிதை புனைந்துவிட்டு, அண்மையில் தமது 85-வது வயதில் இயற்கை எய்தினார்.

இள வயதில் சிறந்த ஓவியராகத் திகழ்ந்த ராமலிங்கம், அப்போது நாடு முழுவதும் வீசிய தேசிய உணர்ச்சிப் புயலில் சிக்குண்டு, ஒப்புயர்வற்ற தேசியக் கவியாக மலர்ந்தார். எளிமையான சொற் களைக் கையாண்டு, மக்களிடையே நாட்டுப் பற்றையும் மொழிப் பற் றையும் இனப் பற்றையும் வளர்த் தார். 'தமிழன் என்றோர் இனம் உண்டு; தனியே அவருக்கொரு குணம் உண்டு', 'தமிழன் என்று சொல்லடா, தலை நிமிர்ந்து நில்லடா' என்ற கவிஞரது பாடல்கள் தமி ழர்களைத் தலை நிமிர்ந்து நடக்க வைத்தன.

'பாரதம் என் பாட்டனின் சொத்து' என்று முழங்கினார் அவர். 'நாமக்கல் கவிஞர் பாரதத்தின் சொத்து' என்று நாம் பெருமையோடு கூறுவோம்.

(3.9.72 இதழ் தலையங்கத்திலிருந்து)

தி.மு.க-விலிருந்து விலக்கப்பட்டார் எம்.ஜி.ஆர்.

தமிழகத்தில் புயல்!

திடீரென்று தமிழகத்தில் ஓர் அரசியல் புயல் வீசத் தொடங்கி யிருக்கிறது. சில நாட்களாகவே இதற்கான அறிகுறிகள் தோன்றி வந்தாலும், கவலை தரும் வடிவம் எடுத்து, இத்தனை விரைவாக அது ஒரு சூறாவளியாக மாறும் என்று ஒருவரும் எதிர்பார்த்திருக்க முடி யாது.

தி.மு.க. பதவிக்கு வந்த பிறகு, அமைச்சர்களும், பாராளுமன்ற சட்டமன்ற உறுப்பினர்களும், கழக முன்னணியரும் அதிகாரம் தந்த வாய்ப்பைப் பயன்படுத்திக் கொண்டு நிறையச் சொத்துக்கள் சேர்த்துவிட்டனர் என்று எதிர்க் கட்சியினர் மக்களிடையே ஓயாமல் குற்றம் சாட்டி வருகின்றனர். இது கழகத்திற்குப் பெரும் களங்கத்தை ஏற்படுத்தித் தந்துள்ளது. இந்த அவப் பெயரை நீக்குவதற்கான நடவடிக்கைகளை மேற்கொள்ள வேண்டும் என்றும், கழகத்தினரின் சொத்துக் கணக்குகளைப் பற்றிய சந்தேகங்களை அகற்ற வேண்டும் என்றும், குற்றம் புரிந்தவர்களைத் தண்டித்து, கழகத்தின் நற்பெயரைக் காப்பாற்றவேண்டும் என்றும் பொருளாளர் திரு. எம்.ஜி.ராமச் சந்திரன் கருத்து தெரிவித்தார்.

செயற்குழுவிலோ, பொதுக்குழு விலோ தம் கருத்தைத் தெரிவிக் காமல், பொது மேடைகளில் இவ் வாறு பேசியது கழகத்திற்கு விரோ தமான செயல் என்று கூறி, கழக மேலிடம் எம்.ஜி.ஆரைக் கழகத்தை விட்டுத் தற்காலிகமாக நீக்கியது.

தபால்துறையில் பின்கோடு முறை அறிமுகப்படுத்தப்பட்டது.

அதென்ன பின்கோடு?

இப்போதெல்லாம் உங்களுக்கு வரும் தபால்களில் ஒரு புதிய முத் திரையைக் காணுகிறீர்கள் அல்லவா? அது என்ன? உங்கள் பகுதிக்குரிய 'பின்கோடு' எண் அது.

அப்படி என்றால்?

தபால்களைத் துரிதமாகப் பட்டு வாடா செய்ய தபால் இலாகா மேற் கொண்டிருக்கும் சமீப நடவடிக்கை, பின்கோடு சிஸ்டம் (Pincode System). 'போஸ்டல் இண்டெக்ஸ் நம்பர் கோட்' என்பதுதான் அப்படிச் சுருங்கியிருக்கிறது.

எதற்காக இந்தப் பின்கோடு?

நாடு பூராவும் பரவியுள்ள தபால் போக்குவரத்து, இப்போது சார்ட் டர்களை அதிக வேலை வாங்குகி றது. நாட்டின் மிக தூரத்தில் உள்ள ஊர்ப் பெயர்களை எல்லாம் அவர் கள் அறிந்து வைத்திருக்கவேண்டி யிருக்கிறது. சில சமயம், விலாசம் எழுதப்பட்டிருக்கும் மொழி, தபால் களைப் பிரிப்பவருக்குத் தெரிந்திருப் பதில்லையாதலால், தவிர்க்க முடி யாத தாமதமும் ஏற்படுகிறது. இந் தப் பின்கோடு முறை அவர்கள் வேலையை எளிதாக்குகிறது. இனி 'சார்ட்டர்கள்' தபால்களை இந்த எண்களின் உதவியால் துரிதமாக வும், சரியாகவும் பிரிப்பார்கள். முதல் எண்ணைக் கொண்டு எந்தப் பகுதிக்குரிய கடிதம் என்பதையும், அடுத்த எண்ணைக் கொண்டு எந்த மாநிலம் அல்லது தபால் வட்டத் திற்குரியது என்பதையும், கடைசி யாக, மிகத் தெளிவாக எந்த அஞ்ச லகம் என்பதையும் இந்தப் பின் கோடு தெள்ளத் தெளியக் காட்டி விடும்.

உலகில் இதுவரை 18 நாடுகள் இந்த முறையை அறிமுகப்படுத்தி, வெற்றியும் கண்டிருக்கின்றனவாம். கனடா, ஜெர்மனி, பிலிப்பைன்ஸ், ஜப்பான், ஆஸ்திரேலியா, பிரிட் டன், பிரான்ஸ், யு.எஸ்.ஏ. ஆகி யவை எல்லாம் போஸ்டல் கோடு நம்பரைத்தான் பயன்படுத்துகின்றன.

குயிலி

காலப்பெட்டகம்
காலப்பெட்டகம்
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism