'நான் ஏன் பிறந்தேன்?' என்னும் தலைப்பில் தனது வாழ்க்கைச் சரித்திரத்தை எழுதத் தொடங்குகிறார் எம்.ஜி.ஆர்., இந்த ஆண்டு தமிழ்ப் புத்தாண்டு இதழில்.

''முத்தக் காட்சியில் நடித்தேனா?''

- ஜெயலலிதா எழுதுகிறார்

அன்புள்ள ஆசிரியர் அவர்களுக்கு, வணக்கம்.

உங்கள் பத்திரிகையில் 'எங்க மாமா' பட விமர்சனத்தில், என் னைப் பற்றி நீங்கள் குறிப்பிட்டிருக் கும் கருத்துக்கு விளக்கம் சொல் லவே இந்தக் கடிதத்தை எழுதுகி றேன். நான், அந்தப் படத்தில் முத்தம் கொடுத்திருப்பதாக உங்கள் பத்திரிகையில் வெளிவந்திருக்கிறது. அதனால் என்னைக் கண்டித்துப் பல கடிதங்கள் வந்திருக்கின்றன.

நாட்டிலே, ஒரு சில பத்திரிகைகள் விமரிசனம் என்ற பெயரில் பல வற்றை எழுதுகின்றன. அதற்கெல் லாம் பதில் சொல்ல நான் என்றுமே விரும்பியது கிடையாது. ஆனால், 'ஆனந்த விகடன்' போன்ற கண்ணி யமான ஏட்டில் வெளிவரும் செய் தியை அதன் பெரும்பாலான வாச கர்கள் அப்படியே உண்மையென்று நம்பிவிடுகிறார்கள். அவர்களின் தவறான எண்ணத்தைப் போக் கவே, உங்கள் பத்திரிகையின் வாயிலாக இந்தப் பதிலைத் தெரி விக்கிறேன்.

விமரிசனத்தைப் படித்ததும், நான் நடிக்காத ஒரு காட்சி, படத்தில் எப்படி வந்தது என்று திகைத்துப் போனேன். 'மூவியோலா'வில் படத்தைப் பார்த்தேன். (மூவி யோலா என்பது, ஓடும் படத்தை எந்த இடத்தில் வேண்டுமானாலும் நிறுத்திப் பார்க்கும் வசதியுள்ள கருவி.) அதிலே கதாநாயகனின் உதடு என் தாடையில்தான் படு வதுபோல் தெரிகிறது. என் உதடு, அவர் முகத்தில் எங்குமே பட வில்லை. மூக்கிற்குப் பின்னால் மறைந்திருக்கிறது. இதுதான் உண்மை! தயவுசெய்து, நீங்களும் இன்னுமொரு முறை 'மூவி யோலா'வில் படத்தைப் பார்த்து, உண்மையை மக்களுக்குத் தெரி விக்கவேண்டுமென்று விரும்புகிறேன்.

ஏனென்றால், நான் முத்தக் காட்சியில் நடிக்கவே மாட்டேன் என்று ஏற்கெனவே அறிவித்திருக் கிறேன். இப்போதும் சொல்கிறேன், அந்த அளவுக்குக் கீழிறங்கி, என் வாழ்க்கையை வளப்படுத்திக் கொள்ளவேண்டும் என்று எண் ணும் ஈனத்தனமானவள் அல்ல நான். ஏனென்றால், நான் ஒரு தமிழ்த்தாயின் வயிற்றிலே பிறந்தவள்!

- ஜெயலலிதா

மேலே குறிப்பிட்டிருப்பது நூற்றுக்கு நூறு உண்மை என்பதை ஒப்புக்கொள்கிறோம். நாங்களும் 'மூவியோலா' கருவியில் பார்த்து, அது உண்மை என்பதைப் புரிந்து கொண்டோம்.

ஆனால், சினிமா என்பதே தோற்றம், ஒளி, ஒலி (visual, image and sound effect) இவற்றின் சேர்க்கையினால் பார்க்கிறவர்க ளுக்கு ஒரு கற்பனை உணர்ச்சியைக் கொடுப்பதுதானே! படமெடுப்பவர் கள் தாங்கள் நினைக்கும் உணர்ச் சியை ரசிகர்களுக்குக் கொடுத்துவிட் டால், படம் வெற்றி பெறுகிறது. தவறிவிட்டால், படம் தோற்கிறது.

நடித்தவர், காட்சியில் நடந்த உண்மையை விளக்கிப் பதில் சொல்லிவிட்டார். பார்ப்பவர்களின் கேள்வியோ, இப்படி ஓர் எண்ணம் வரும்படி படம் எடுக்க வேண்டுமா என்பதுதான்!

- ஆசிரியர்

நேர்மைக்கும் எளிமைக்கும் உதாரணமாகத் திகழ்ந்த அரசியல் தலைவர் கக்கன், 'அரிஜனங்களின் தந்தை' என்னும் தலைப்பில் ஒரு கட்டுரை எழுதியிருக்கிறார். அதி லிருந்து சில பகுதிகள்...

அரிஜனங்களின் தந்தை

- பி.கக்கன்

மதுரை மீனாட்சியம்மன் கோயிலில் அரிஜன ஆலயப் பிரவேசம். பெரியவர்கள் பலர் அதற்கு எதிர்ப்பாக இருந்தார்கள். மதுரையின் வீதிதோறும் கூட்டம் போட்டு, அரிஜன ஆலயப் பிரவேசத்தைப் பற்றிக் கண்டித்துப் பேசினார்கள். ''அரிஜனங்கள் ஆலயத்துக்குள் நுழைந்துவிட்டால் இந்து மத தர்மமே சீர்குலைந்து போய்விடும்; அதனால் அவர்களை ஆலயப் பிரவேசம் செய்ய அனுமதிக்கக்கூடாது; அதுவும், வைத்தியநாதய்யர் போன்ற ஒரு ஜாதி இந்துவின் தலைமையில் அந்தக் காரியம் நடக்க அனுமதிக்கவே கூடாது'' என்றெல்லாம் ஆவேசமாகப் பேசிக்கொண்டிருந்தார்கள்.

எங்களுக்கெல்லாம் உள்ளூரசிறிது தயக்கமாகவே இருந்தது. ஆலயப் பிரவேச தினத்தன்று எங்கே பெரிய சச்சரவும், தகராறும் ஏற்பட்டுவிடுமோ என்று நினைத் துக்கொண்டிருந்தோம். ஆனால் வைத்தியநாதய்யரோ, அதைப் பற்றியெல்லாம் சிறிதும் கவலைப் படாமல், அதற்கான ஏற்பாடுகளைச் செய்துகொண்டிருந்தார்.

குறிப்பிட்ட தினத்தன்று ஆலயப் பிரவேசம் நடந்து முடிந்தது.

தெய்வாதீனமாக எவ்விதமான குழப்பமும் ஏற்படவில்லை. ஆல யப் பிரவேசம் முடிந்து அனைவரும் திரும்பி வந்துகொண்டிருந்தோம். அப்போது, வழியில் நின்றிருந்த ஒரு பெரியவர் வைத்தியநாதய்ய ரைப் பார்த்து, ''நீர்தான் அரிஜனாகி விட்டீரே! உமக்குப் பூணூல் எதற்கு?'' என்று சத்தம் போட்டுக் கோபமாகக் கூறினார்.

ஐயர் அவர்கள் ஒன்றுமே பேசாமல் சிரித்துக்கொண்டார்.

முப்பது, முப்பத்தைந்து வரு ஷங்களுக்கு முன்பு, ஜாதிக் கொடுமை தீவிரமாக இருந்த நிலைமை எப்படி இருந்திருக்கும் என்று சொல்லவேண்டியதில்லை. ஆனால், அந்தக் காலத்திலேயே வைத்தியநாதய்யர் வீட்டுக்குள் அரிஜனங்கள் சர்வ சுதந்திரமாகப் போய் வரமுடியும். வீட்டுச் சமைய லறை வரையில்கூட சென்று ஏதேனும் சாப்பிட்டுவிட்டு வருவார்கள்.

அவரைப் போல்தான் அவரது மனைவியாரும், அரிஜன மக்களின் நன்மைக்காக உழைத்தவர்.

அய்யரிடம் பண உதவியும், மற்ற உதவிகளும் பெற்றுப் படித்த அரிஜன மக்களில் பலர் இன்று பெரிய பெரிய நிலையில் இருக்கி றார்கள். நான் பொதுப் பணியில் ஈடுபட்டு, பிற்பாடு அரசியல் உல கத்துக்கு வருவதற்குப் பிள்ளையார் சுழி போட்டவரே வைத்தியநாதய்யர் அவர்கள்தான்.

அரிஜன சேவையைவிட வைத் தியநாதய்யருக்குப் பிடித்த பொதுச் சேவை வேறு எதுவும் இல்லை. அதனால்தான் அவரை 'அரிஜனங் களின் தந்தை' என்று போற்றுகிறார் கள்.

அவர் மறைந்த பிறகு, அவரது இறுதிச் சடங்குக்கு நான் சென்றிருந் தேன். ஒரு தந்தைக்கு ஒரு மகன் செய்யக்கூடிய இறுதிச் சடங்குகள் அனைத்தையும் செய்யும் பாக்கியம் எனக்குக் கிட்டியது.

கீழ்சபை - மேல்சபை

ஒரு வித்தியாசம்!

ஒரு முறை, அமெரிக்காவின் அரசியல் நிர்ணய சபையின் தலை வராக இருந்த ஜார்ஜ் வாஷிங்டன் மேல் சபை - கீழ் சபை இரண்டுக் கும் உள்ள வேற்றுமையை ஒரு செயல் மூலம் விளக்கினாராம். ஒரு வேலைக்காரரிடம் சூடாக ஒரு கோப்பை தேநீர் கொண்டு வரச் சொன்னார். அவர் கொண்டு வந்ததும், கோப்பையிலிருந்த தேநீரை சூடு போவதற்காக அதன் கீழேயிருந்த சாஸரில் ஊற்றினார். பிறகு, அதில் ஆறிவிட்டிருந்த தேநீரை எடுத்துப் பருகினார். பருகி முடித்ததும், உறுப்பினர்கள் பக்கம் திரும்பிக் கூறினார்...
''கீழ் சபை என்பது கோப்பையிலிருந்த சூடான தேநீர் போன்றது; மேல் சபை என்பது, அந்த சூட்டைக் குறைக்க உதவும் சாஸரைப் போன்றது!''

- அமுல்

கருணாநிதி பிறந்த இடம் கோவை!

கருணாநிதி பிறந்தது கோவையில்தான். ஆச்சரியப்பட வேண் டாம்! கோவையில் உள்ள விவசாய ஆராய்ச்சிப் பண்ணையில் கண்டு பிடிக்கப்பட்ட அரிசி ரகம்தான் 'கருணா' என்பது. இதற்குத்தான் தமிழக அரசு, முதலமைச்சர் பெயரை வைத்திருக்கிறது!

விஞ்ஞான மேதை சர்.சி.வி. ராமன், இந்த ஆண்டு நவம்பர் 21-ம் தேதியன்று மறைந்தார். அப்போது வெளியான தலையங்கத்திலிருந்து...

சி.வி.ராமன்

ஆயிரம் பிறைகளைக் கண்டவரும், அரை நூற்றாண்டுக்கு மேலாக அரும்பணியாற்றியவரும், அண்மையில் இயற்கை எய்தியவருமான டாக்டர் சி.வி.ராமன், உலக விஞ்ஞான மேதைகளில் ஒருவர்.

ஒளிச் சிதறல்கள் பற்றிய அவரது கண்டுபிடிப்பு, அவரை வெளியுலகிற்கு அறிமுகப்படுத்தியது. நோபல் பரிசு பெற்றார். அதைத் தொடர்ந்து பல விருதுகளும், பட்டங்களும், பரிசுகளும், மரியாதைகளும் உலகின் பல பகுதிகளிலிருந்தும் அவரை நாடி வந்தன. ராமனின் புகழ் ஓங்கியது. அதனால் பாரதத்தின் மதிப்பு பன்மடங்கு உயர்ந்தது.

காலமெல்லாம் இயற்கையின் ரகசியங்களை ஆராய்வதிலேயே தம்மை ஈடுபடுத்திக்கொண்ட ராமன், இரண்டாண்டுகளுக்கு முன், தமது எண்பதாவது வயதிலும் ஓர் ஆராய்ச்சிப் புத்தகத்தை வெளியிட்டிருக்கிறார்.

டாக்டர் ராமனைப் போன்ற மாமனிதர்களாலேயே, மக்கள் குலம் முன்னேறுகிறது; மேன்மை அடைகிறது.

சில ஆண்டுகளுக்கு முன்பு, பிள்ளையார் பால் குடிக்கிறார் என்றொரு பரபரப்பு கிளம்பியது ஞாபகம் இருக்கலாம். அதே போல் 1970-ல், தி.நகரில் திடீர் பிள்ளையார் தோன்றினார் என் றொரு பரபரப்புச் செய்தி அடிபட் டது. ஏராளமான ஜனங்கள் சாரி சாரியாக வந்து, அந்தத் திடீர் பிள்ளையாரைத் தரிசித்துச் சென் றார்கள். அது பற்றி, 'திடீர் பிள்ளை யார்' என்னும் தலைப்பில் சுவாரசி யமான செய்திக் கட்டுரை ஒன்று வெளியிட்டிருக்கிறது விகடன்.