அப்பா!

01-04-09 விகடன் பொக்கிஷம் . அப்பா! . ''அ ப்பா, நான் ஒரு பெண்ணைக் காத லிக்கிறேன். அவளையே கல்யாணம் பண் ணிக்கொள்ள...'' ''எடு செருப்பை! அவ்வளவு துணிச்சல் வந்தாச்சா?''

''போங்கப்பா, இந்தக் காலத்திலே நூறு பவுன் நகை போட்டுப் பெண் கொடுக்க யார் தயாராக இருக்காங்க?''

''சரி சரி, எப்படியோ தொலை!''

''பாவம் அப்பா... சின்ன வயசிலேயே அவள் விதவையாகி...''

''கர்மம்... கர்மம்...''

''அப்பாவுக்கு ஒரே பொண்ணு. பெரிய பங்களா அவ பேர்ல இருக்கு.''

''என்னவோ போ. எப்படியோ நீ நல்லா இருந்தா சரிதான்!''

''அவ வேற சாதி...''

''இந்தக் கண்றாவி வேறயா? நாளைக்கு ஊர்ல நாலு பேர் முன்னால நான் தலை காட்ட முடியுமா?''

''அவ பெரிய கம்பெனியில ஆபீஸர்! மாசம் நாலாயிரம் ரூபாய் சம்பளம். கார் கூட கொடுத்திருக்காங்கப்பா!''

''காலம் ரொம்ப மாறிப் போச்சு. சீக்கிரம் போய்க் கல்யாணத்தை முடி! அதுக்குள்ள வேற எவனாவது வந்து கொத்திக்கிட்டுப் போயிடப் போறான்.''

. - வெள்ளகால் இரா.கந்தையா .

அப்பா!

Vikatan Correspondent