Published:Updated:

குழந்தைகளை ரசிக்க, கடவுள் எனக்குத் தந்த வாய்ப்பு! - பேபி போட்டோகிராபர் சிந்து மஞ்சரி

பேபி போட்டோஸ்
பிரீமியம் ஸ்டோரி
பேபி போட்டோஸ்

மூன்றாவது கண்...

குழந்தைகளை ரசிக்க, கடவுள் எனக்குத் தந்த வாய்ப்பு! - பேபி போட்டோகிராபர் சிந்து மஞ்சரி

மூன்றாவது கண்...

Published:Updated:
பேபி போட்டோஸ்
பிரீமியம் ஸ்டோரி
பேபி போட்டோஸ்
நம் சுக துக்க நினைவுகளின் மிச்சங்களாக எஞ்சக்கூடியவை புகைப்படங்கள். ஒவ்வொரு புகைப்படமும் அது எடுக்கப்பட்ட காலகட்டத்தைக் கண்முன் கொண்டுவந்து நிறுத்தும். நாம் அனைவரும் மீண்டும் செல்ல நினைக்கும் காலம் நம் குழந்தைப்பருவம். அந்த குழந்தைப் பருவத்தை தன் கேமராவால் உள்வாங்கி அழகான, உயிரோவிய புகைப்படங்களாக மாற்றித்தருகிறார் புகைப்படக் கலைஞர் சிந்து மஞ்சரி.
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
குழந்தைகளை ரசிக்க, கடவுள் எனக்குத் தந்த வாய்ப்பு! - பேபி போட்டோகிராபர் 
சிந்து மஞ்சரி

இவர் ‘பேபி டேல்ஸ்’ (Baby Tales) என்ற பெயரில் குழந்தைகளுக்கான போட்டோகிராபி செய்துவருகிறார். ‘குழந்தைகளை போட்டோ எடுக்கிறது வேலை இல்ல; அது ஒரு கலை’ என்கிற சிந்து மஞ்சரியிடம் அவரது பேபி போட்டோகிராபி அனுபவங்கள் குறித்துக் கேட்டோம்.

குழந்தைகளை ரசிக்க, கடவுள் எனக்குத் தந்த வாய்ப்பு! - பேபி போட்டோகிராபர் 
சிந்து மஞ்சரி

“என் அப்பா ஒரு நிக்கான் கேமரா வெச்சிருந்தார். அவர் போட்டோ எடுக்கும்போது என்னையும் எடுக்கச் சொல்லி சின்ன வயசுல அடம்பிடிச்சிருக்கேன். அப்படியே நானும் போட்டோ எடுக்க ட்ரை பண்ணியிருக்கேன். இப்படித்தான் போட்டோகிராபி மேல ஆர்வம் வர ஆரம்பிச்சுது. கல்லூரியில நான் தேர்வுசெய்த பிசினஸ் சம்பந்தப்பட்ட படிப்பு, எனக்கானதில்லைன்னு உணர்ந்த பிறகு அந்தப் படிப்பை விட்டுவிட்டு எனக்குப் பிடிச்ச விஸ்காம் படிச்சேன். இதுல கடைசி வருஷ புராஜெக்ட்டா ‘பேபி போட்டோகிராபி’ இருந்தது. அதுக்கு நான் எடுத்த பேபி போட்டோஸுக்கு அவார்டு கிடைச்சுது.

குழந்தைகளை ரசிக்க, கடவுள் எனக்குத் தந்த வாய்ப்பு! - பேபி போட்டோகிராபர் 
சிந்து மஞ்சரி

படிப்பு முடிஞ்ச பிறகு, பேபி போட்டோகிராபியையே எனக்கான பாதையா தேர்வு செஞ்சேன். ‘பேபி டேல்ஸ்’ என்ற பெயரில் என்னோட போட்டோகிராபி பயணம் ஆரம்பமானது. குழந்தைகளை போட்டோ எடுக்குறது ரொம்ப சுவாரஸ்யமான, அதேநேரம் கொஞ்சம் சவாலான விஷயம். ஒவ்வொரு குழந்தையும் ஒவ்வொரு ரகம். சில குழந்தைகள் போட்டோ எடுக்குறப்போ சிரிக்கும். சில குழந்தைகள் முகத்தையே காட்டாது. அடம்பிடிக்கிற குழந்தைகளை போட்டோ எடுக்கிறதுக்காகத் தூக்கிச் சமாதானப்படுத்தும்போது சில குழந்தைகள் என்கிட்டேயே ஒட்டிக்கும். என்னைவிட்டுப் போகவே போகாது. அப்படியே வீட்டுக்குத் தூக்கிக்கிட்டு போயிடலாம்போல இருக்கும்.

குழந்தைகளை ரசிக்க, கடவுள் எனக்குத் தந்த வாய்ப்பு! - பேபி போட்டோகிராபர் 
சிந்து மஞ்சரி

நான் எடுக்குற பேபி போட்டோஸ் எல்லாத்தையும் என்னோட இன்ஸ்டா, ஃபேஸ்புக் பேஜ்ல போஸ்ட் பண்ணுவேன்.  நானும் இசையமைப்பாளர் ஜி.வி.பிரகாஷோட தங்கை பவானியும் பெஸ்ட் ஃப்ரெண்ட்ஸ். நான் எடுக்குற பேபி போட்டோஸ் எல்லாத்தையும் சைந்தவி அக்கா (ஜி.வி.பிரகாஷின் மனைவி, பின்னணிப் பாடகி) பார்த்துருக்காங்க. அது அவங்களுக்குப் பிடிச்சதால அவங்களோட மெட்டர்னிட்டி போட்டோஷூட் எடுக்க எனக்கு வாய்ப்பு கொடுத்தாங்க. ஜி.வி. பிரகாஷ், சைந்தவி அக்கா ரெண்டு பேரையும் வொயிட் கலர் டிரஸ்ல நான் எடுத்த போட்டோஷூட்டுக்கு நல்ல ரெஸ்பான்ஸ். அவங்களுக்கு குழந்தை பிறந்த பிறகு நான்தான் முதன்முதலா குழந்தையை போட்டோஷூட் பண்ணணும்னு கேட்டுக்கிட்டாங்க. ஆனா, கொரோனா லாக்டௌன் பிரச்னையால அந்த போட்டோஷூட்டை என்னால பண்ண முடியல.

சைந்தவி - ஜி.வி.பிரகாஷ்...
சைந்தவி - ஜி.வி.பிரகாஷ்...

என்கிட்ட தனியா ஸ்டூடியோ எதுவும் இல்ல. என்னோட கேமரா, போட்டோஷூட்டுக்குத் தேவையான மற்ற பொருள்களை எல்லாம் நேரடியா, குழந்தையை போட்டோஷூட்  பண்றவங்களோட வீட்டுக்கு எடுத்துக்கிட்டுப் போயிடுவேன். அங்கே பேரன்ட்ஸ் விருப்பத்துக்கேற்ற மாதிரி செட் போட்டு குழந்தைகளை போட்டோஷூட் பண்ணுவேன். தங்களோட வீட்டுலயே போட்டோஷூட் நடக்குறதால பேரன்ட்ஸ், குழந்தைகள் ரெண்டு பேருமே ஃப்ரீயா பீல் பண்ண முடியும். கொஞ்சநேரம் குழந்தைகளைத் தூக்கி, கொஞ்சி என்னை அவங்களுக்குப் பழக்கப்படுத்திட்டு பிறகுதான் போட்டோ எடுக்கவே ஆரம்பிப்பேன்.

குழந்தைகளை ரசிக்க, கடவுள் எனக்குத் தந்த வாய்ப்பு! - பேபி போட்டோகிராபர் 
சிந்து மஞ்சரி

பேபி போட்டோஷூட் பண்ணணும்னா எங்கிருந்தோ ஓர் உற்சாகம் என்னை தொற்றிக்கும். இதுவரை நான் போட்டோஷூட் பண்ணின ஒவ்வொரு குட்டி ஏஞ்சலும், அதுங்களுடைய சேட்டைகளும் இன்னும் நினைவிருக்கு. வேற எந்த வேலைக்குப் போயிருந்தாலும் இந்த அளவுக்குச் சந்தோஷமா, ரசிச்சு செஞ்சிருப்பேனான்னு தெரியலை. குழந்தைகளை ரசிக்க, கடவுள் எனக்குத் தந்த வாய்ப்பு இது” என்று முடிக்கிறார் ஒரு குழந்தையின் குதூகலத்துடன்!