Published:Updated:

கே டி எம்-னா என்னனு தெரியுமா? #KTMOrangeDay

கே டி எம்-னா என்னனு தெரியுமா? #KTMOrangeDay
பிரீமியம் ஸ்டோரி
கே டி எம்-னா என்னனு தெரியுமா? #KTMOrangeDay

ரேஸ் - கேடிஎம் ஆரஞ்ச் டேதமிழ் - படங்கள்: ப.சரவணகுமார்

கே டி எம்-னா என்னனு தெரியுமா? #KTMOrangeDay

ரேஸ் - கேடிஎம் ஆரஞ்ச் டேதமிழ் - படங்கள்: ப.சரவணகுமார்

Published:Updated:
கே டி எம்-னா என்னனு தெரியுமா? #KTMOrangeDay
பிரீமியம் ஸ்டோரி
கே டி எம்-னா என்னனு தெரியுமா? #KTMOrangeDay
கே டி எம்-னா என்னனு தெரியுமா? #KTMOrangeDay

கேடிஎம் உரிமையாளர்களுக்கான கேள்வி இது: உங்களில் யாருக்காவது கேடிஎம்-ன் முழு விரிவாக்கம் தெரியுமா? ‘‘எங்களுக்குத் தெரியும்’’ என்று கைதூக்கி, அதற்கான கதையும் சொல்லி வியப்பூட்டினார்கள் சில இளசுகள். ‘‘நாங்கெல்லாம் கேடிஎம் வெறியனுங்க. இப்போ ரேஸர்ஸும்!’’ என்றார்கள் அவர்கள்.

கேடிஎம் நிறுவனம் ஒவ்வோர் ஆண்டும் நடத்தும் திருவிழாவுக்குப் பெயர், ‘ஆரஞ்ச் டே’. இந்த தடவையும் சென்னை மெரினா கோ-கார்ட் ரேஸ் டிராக்கில் இந்தத் திருவிழாவை நடத்தியது கேடிஎம். இங்கேதான் கேடிஎம் உரிமையாளர்கள், ரேஸர்களாக அவதாரம் எடுத்திருந்தார்கள். கான்செப்ட் இதுதான்: யார் வேண்டுமானாலும் இந்தத் திருவிழாவில் போட்டியாளர்களாகக் கலந்து கொள்ளலாம். அதற்கு உங்களிடம் கேடிஎம் பைக் இருக்க வேண்டும். அவ்வளவுதான்.

கே டி எம்-னா என்னனு தெரியுமா? #KTMOrangeDay

இங்கே திருவிழா என்பது ரேஸ். ரோட்டில் தாறுமாறாக பைக் ஓட்டி, மூஞ்சி மொகறையைப் பெயர்த்துக்கொள்வதைத் தடுக்கத்தான் இந்த ‘ஆரஞ்ச் டே’. கேடிஎம் உரிமையாளர்களுக்கான ரேஸ் இது. ‘ரோடு வேண்டாம்; ட்ராக் இருக்கு’ என்பதுதான் இதன் கான்செப்ட் RC200, RC250, டியூக்200 என்று மூன்று பிரிவுகளில் ரேஸ் நடந்தது. இதில் நூற்றுக்கும் மேற்பட்ட இளம் ரைடர்கள் இதில் கலந்துகொண்டார்கள்.

மெரினா கோ-கார்ட் ரேஸ் டிராக், இருங்காட்டுக்கோட்டையைவிட பல மடங்கு சிறியது. வெறும் 400 மீட்டர்தான். அதிலேயே நான்கைந்து கார்னரிங் உண்டு. ஸ்ட்ரெச் ரோடு குறைவு என்பதால், யாராலும் 50-க்கு மேல் பைக்கை விரட்ட முடியவில்லை. ஒரு தடவை அவுட் ஆஃப் தி ட்ராக்கில் போனால் அவ்வளவுதான். ரைடர்களை முந்துவது கஷ்டம். ‘‘ஆனா போன தடவையெல்லாம் நான் கீழே விழுந்தும் செகண்ட் ப்ளேஸ் அடிச்சேன். இந்த தடவை குவாலிஃபையிங்லேயே 8-வதில் இருந்து ஆரம்பிச்சேன். முடியலை... ப்ச்!’’ என்று ரியல் ரேஸராக மாறி வருத்தப்பட்டார் வசீர் எனும் இளைஞர். வசீர்போலவே, ஒவ்வோர் ஆண்டும் கலந்துகொள்ளும் ரேஸர்களையும் பார்க்க முடிந்தது.

கே டி எம்-னா என்னனு தெரியுமா? #KTMOrangeDay

வழக்கம்போல், புது ரைடர்கள் கீழே விழுந்து முட்டி மோதிய சம்பவமும் நிகழ்ந்தது. கீழே விழுந்தாலும் ரேஸை விட்டு விலகாமல், கடைசி வரை வந்து ரேஸை ஃபினிஷ் செய்த இளைஞர்களுக்குக்கூட செம அப்ளாஸ் கிடைத்தது. கடைசியாக ஜெயித்தவர்களை அறிவித்தார்கள். ‘‘அடுத்து அப்படியே இருங்காட்டுக்கோட்டை லைசென்ஸ் வாங்கி, நேஷனல் சாம்பியன்ஷிப் வாங்கிட வேண்டியதுதான்’’ என்று சத்தமில்லாமல் சபதம் எடுத்தபடி டிராஃபி வாங்கிக் கிளம்பினார்கள் வின்னர்கள்.

அது சரி; கேடிஎம்-ன் விரிவாக்கம் இதுதான். ‘Kraftfahrzeug Trunkenpolz Mattighofen.’ 1934-ல் ட்ரங்கன்போல்ஸ் எனும் ஆஸ்திரியன் இன்ஜினீயரால் மேட்டிக்கோஃபென் எனும் இடத்தில் ஆரம்பிக்கப்பட்ட கார் ரிப்பேர் ஷாப்தான் KTM. ஓகேவா?