Published:Updated:

சிலிகா ஏரியில் சிலீர் பயணம்!

சிலிகா ஏரியில் சிலீர் பயணம்!
பிரீமியம் ஸ்டோரி
சிலிகா ஏரியில் சிலீர் பயணம்!

பயணம் - ஜாவா கிளப்ரஞ்சித் ரூஸோ

சிலிகா ஏரியில் சிலீர் பயணம்!

பயணம் - ஜாவா கிளப்ரஞ்சித் ரூஸோ

Published:Updated:
சிலிகா ஏரியில் சிலீர் பயணம்!
பிரீமியம் ஸ்டோரி
சிலிகா ஏரியில் சிலீர் பயணம்!
சிலிகா ஏரியில் சிலீர் பயணம்!

“ஒரு ஜாவா பைக்கை ஓட்டினாதான் அந்த உணர்வைப் புரிஞ்சிக்க முடியும்” என்று தனது ஜாவா ‘ரோடு கிங்’ பைக்கைக் நம்மிடம் கொஞ்சம் ஓட்டக் கொடுத்தார் ‘ரோரிங் ரைடர்ஸ்’ கிளப்பைச் சேர்ந்த சைலேஷ். மெரினாவில் சும்மா ஒரு ரைடு வந்த அனுபவமே சிலாகித்து எழுதும் அளவுக்கு இருந்தது என்றால், கடலைப் பார்த்துக்கொண்டே மொத்த தென்கிழக்குக் கடற்கரைச் சாலைகளிலும் பைக்கில் சென்றால் எப்படியிருக்கும்!

அப்படித்தான் ‘ரோரிங் ரைடர்ஸ்’ கிளப்பைச் சேர்ந்த ரைடர்கள், ஜாவாவை கடற்கரையிலேயே விரட்டி வந்திருக்கிறார்கள். சென்னையில் ஆரம்பித்து மத்தியப் பிரதேசத்தில் இருக்கும் சிந்துவாரா வரை கடற்கரைச் சாலையிலேயே ஒரு லாங் ரைடு சென்றுள்ளார்கள் ‘ரோரிங் ரைடர்ஸ்’ ரைடர்கள். “கடற்கரைப் பயணம் எப்படி இருந்துச்சு?” என்றேன் ஏக்கமாய்.

சிலிகா ஏரியில் சிலீர் பயணம்!

“ஒருநாளைக்கு 400 கி.மீ எங்களோட டார்கெட். மொத்தம் 6 ரைடர்கள், 9 நாள், 3,580 கி.மீ பயணம். 5 யெஸ்டி ரோடு கிங், ஒரு யெஸ்டி கிளாசிக்; ஓடவும் முடியாது; ஒளியவும் முடியாது” என்று பிக்பாஸ் ஸ்டைலில் தம்ஸ்-அப் காட்டினார்கள். “மொத்தம் 6 இடங்களில் தங்கினோம், மச்சிலிப்பட்டினம், ஶ்ரீகாகுளம், புரி, சம்பல்பூர், ராய்பூர், நாக்பூர், ஹைதராபாத், லெபாக்‌ஷி எனத் தங்கும் இடங்களை முன்பே முடிவு செய்திருந்தோம். நாங்கள் தங்கும் ஒவ்வொரு நகரங்களிலும் அந்த நகரத்தில் இருந்த ஜாவா கிளப் நண்பர்கள் தங்குவதற்கான வசதிகளைச் செய்திருந்தார்கள். போகும் வழியில் ஜாவா கிளப் மட்டுமில்லாமல், பல கிளப் நண்பர்களையும் சந்தித்தோம்!” என்று ரோரிங் ரைடர்ஸின் ஒருங்கிணைப்பாளர் சீனிவாசன் சொல்ல, ‘எந்த ரூட் புது அனுபவத்தைப் தந்தது’ என்ற கேள்விக்கு, ‘ஏரியில் பைக்கில் போனதுதான்’ என்றார் சைலேஷ்.

சிலிகா ஏரியில் சிலீர் பயணம்!

“ஒடிஷாவில் சிலிகா லேக் என்று ஓர் இடம். பைக் ரைடைவிட அங்கு படகில் போனதுதான் செம! கடல் பக்கத்திலேயே இருக்கிறது சிலிகா ஏரி. இதைக் கடக்க சாலை இருந்தாலும், இங்கு வரும் ரைடர்கள் பைக்கை படகில் ஏற்றி, இந்த ஏரியைக் கடக்கிறார்கள். நாங்களும் படகுக்கு 3 பைக் என 2 படகுகளைப் பிடித்து பைக்குகளைச் ஏற்றிச் சென்றோம். விடாமல் அலை அடித்துக்கொண்டே இருந்தது. அலையில், ஆடும் படகில் பைக்கைக் கட்டிவைத்துப் பயணித்தது மறக்க முடியாத அனுபவம்” என்றார் சைலேஷ்!

சில இடங்களில் 30 கி.மீ-க்கு ஒரு பெட்ரோல் பங்க்தான் இருந்தது. பல இடங்களில் தண்ணீர் பாட்டில்கூடக் கிடைக்கவில்லை. உப்புத்தண்ணீர்தான். ஓர் இடத்தில் அடுத்த மருத்துவமனை 100 கி.மீ தொலைவில் என்ற போர்டைப் பார்த்தபோது பயங்கர அதிர்ச்சி. தமிழ்நாட்டில் குறைந்தது 10 கி.மீ-க்கு ஒரு மருத்துவமனையைப் பார்க்கலாம் என தங்களுடைய கருத்தைப் பகிர்ந்துகொண்டார்கள் ரைடர்கள்.

சிலிகா ஏரியில் சிலீர் பயணம்!

ஒரு நிமிடம், மருத்துவ மாணவரான எர்னெஸ்டோ குவேராவை, லத்தின் அமெரிக்காவின் ‘சே’-வாக மாற்றிய அந்த மோட்டார் சைக்கிள் பயணம் எப்படி இருந்திருக்கும் என்று யோசித்தது மனம். ரோரிங் ரைடர்ஸ் கொடுத்து வைத்தவர்கள்!