Published:Updated:

கூடியிருக்கிறதா சக்தி? டிவிஎஸ் அப்பாச்சி RTR 160 4V

Apache RTR 160 4V
பிரீமியம் ஸ்டோரி
Apache RTR 160 4V

ஃபர்ஸ்ட் லூக்: டிவிஎஸ் அப்பாச்சி RTR 160 4V

கூடியிருக்கிறதா சக்தி? டிவிஎஸ் அப்பாச்சி RTR 160 4V

ஃபர்ஸ்ட் லூக்: டிவிஎஸ் அப்பாச்சி RTR 160 4V

Published:Updated:
Apache RTR 160 4V
பிரீமியம் ஸ்டோரி
Apache RTR 160 4V
ப்பாச்சிக்கு என்றே பைக் பிரியர்களுக்கிடையில் தனி ரசிகர் பட்டாளம் உண்டு. ரசிகர்களுக்கு மட்டுமில்லை; டிவிஎஸ் நிறுவனத்துக்கும் அப்பாச்சி சீரிஸ் மீது தனிப் பிரியம் இருக்கும் என்றே நினைக்கிறேன். அப்பாச்சி சீரிஸ் பைக்குகளுக்கு புதிய புதிய அப்டேட்டட் வெர்ஷன்களைக் கொண்டு வந்து கொண்டே இருக்கிறது டிவிஎஸ். 2019-ல் Apache RTR 160 4V மற்றும் Apache RTR 200 4V ஆகிய மாடல்களின் தோற்றத்தை முழுமையாக மாற்றி ஒரு புதிய ஃபேஸ்லிப்ட் வெர்ஷனை அறிமுகப்படுத்தியது டிவிஎஸ். சில மாதங்களுக்கு முன் 200சிசி மாடலின் சஸ்பென்ஷன், பிரேக்குகள் மற்றும் ரைடிங் மோடுகளில் சிறிய மாற்றங்களைச் செய்து புதிய அப்டேட்டட் வெர்ஷன் வெளியானது. தற்போது இது 160சிசி-க்கான நேரம். அப்பாச்சி RTR 160 4v-யிலும் சில மாற்றங்களைச் செய்துள்ளது டிவிஎஸ். அந்த மாற்றங்கள் என்னென்ன, தற்போது பைக்கின் பெர்ஃபாமன்ஸ் எப்படி இருக்கிறது...? பார்க்கலாம்.
அப்பாச்சி RTR 160 4V
அப்பாச்சி RTR 160 4V

புதியதாக பெரிய மாற்றங்கள் எதையும் செய்யவில்லை; எல்லாம் குட்டிக் குட்டி மாற்றங்கள்தான். ஆனால், குறிப்பிடத்தக்க மாற்றங்களைச் செய்திருக்கிறது டிவிஎஸ்.

17.4 bhp, 14.73 Nm
17.4 bhp, 14.73 Nm

இன்ஜின் மற்றும் பெர்ஃபாமன்ஸ்:

முன்னர் இருந்த அப்பாச்சி வெர்ஷனில் 15.6bhp பவருடன் இருந்த இன்ஜினை, இப்போது 17.4bhp பவர் அளவுக்கு மேம்படுத்தியிருக்கிறார்கள். இதன் மூலம் அதன் செக்மென்ட்டில் பவர்ஃபுல் இன்ஜின் கொண்ட பைக்காக இருக்கிறது அப்பாச்சி 160.

14.12Nm ஆக இருந்த டார்க்கையும் 14.73Nm ஆக உயர்த்தியிருக்கிறார்கள். இதன் மூலம் இதன் செக்மென்ட்டில் வேகமான பைக்குகளில் ஒன்றாக அப்பாச்சியை மேம்படுத்தி இருக்கிறார்கள். 0 கிமீ-யில் இருந்து முதல் 60 கிமீ அடைவதில் இதன் போட்டியாளரான பஜாஜைவிட 0.05 நொடிகள் பின்தங்கியிருந்தாலும், 100 கிமீ-யை முதலில் வேகமாக அடைவது அப்பாச்சி தான். 15.93 நொடிகளில் இது 100 கிமீ வேகத்தை அடைகிறது. ஓட்டுவதற்கு ஸ்மூத்தாகவும் இருக்கிறது புதிய அப்பாச்சி. கிரிஸ்ப்பான த்ராட்டில் எக்ஸ்பீரியன்ஸோடு, மற்ற அம்சங்களும் இணைவது சிறப்பான ஓட்டுதல் அனுபவத்தை அளிக்கிறது.

Glide through technology
Glide through technology

அப்பாச்சியில் Glide through technology- யை 2020 மாடலிலேயே அறிமுகப்படுத்தியிருந்தது டிவிஎஸ். இதன் மூலம் நெருக்கடியான டிராஃபிக்கில் சுலபமாக பைக்கை நகர்த்திக் கொண்டு போக முடிகிறது. 90-95 கிமீ வரையிலான வேகத்தில் நீண்ட நேரம் எந்த உறுத்தலும் இல்லாமல் ஓட்ட முடிகிறது. அதிகபட்சமாக 115 கிமீ வேகத்தில் நிலையாக ஓட்ட முடியும். ஆனால், அந்த வேகத்தில் ஓட்டும்போது பைக்கில் கொஞ்சம் அழுத்தத்தை உணர முடிகிறது. மைலேஜ் ஓரளவுக்கு இருக்க வேண்டும் என்று நினைப்பவர்கள் ஏமாறமாட்டார்கள். சிட்டியில் ஓட்டும் போது 43.24 கிமீ-யும், நெடுஞ்சாலையில் 50.76 கிமீ-யும் மைலேஜ் கொடுக்கிறது.

எடை 145 கிலோ
எடை 145 கிலோ

ரைடிங் மற்றும் ஹேண்ட்லிங்:

வேகமாக ஓட்டுவதற்கான இலகுவான வாகனமாகவே இந்த அப்பாச்சி எப்போதும் இருக்கிறது. புதிய வெர்ஷனில் 2 கிலோ எடையையும் குறைத்திருக்கிறார்கள். பழைய வெர்ஷனின் எடை 147 கிலோ. இதை உடனடியாக நம்மால் உணர முடியாது எனினும், எடையைக் குறைத்தது சிறப்பானதுதான்.

முன்பக்கம் டெலிஸ்கோப்பிக் ஃபோர்க்ஸ், பின் பக்கம் மோனோ ஷாக் அப்ஸார்பரும் அதே செட்-அப்தான். இரண்டு பக்கமும் டிஸ்க் பிரேக் கொடுத்திருக்கிறார்கள். இது டாப் வேரியன்ட்டில் மட்டும்தான். பேஸ் வேரியன்ட்டில் டிரம் பிரேக்ஸ் மட்டும்தான். இரண்டிலும் சிங்கிள் சேனல் ஏபிஎஸ் மட்டும் கொடுத்திருக்கிறார்கள்.

பைக் ஓட்டும்போது ரைடருக்கு சொகுசாகப் பயணம் செய்யும்படிதான் அமைந்திருக்கிறது ரைடிங் பொசிஷன். கால் வைக்கும் இடம், பின்னால் கொஞ்சம் மேலே இருக்கிறது. 5 அடி 10 அங்குலத்துக்கு மேல் உயரம் இருந்தால் நீண்ட தூரம் பயணிக்கும்போது, இது கொஞ்சம் சிரமமாக இருக்கும்.

விலை சுமார் 1,25,500 ரூபாய்
விலை சுமார் 1,25,500 ரூபாய்

புதிய அப்பாச்சியை வாங்கலாமா?

வியத்தகு பெர்ஃபாமன்ஸ், தினமும் ஓட்டுவதற்கு ஏதுவாக இருக்கும் ஹேண்ட்லிங் மற்றும் விலையும் அதற்குரிய பட்ஜெட்டிற்குள் அடங்குவது என அனைத்து அம்சங்களிலும் இந்த அப்பாச்சி சிறப்பாகவே இருக்கிறது. இதன் ஆன்ரோடு விலை சுமார் 1,25,500 ரூபாய் வருகிறது. டிஸ்க் மாடல் என்றால் 3,000 ரூபாய் அதிகம். அதிகமான போட்டிகள் நிறைந்த இந்த செக்மென்ட்டில் அப்பாச்சியை, கொடுக்கும் பணத்துக்கு ஏற்ற பைக் என்பேன்.4 வால்வ் 160 சிசி அப்பாச்சி...

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism