<p>Bird குழுமத்தின் துணை நிறுவனமான Bird எலெக்ட்ரிக் மொபிலிட்டி, எலெக்ட்ரிக் கார்கள் மட்டுமல்லாது, எலெக்ட்ரிக் ஸ்கூட்டரையும் காட்சிப்படுத்தியது. ES1+ எனப் பெயரிடப்பட்டுள்ள இது, அசப்பில் Super Soco CUX போலவே தோற்றமளிக்கிறது. </p>.<p>இதன் மற்ற விபரங்களை Bird எலெக்ட்ரிக் அறிவிக்கவில்லை எனினும், அது சிங்கிள் சார்ஜில் 55 கிமீ வரை செல்லும் (35 கிமீ வேகத்தில் ஓட்டும்போது) என அந்த நிறுவனம் கூறியுள்ளது. </p>.<p>CUX-ல் இருப்பது பாஷ் நிறுவனத்தின் 1.3kW எலெக்ட்ரிக் மோட்டார்.கழட்டக்கூடிய லித்தியம் ஐயன் பேட்டரியை, ஃபுல் சார்ஜ் ஏற்றுவதற்கு 7-8 மணி நேரம் தேவைப்படும். 62 கிலோ எடையுள்ள ES1+, நகரப் பயன்பாட்டுக்கேற்ற லைட் வெயிட் வாகனமாக இருக்கும்.</p>.<p>LED லைட்டிங், 12 இன்ச் அலாய் வீல்கள், LCD டிஸ்பிளே, முன்பக்க டிஸ்க் பிரேக், டெலிஸ்கோபிக் ஃபோர்க் - இரட்டை ஷாக் அப்சார்பர் என நவீன அம்சங்கள் இருப்பது ப்ளஸ். 2020-ம் ஆண்டின் இறுதியில் வரப்போகும் இந்த எலெக்ட்ரிக் ஸ்கூட்டர், உத்தேசமாக 60,000 ரூபாயில் கிடைக்கலாம். முதற்கட்டமாக டெல்லியிலும், பின்னர் இதர மெட்ரோ சிட்டிகளிலும் ES1+ விற்பனை செய்யப்படும்.</p>
