Published:Updated:

ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6

கேடிஎம் 250 அட்வென்ச்சர் BS-6
பிரீமியம் ஸ்டோரி
News
கேடிஎம் 250 அட்வென்ச்சர் BS-6

ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6

‘இப்போ வரும், அப்போ வரும்’ என பைக் ஆர்வலர்களால் எதிர்பார்க்கப்பட்ட கேடிஎம் ADV பைக் வந்தேவிட்டது! ஆம், 2.48 லட்ச ரூபாய் எனும் டெல்லி எக்ஸ் ஷோரூம் விலையில் களமிறங்கியுள்ளது 250 அட்வென்ச்சர். இது 390 அட்வென்ச்சரைவிட 54,000 ரூபாயும், பிஎம்டபிள்யூ G310GS விட 37,000 ரூபாய் குறைவு. எனவே இந்த கேடிஎம் பைக்கில் என்னென்ன விஷயங்கள் காணாமல் போயிருக்கின்றன?
ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6

390,250... இந்த இரு ADV-க்கு இடையே உள்ள வித்தியாசம் என்ன?

390 அட்வென்ச்சரில் இருந்த LED ஹெட்லைட்ஸ் & TFT டிஸ்ப்ளேவுக்குப் பதிலாக, LED DRL உடனான ஹாலோஜன் ஹெட்லைட் & LCD டிஸ்ப்ளே வந்துள்ளது. மேலும் 390 பைக்கில் இருந்த கார்னரிங் ஏபிஎஸ், க்விக் ஷிஃப்ட்டர், டிராக்ஷன் கன்ட்ரோல், ரைடு பை வயர் ஆகியவை 250 பைக்கில் மிஸ்ஸிங்! தவிர 390 அட்வென்ச்சரில் Metzeler Tourance டயர்கள் இருந்த நிலையில், 250 அட்வென்ச்சரில் MRF Mogrip Meteor FM2 டயர்கள்தான் இருக்கின்றன. தவிர, 390 பைக்கில் ஆரஞ்சு & வெள்ளை நிறங்களில் கிடைத்தால், 250 பைக்கை கறுப்பு & ஆரஞ்சு நிறங்களில் வாங்க முடியும். இந்த மாற்றங்களால், 390 அட்வென்ச்சரைவிட 2 கிலோ குறைவான Dry Weight-ல் வந்துள்ளது 250 அட்வென்ச்சர் (156 கிலோ). இதில் அட்ஜஸ்டபிள் லீவர்கள் இல்லையோ? சர்வதேச மாடலுடன் ஒப்பிடும்போது, இந்திய மாடலில் ஸ்விட்ச்கள் வழக்கமான தோற்றத்தில் இருந்ததை இங்கே குறிப்பிட்டாக வேண்டும். ஒருவேளை அங்கே TFT டிஸ்ப்ளே கிடைக்கிறதோ?

ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6
ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6

இன்ஜின் - கியர்பாக்ஸ்

எதிர்பார்த்தபடியே டியூக் 250 பைக்கில் இருந்த அதே சிங்கிள் சிலிண்டர் - ஷார்ட் ஸ்ட்ரோக் இன்ஜின்தான், 250 அட்வென்ச்சர் பைக்கிலும். 6 ஸ்பீடு கியர்பாக்ஸுடன் இணைக்கப்பட்டுள்ள இந்த 248.8சிசி இன்ஜின் வெளிப்படுத்தும் 30bhp@9,000rpm பவர் - 2.4kgm@7,500rpm டார்க் ஆகியவற்றில் மாறுதல் இல்லை. அதே 520 X-Ring செயின் ஸ்ப்ராக்கெட் தொடர்வதால், கியர் ரேஷியோக்களில் எந்தவிதமான வித்தியாசமும் இருக்காது. 390 அட்வென்ச்சரில் இருந்த 4 வால்வ் - DOHC - லிக்விட் கூலிங் - EFi - ஸ்லிப்பர் க்ளட்ச் ஆகிய அமைப்புகள் இருப்பது ப்ளஸ். 390 அட்வென்ச்சரைவிட 13bhp குறைவான பவர் - 1.3kgm குறைவான டார்க் இங்கே கிடைக்கிறது என்றாலும், ராயல் என்ஃபீல்டு ஹிமாலயனைவிட இது அதிகம்தான்! இந்த பைக்கின் சர்வதேச வெர்ஷனின் டெக்னிக்கல் விபரங்களை வைத்துப் பார்த்தால், 390 ADV-யை விடக் கிட்டத்தட்ட 10% அதிக மைலேஜ் மற்றும் குறைவான CO2 மாசையும், 250 ADV பைக்கில் எதிர்பார்க்கலாம்.

ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6
ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6
ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6

இரு கேடிஎம் ADV-க்கும் என்ன ஒற்றுமை?

ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6
ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6
ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6
ஃபர்ஸ்ட் லுக் ரிப்போர்ட்: கேடிஎம் 250 அட்வென்ச்சர் BS-6

ஸ்டீல் ட்ரெல்லிஸ் ஃப்ரேம் - Die Cast ஸ்விங் ஆர்ம் - Triple Clamp உடனான ஸ்டீல் ஹேண்டில்பார் - WP நிறுவனத்தின் Long Travel சஸ்பென்ஷன் - Bybre டிஸ்க் பிரேக்ஸ் - Bosch EMS & ஆஃப் ரோடு ABS - 855மிமீ உயரத்தில் உள்ள ஸ்ப்ளிட் சீட்கள் - 14.5 லிட்டர் பெட்ரோல் டேங்க் - LED இண்டிகேட்டர்கள் & டெயில் லைட் - இரட்டை Catalytic Converter-களை உள்ளடக்கிய Stainless Steel எக்ஸாஸ்ட் பைப் 200மிமீ கிரவுண்ட் கிளியரன்ஸ் - மிரர்கள் & கிராப் ரெயில் என 390 அட்வென்ச்சருக்கும் 250 அட்வென்ச்சருக்கும் மெக்கானிக்கலாக ஏகப்பட்ட ஒற்றுமைகள்! எனவே பவர் குறைபாடு - வித்தியாசமான டயர்கள் - காணாமல் போன தொழில்நுட்பங்களைத் தாண்டி, இரு ADV-களின் ஓட்டுதல் அனுபவம் ஒரே மாதிரி இருப்பதற்கான சாத்தியம் உள்ளது. இந்த கேடிஎம் பைக்குக்குப் பக்காவான போட்டியாளர், இந்தியாவில் இப்போதைக்கு இல்லை. பலதரப்பட்ட மாடல்களை உள்ளடக்கிய 250சிசி செக்மென்ட்டில் வெளியாகியுள்ள 250 அட்வென்ச்சரை ஓட்டிப் பார்க்க, மிகவும் ஆர்வமாக இருக்கிறோம்.