Published:Updated:

ராஸியைத் தொடர்ந்து ஒரு கூல் சாம்பியன்! - 2020 மோட்டோ ஜிபி சாம்பியன் ஜோஆன் மிர்!

ஜோஆன் மிர்
பிரீமியம் ஸ்டோரி
News
ஜோஆன் மிர்

ஃபரித்கான்

ரேஸ்: மோட்டோ ஜிபி

ந்த முறை மோட்டோ ஜிபி சாம்பியன்ஷிப் போட்டிக்குக் கடும் போட்டி. ராஸி இல்லை; மார்க்கஸ் இல்லை; லொரேன்ஸோ இல்லை... வீரர்கள் அனைவருக்கும் தங்கள் முதல் மோட்டோ ஜிபி உலக சாம்பியன்ஷிப்பை வெல்லும் வாய்ப்பு இது. அதாவது, எல்லோருமே புது முகங்கள்.

வேலன்ஸியாவில் இரண்டு சுற்று , போர்ச்சுகலில் ஒன்று என மூன்றே சுற்றுகள் மீதம் இருந்த நிலையில், 32 புள்ளிகள் வித்தியாசத்தில் ஆறு வீரர்களிடம் 2020 மோட்டோ ஜிபி உலக சாம்பியன் பட்டத்திற்குக் கடுமையான போட்டி நிலவியது. .

ராஸியைத் தொடர்ந்து ஒரு கூல் சாம்பியன்! - 2020 மோட்டோ ஜிபி சாம்பியன் ஜோஆன் மிர்!

சாம்பியன்ஷிப் ஸ்டாண்டிங்ஸ்-ல் சுஸூகியின் ஜோஆன் மிர்–137 புள்ளிகள், பெட்ரோனாஸ் யமஹாவின் ஃபேபியோ, ஃப்ரான்க்கோ மார்பிடெல்லி – 123 / 112 புள்ளிகள், மான்ஸ்டர் யமஹா-வின் வினால்ஸ்–118 புள்ளிகள், டுகாட்டியின் ஆண்டிரியா டொவிஸியாஸா–109 புள்ளிகள், சுஸூகியின் அலெக்ஸ் ரின்ஸ்- 105 புள்ளிகள் என டாப் ஆறு சாம்பியன்ஷிப் போட்டியாளர்கள் இடையே குறைவான பாயின்ட் வித்தியாசமே இருந்தது. ‘யார் 2020-ன் உலக சாம்பியன்’ என ரசிகர்கள் காத்துக் கொண்டிருக்க, ஜோஆன் மிர் பக்கம் காற்று அடித்தது.

ராஸியைத் தொடர்ந்து ஒரு கூல் சாம்பியன்! - 2020 மோட்டோ ஜிபி சாம்பியன் ஜோஆன் மிர்!

சீசனின் துவக்கத்தில் ஃபேபியோவிடம் இருந்த சாம்பியன்ஷிப் லீட், கடைசியாக நடந்த சுற்றுகளில் மெல்ல நழுவி சுஸூகியின் ஜோஆன் மிர் கைக்குச் சென்றது. ஜோஆன் மிர்–க்கு இதுதான் முதல் மோட்டோ ஜிபி சாம்பியன் பட்டம்.

ஜோஆன் மிர், எப்படி சாம்பியன் ஆனார் என்று பார்ப்போம்!

Europe Grand Prix

நவம்பர் 8 - ஞாயிற்றுக்கிழமை ரேஸ் துவங்கியது. போல் பொசிஷனில் இருந்து பால் எஸ்பகேரோ ரேஸை லீட் செய்தார். 11–வதாக ஆரம்பித்த ஃபேபியோ, 8–வது இடத்தை அடைந்தார். அது முதல் லேப் வரைகூட நீடிக்கவில்லை. 8-வது திருப்பத்தில் ஃபேபியோவும், அவருக்கு முன் சென்ற அலீஸ் எஸ்பகேரோவும் க்ராஷ் ஆனார்கள். 2020-ன் சாம்பியன்ஷிப்பில் இது மிக பெரிய திருப்புமுனை. இதில் ஃபேபியோவின் சாம்பியன் கனவும் க்ராஷ் ஆகிப் போனது.

சாம்பியன்ஷிப் லீடர் மிர், இரண்டாவது இடத்திற்கு முன்னேறினார். KTM-ன் பால் எஸ்பகேரோ இரண்டு சுஸூகி போட்டியாளர்களையும் பின் தொடர்ந்து மூன்றாவது இடத்தில் இருந்தார். நாகஹாமி, தான் இழந்த 4-வது இடத்தை ஓலிவெய்ராவிடம் போராடி தக்க வைத்துக் கொண்டார். கொரோனாவில் இருந்து மீண்டு வந்த ராஸி, மெக்கானிக்கல் கோளாறினால் ரேஸில் இருந்து வெளியேறினார். இது அவர் ரசிகர்களுக்கு ஏமாற்றத்தை அளித்தது.

உலக சாம்பியன் ஜோஆன் மிர்-க்கு அடுத்தபடியாக Petronas Yamaha-வின் ஃப்ரான்க்கோ மார்பிடெல்லி இரண்டாவது இடத்திலும், சுஸூகி அணியின் அலெக்ஸ் ரின்ஸ் மூன்றாவது இடத்திலும் சாம்பியன்ஷிப் தர வரிசையில் உள்ளனர்.
உலக சாம்பியன் ஜோஆன் மிர்-க்கு அடுத்தபடியாக Petronas Yamaha-வின் ஃப்ரான்க்கோ மார்பிடெல்லி இரண்டாவது இடத்திலும், சுஸூகி அணியின் அலெக்ஸ் ரின்ஸ் மூன்றாவது இடத்திலும் சாம்பியன்ஷிப் தர வரிசையில் உள்ளனர்.

ரேஸின் இறுதிக் கட்டத்தில், ஜோஆன் மிர், ரின்ஸைவிட 1 நொடிக்கும் அதிகமான கேப்பில் இருந்தார். இந்த ரேஸை ஜோஆன் மிர்-ன் வாழ்க்கையின் பெஸ்ட் மோட்டோ ஜிபி ரேஸ் என்றுதான் சொல்ல வேண்டும். காரணம், இன்னும் வேலன்ஸியா, போர்ச்சுகல் என இன்னும் இரண்டு கிராண்ட் ப்ரி ரேஸ்கள் இருக்கும்போதிலும், புள்ளிகள் அடிப்படையில் முன்னணியில் இருந்தது ஜோஆன் மிர்.

ரின்ஸ் இரண்டாவதாகவும், பால் எஸ்பகேரோ 3–வது இடத்திலும் முடித்தனர். எப்படியும் சாம்பியன் ஆகிவிடுவார் என்று போன இதழில் நாமே எதிர்பார்த்த ஃபேபியோ, 14–வது இடத்தில் ரேஸை நிறைவு செய்தார். லொரென்ஸோ இல்லை; ராஸி இல்லை; இந்த ரேஸ் அனைத்து யமஹா ரைடர்களுக்கும் மோசமானதாகவே இருந்தது. ஸ்பெயினின் வேலன்ஸியா ரேஸில் போடியம் முழுக்க ஸ்பெயின் நாட்டுக் கொடியே பறந்தது.

வேலன்ஸியா கிராண்ட் ப்ரி

ரேஸின் முன்னணியில் ஃப்ரான்கோ ரேஸை லீட் செய்தார். போன முறை க்ராஷ் ஆன ஃபேபியோவுக்கு, இந்த முறை ஏதாவது அதிசயம் நடந்தால்தான் ஜோஆன் மிர்ரை முந்த முடியும். ஆனால், அப்படி எதுவும் நடக்கவில்லை. 8–வது லேப்பில் ஃபேபியோ, இந்த முறையும் க்ராஷ் ஆகி வெளியேறினார். ஃபேபியோவின் 2020 சாம்பியன்ஷிப் கனவும் முறிந்தது.

ஜோஆன் மிர்–க்கு இந்த ரேஸில் ஜெயிக்க வேண்டும் என்கிற அவசியம் இல்லை. மிஸ்டர் கூலாக ரேஸ் ஓட்டிய ஜோஆன் மிர், 7–வது இடத்தில் ரேஸை முடித்தார். அதனால் என்ன… 2020 மோட்டோ ஜிபி சாம்பியன் ஜோஆன் மிர் என்று கொண்டாட ஆரம்பித்து விட்டார்கள் சுஸூகி ரசிகர்கள்.

போர்ச்சுகல் கிராண்ட் ப்ரி

போர்ச்சுகல் ரேஸ்தான் கடைசிச் சுற்று. ஆனால், ஒப்புக்குச் சப்பாணியாகத்தான் இருந்தது. சாம்பியன்தான் முடிவாகி விட்டாரே… அதனால் புள்ளிகளுக்குத்தான் வீரர்களுக்கு இடையே போட்டி இருந்தது.

ஜோஆன் மிர்
ஜோஆன் மிர்

எதிர்பார்த்தபடியே ஃப்ரான்க்கோவை முந்தி, இரண்டாவது இடத்தை அடைந்தார் மில்லர்.

2020 சாம்பியன் ஜோஆன் மிர் – 20–வது இடத்தில் இருந்தபோதும் சுஸூகி ரசிகர்கள் கை தட்டினார்கள். 10–க்கு முந்தியபோதும் கை தட்டினார்கள். பைக் கட்டுப்பாட்டை இழந்து ஜார்க்கோ-வின் பைக் பின் பகுதியில் மோதி, கீழே விழாமல் சாதுர்யமாகத் தப்பித்தபோதும் கை தட்டினார்கள். 15–வது லேப்பில் பைக்கில் ஏற்பட்ட கோளாறு காரணத்தால் ரேஸை விட்டு வெளியேறியபோதும், கைத்தட்டல் அதிர்ந்தது.

எந்த ஒரு டென்ஷனும் இல்லாமல் மிஸ்டர் கூல் ஆக வெளியேறி, தனது முதல் மோட்டோ ஜிபி சாம்பியன்ஷிப்பைப் பதிவு செய்தார் ஜோஆன் மிர். ஸ்பெயின் நாட்டுக்கு மட்டுமில்லை; சுஸூகி டீமுக்கும் இது பெருமையான தருணம். இருக்காதா பின்னே…

சுஸூகி கடைசியாக மோட்டோ ஜிபி டைட்டில் தட்டியபோது, ஜோஆன் மிர்–க்கு வயது 3. இப்போது 20 ஆண்டுகளுக்குப் பிறகு, ‘திரும்ப வந்துட்டேன்னு சொல்லு’ என்று சுஸூகியைத் தலை நிமிர வைத்திருக்கிறார் ஜோஆன் மிர்.

சுஸூகியும் ஜெயிக்கட்டுமே!