Published:Updated:

SPY PHOTO ரகசிய கேமரா: புது புல்லட்… புது டூரர்…

SPY PHOTO
பிரீமியம் ஸ்டோரி
SPY PHOTO

ராயல் என்ஃபீல்டில் இருந்து 2பைக்குகள்!

SPY PHOTO ரகசிய கேமரா: புது புல்லட்… புது டூரர்…

ராயல் என்ஃபீல்டில் இருந்து 2பைக்குகள்!

Published:Updated:
SPY PHOTO
பிரீமியம் ஸ்டோரி
SPY PHOTO

படங்கள்: அர்ஜுன்

ராயல் என்ஃபீல்டு நிறுவனத்திலிருந்து அடுத்த 350 சிசி டூரர் ஒன்று, இந்த ஆண்டின் இறுதிக்குள் இல்லை.. மத்தியிலேயே வர இருக்கின்றது. அந்த ஸ்பை படங்களை திண்டிவனம்–மேல்மருவத்தூர் நெடுஞ்சாலையில் விரட்டி விரட்டிப் படம் பிடித்திருக்கிறார், நமது மோட்டார் விகடன் வாசகர் அர்ஜூன்.

SPY PHOTO ரகசிய கேமரா: புது புல்லட்… புது டூரர்…

ஹைனெஸ், CB350, பெனெல்லி இம்பீரியல், ஜாவா 42 போன்ற பைக்குகளுக்குப் போட்டியாக, கொஞ்சம் க்ளாஸிக் ஆகவும், ரெட்ரோ ஸ்டைலிலும் இந்தப் புதிய ஸ்போர்ட்ஸ் டூரர் பைக்கை டிசைன் செய்திருக்கிறது. கொஞ்சம் ஓவராக இருந்தாலும், திடீரெனப் பார்ப்பதற்கு டுகாட்டியின் ஸ்க்ராம்ப்ளர் போலவே இருந்தது.

டேங்க், பல்க்கியாக இல்லாமல் தட்டையாக இருந்தது. இதன் சீட்டும்தான். ஸ்ப்ளிட் சீட் இல்லை; இதன் சிங்கிள் சீட் அப்படியே தட்டையாக, நீளமாக இருக்கிறது. பின் பக்கப் பயணி கீழே விழுந்து விடாமல் சாய்ந்து கொள்வதற்கு, பேக்ரெஸ்ட்டும் கொடுத்திருந்தார்கள். ஸ்போர்ட்ஸ் டூரரில் இரண்டு பக்கமும் பட்டன் டயர்கள் ஒரே அளவில் இருக்கின்றன, டூரரில் கறுகறுவென அலாய் வீல்கள் இருந்த நிலையில், நிச்சயம் இதில் ட்யூப்லெஸ் டயர்கள் என்பது உறுதியாகிறது.

SPY PHOTO ரகசிய கேமரா: புது புல்லட்… புது டூரர்…

ஸ்போர்ட்ஸ் டூரரில் இருந்தது மீட்டியாரில் இருக்கும் அதே 349சிசி, ஏர்–ஆயில் கூல்டு – 20.2bhp மற்றும் 2.7kgm இன்ஜின் சமாச்சாரங்களாகத்தான் இருக்கும். கியர்பாக்ஸும் அதே 5 ஸ்பீடுதான். இதன் டேங்க்கும் அதே 15 லிட்டராகத்தான் இருக்கலாம்.

வழக்கமான ஸ்போர்ட்ஸ் டூரர் பைக்கில் இருப்பதுபோல், இதன் ஹேண்ட் பார் ரிலாக்ஸ்ட்டாக ஓட்ட வடிவமைக்கப்பட்டிந்தது. இரண்டிலுமே இரண்டு பக்கங்களிலும் டிஸ்க் பிரேக்ஸ், ட்வின் ஷாக் அப்ஸார்பரும் இருந்தன.

ஹிமாலயனும் டூரரும் ஃபுல் பிளாக் தீமில், இரண்டு பக்க அலாய் வீல்களுடன் அகலமான டயர்களுடன் கெத்தாக இருந்தன.

கூடவே, புல்லட் க்ளாஸிக் 350–யும், அதே மீட்டியார் இன்ஜினோடு வரப் போகிறது என்பது தெரிந்த விஷயம்தான்! ஆக, ராயல் என்ஃபீல்டில் இருந்து நமக்குத் தெரிந்து 2 பைக்குகள் வெயிட்டிங் லிஸ்ட்டில் இருக்கின்றன.

ராயல் என்ஃபீல்டு பைக்குகளை ஸ்பை ஷாட் எடுத்த மோ.வி வாசகர் அர்ஜூனுக்கு ஓர் அற்புதமான பரிசு உண்டு.
ராயல் என்ஃபீல்டு பைக்குகளை ஸ்பை ஷாட் எடுத்த மோ.வி வாசகர் அர்ஜூனுக்கு ஓர் அற்புதமான பரிசு உண்டு.

டூரரா... புல்லட்டா… எல்லாத்துக்கும் பதில் சொல்லக் காத்திருக்கிறது ராயல் என்ஃபீல்டு.

அடையாளங்களை மறைத்து உங்கள் ஊரில் இப்படி ஏதாவது கார் அல்லது பைக் டெஸ்ட் செய்யப்படுகிறதா? அதை அப்படியே உங்கள் கேமராவில் பதிவுசெய்து எங்களுக்கு அனுப்புங்கள்! அனுப்ப வேண்டிய முகவரி:

ரகசிய கேமரா, மோட்டார் விகடன்,

757, அண்ணா சாலை, சென்னை-600002.

email: motor@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism