Published:Updated:

புது ஜிக்ஸர்… மோட்டோ ஜிபி எடிஷன்!

சுஸூகி ஜிக்ஸர் SF 250 BS-6
பிரீமியம் ஸ்டோரி
சுஸூகி ஜிக்ஸர் SF 250 BS-6

ஃபர்ஸ்ட் லுக்: சுஸூகி ஜிக்ஸர் SF 250 BS-6

புது ஜிக்ஸர்… மோட்டோ ஜிபி எடிஷன்!

ஃபர்ஸ்ட் லுக்: சுஸூகி ஜிக்ஸர் SF 250 BS-6

Published:Updated:
சுஸூகி ஜிக்ஸர் SF 250 BS-6
பிரீமியம் ஸ்டோரி
சுஸூகி ஜிக்ஸர் SF 250 BS-6

தமிழ் சினிமாவில் தேசிய விருதைப் பெற்றிருக்கும் ‘அசுரன்’ மாதிரி, பல ஆட்டோமொபைல் பத்திரிகைகளின் `Bike of the Year’ விருதைப் பெற்றிருக்கும் 250சிசி செக்மென்ட்டின் அசுரன்தான் சுஸூகி ஜிக்ஸர் SF 250. BS-6 அவதாரத்துக்காக புது ECU-வையும் புது எக்ஸாஸ்ட்டையும் சேர்த்திருக்கும் சுஸூகி ஜிக்ஸர் 250–ல் வேறு என்னென்ன மாற்றங்களைக் கொண்டு வந்திருக்கு?

100th Anniversary மற்றும் Moto GP எடிஷனின்
100th Anniversary மற்றும் Moto GP எடிஷனின்
249 சிசி | 26.5 bhp | 2.2 kgm
249 சிசி | 26.5 bhp | 2.2 kgm


பாடி வேலைப்பாடுகளில் பெரிதாக மாறவில்லை ஜிக்ஸர் SF 250. ஆனால், இதன் 100th Anniversary மற்றும் Moto GP எடிஷனின் நீலம் மற்றும் கிரே நிற பெயின்ட்டிங், ரேஸ் ட்ராக்கில் விரட்ட வேண்டும்போல் ஆசையாய் இருக்கிறது. ரொம்ப அடிக்கிறது மாதிரி இருக்கே’ என்பவர்களுக்கு, கறுப்பு நிற தீமும் ஆப்ஷனில் உண்டு.

பெரிய மாற்றம் என்றால், இன்ஜினில்தான். இன்ஜின் மாறவில்லை; அதிலுள்ள பவர் டெலிவரி, டார்க், ரெவ் ரேஞ்ச் போன்றவற்றில் சின்னச் சின்ன மாற்றங்கள். அதே 249 சிசி சிங்கிள் சிலிண்டர், இன்ஜின். ஆயில் கூல்டுக்காக சுஸுகிக்கு ஒரு ஷொட்டு! 9,300rpm-ல் 26.5bhp பவரையும், 2.2kgm டார்க்கை 7,300rpm-ல் வெளியிடுகிறது. பழைய ஜிக்ஸரை ஒப்பிடும்போது, பவர் கிட்டத்தட்ட அதேதான். ஆனால், இதன் Rev Range-ல் 300rpm அதிகமாகி இருக்கிறது. அதனால், இதன் பெர்ஃபாமன்ஸில் பெரிய அடி விழாமல் பார்த்துக் கொள்கிறது.

9.06 விநாடிகளில் 100–ஐ தொட்டுவிடுகிறது
9.06 விநாடிகளில் 100–ஐ தொட்டுவிடுகிறது


டார்க் கொஞ்சம் குறைந்திருக்கிறது. ரொம்ப இல்லை; வெறும் 0.4kgmதான். ஆனால், பிக்–அப் குறையக் கூடாது என்பதற்காக, அதிலும் ஒரு வேலை செய்திருக்கிறது சுஸூகி. அதாவது, 200rpm முன்னதாகவே இந்த டார்க் கிடைத்து விடுகிறது. அதனால், பிக்–அப்பில் பெரிதாக டிராப் இல்லை. ஆனால், இதன் 0–60 கிமீ–ல் கொஞ்சம் பின்தங்கியிருக்கிறது புது ஜிக்ஸர். 3.74 விநாடிகளில் கடக்கிறது. இது பழைய BS-4 ஜிக்ஸரை ஒப்பிடும்போது, லேசாக வேகம் குறைவுதான். இதுவே 0–100 கிமீ–ல் விட்டதைப் பிடித்து விடுகிறது ஜிக்ஸர் SF 250. பழைய ஜிக்ஸர் 9.24 விநாடிகள் என்றால், புதுசு 9.06–ல் 100–ஐ தொட்டுவிடுகிறது.

சுஸூகியின் இன்ஜின் ரிஃபைன்மென்ட் எப்போதுமே அற்புதமாகத்தான் இருக்கும். ஜிக்ஸரிலும் அப்படித்தான். இதன் மிட்ரேஞ்ச், ஓட்ட ஓட்ட ஆசையாக இருக்கிறது. இதன் ஸ்மூத்தான 6 ஸ்பீடு கியர்பாக்ஸும் இதற்குக் காரணம். ஆனால், திணறலான கியரிங்கைத் தவிர்க்க, ரைடிங் பார்ட்டிகள் ஸ்லிப்பர் க்ளட்ச்சை இத்தனை பெரிய ஜிக்ஸரில் எதிர்பார்ப்பார்களே?

இந்த இன்ஜின் ரிஃபைன்மென்ட்டால், மைலேஜிலும் லேசாக முன்னேற்றம் இருக்கிறது. நகரத்துக்குள் இதன் மைலேஜ் 33.2Kmpl. நெடுஞ்சாலையில் 38.5 கிமீ என்பது சூப்பர். பழசைவிட 1 - 2 கிமீ அதிகம்.

ABS
ABS
ஜிக்ஸர் SF 250
ஜிக்ஸர் SF 250


நீட்டான இன்ஜின், அற்புதமான பெயின்ட்டிங் ஒர்க் – இவற்றைத் தவிர ஜிக்ஸர் SF 250–ல் பெரிதாக மாற்றங்கள் இல்லை. ஸ்போர்ட்டியான சேஸி செட்–அப்பும், அற்புதமான ஓட்டுதல் தரமும் ஜிக்ஸரில் அற்புதமாக இருந்தாலும், இதன் பின் பக்க ஸ்டிஃப்பான சஸ்பென்ஷன், சில உடைந்த சாலைகளில் மட்டும் இறுக்கமான ஓட்டுதலைத் தருகிறது. ஆனால், சட் சட் என வளைத்துத் திருப்பி ஓட்ட, ஜிக்ஸர் ஹேண்ட்லிங்கில் பக்கா! பிரேக்ஸும்தான். வசதிகளில் மட்டும் புளூடூத் இருந்திருக்கலாம் என்று தோன்றுகிறது.

இதன் எக்ஸ் ஷோரூம் விலை 1.76 லட்சம். BS-4 மாடலைவிட சுமார் 3,000 ரூபாய் அதிகம். மோட்டோ ஜிபி எடிஷன் என்றால், எக்ஸ்ட்ரா 900 ரூபாய் அதிகம். எனக்குத் தெரிந்து அவார்டு வின்னிங்குக்கு ஜிக்ஸர் சரியான பைக்தான்!

எக்ஸ் ஷோரூம் விலை 1.76 லட்சம்
எக்ஸ் ஷோரூம் விலை 1.76 லட்சம்
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism