Published:Updated:

இந்தியாவின் டாப் 10 மைலேஜ் டூ-வீலர்ஸ்

இந்த இன்ஜின் அதிகபட்சம் 8.1bhp பவரும், 0.87kgm டார்க்கும் தரக்கூடியது.

பிரீமியம் ஸ்டோரி
கொரோனா லாக்டௌனுக்குப் பிறகு, ஒவ்வொரு ரூபாயையும் எண்ணிப் பார்த்துச் செலவு செய்ய வேண்டிய கட்டாயத்துக்கு வந்துவிட்டோம். இந்தக் கொரோனா பாதிப்பு முழுவதுமாகக் குறையும்வரை பொதுப் போக்குவரத்து என்பது சிக்கலாகவே இருக்கப் போகிறது.

அதனால், நம் பாக்கெட்டுக்கு வேட்டு வைக்காத நல்ல மைலேஜ் டூ-வீலர் வாங்க வேண்டும் என்று நினைப்பவர்களுக்கு, இந்தியாவின் டாப் மைலேஜ் டூ-வீலர் பட்டியல் இதோ.

இந்தியாவின் டாப் 10 மைலேஜ் டூ-வீலர்ஸ்

(குறிப்பு: அராய் டெஸ்ட், WMTC மற்றும் எங்கள் டெஸ்ட் ரைடு அனுபவங்களை வைத்தே பைக்குகளைத் தொகுத்திருக்கிறோம். ‘உங்க ஊர்க்காரனுக்கு மட்டும் எப்படி இவ்வளவு மைலேஜ் கொடுக்கும்’ என வடிவேல் காமெடியில் வருவதைப்போல வம்படியாக வந்து கலவரம் செய்ய வேண்டாம். ஒவ்வொருவரின் ரைடிங், சாலை, டிராஃபிக் என அனைத்து விஷயங்களையும் பொருத்து மைலேஜ் மாறுபடும்.)

பஜாஜ் CT110
பஜாஜ் CT110

பஜாஜ் CT110

ற்போது இந்தியாவிலேயே அதிக மைலேஜ் தரும் வாகனம் பஜாஜின் CT110. இது 8.6bhp பவரும், 0.98kgm டார்க்கும் தரக்கூடியது. 115.45cc BS6 இன்ஜின் 104 கி.மீ மைலேஜ் தரும் என அராய் டெஸ்ட்டில் கூறப்பட்டுள்ளது. நிஜ ரைடிங்கில் இந்த பைக் 75 முதல் 85 கி.மீ வரை மைலேஜ் தரும். 10.5 லிட்டர் பெட்ரோல் டேங்க் இருப்பதால், 500 ரூபாய்க்கு பெட்ரோல் போட்டால் சுமார் 450 கி.மீ வரை நிச்சயமாக பெட்ரோல் போடத் தேவையில்லை.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

டிவிஎஸ் ஸ்போர்ட்
டிவிஎஸ் ஸ்போர்ட்

டிவிஎஸ் ஸ்போர்ட்

லெக்ட்ரானிக் Fi தொழில்நுட்பத்துடன் வரும் டிவிஎஸ் ஸ்போர்ட், மைலேஜ் விஷயத்தில் Asia Book of Records-ல் இடம் பிடித்திருக்கிறது. முன்பு 100cc இன்ஜின் உடன் ,வந்துகொண்டிருந்த டிவிஎஸ் ஸ்போர்ட் BS6 ஆக இப்போது 110cc இன்ஜினோடு வருகிறது. ஆனால், மைலேஜ் குறையவில்லை. அராய் டெஸ்ட்டில் BS4 மாடல் 95 கி.மீ மைலேஜ் கொடுக்கும் என்று சொல்லப்பட்டாலும், ரெக்கார்டு செய்யும்போது 75 கி.மீ மைலேஜ் கொடுத்தது. தற்போது BS6 மாடல் FI தொழில்நுட்பத்துடன் வருவதால், அதைவிட 15 சதவிகிதம் அதிக மைலேஜ் கொடுக்கும் என்றே கூறுகிறார்கள். தோராயமாக 70 முதல் 75 கி.மீ மைலேஜ் நிச்சயம் எதிர்பார்க்கலாம். இந்த இன்ஜின் அதிகபட்சம் 8.1bhp பவரும், 0.87kgm டார்க்கும் தரக்கூடியது.

ஹீரோ ஸ்ப்ளெண்டர் ப்ளஸ்
ஹீரோ ஸ்ப்ளெண்டர் ப்ளஸ்

ஹீரோ ஸ்ப்ளெண்டர் ப்ளஸ்

ந்தியாவின் விருப்பமான கம்யூட்டர் என்று பட்டப்பெயர் வைக்கும் அளவுக்கு, ஸ்ப்ளெண்டருக்கு அவ்வளவு ரசிகர்கள். விற்பனை என்று வந்தால் ஸ்ப்ளெண்டர் என்ற ஒரு மாடலை வைத்துக்கொண்டு, பழைய பார்ட்னர் ஹோண்டாவுடன் மல்லுக்கு நிற்கிறது ஹீரோ. 8.01bhp பவர் தரக்கூடிய ஸ்ப்ளெண்டர் ப்ளஸ்ஸின் BS-6 இன்ஜின், லிட்டருக்கு 80.6 கி.மீ மைலேஜ் தரும் என்று டெஸ்ட் செய்யப்பட்டுள்ளது. Fi மற்றும் i3s தொழில்நுட்பம் இரண்டுமே இருப்பதால், ரியல் டைம் ரைடிங்கை எடுத்துக்கொண்டால்... தோராயமாக 65 முதல் 70 கி.மீ மைலேஜ் கிடைக்கும்.

டிவிஎஸ் ரேடியான்
டிவிஎஸ் ரேடியான்

டிவிஎஸ் ரேடியான்

ற்கெனவே ஸ்போர்ட், சிட்டி என்று இரண்டு மைலேஜ் கம்யூட்டர்கள் இருந்தாலும், புதிதாக ஒரு 110cc இன்ஜினுடன் கடந்த ஆண்டு இந்தப் பைக்கை விற்பனைக்குக் கொண்டுவந்தது டிவிஎஸ். 8.08bhp பவர் மற்றும் 0.87kgm டார்க் உருவாக்கும் ரேடியான் BS4, வெர்ஷனாக இருக்கும்போதே WMTC டெஸ்ட்டின்படி 69.3 லிட்டர் மைலேஜ் தந்தது. அராய் போல பைக்கை லேபில் வைத்து டெஸ்ட் செய்யாமல், நிஜ சாலைகளில் பயன்படுத்திச் சோதிக்கப்படுவதால், இதன் துல்லியம் அதிகம். BS6 இன்ஜினில் மைலேஜ் இன்னும் 15 சதவிகிதம் உயர்ந்திருப்பதாக உறுதியளிக்கிறது டிவிஎஸ். ரேடியான் பயன்படுத்தினால் லிட்டருக்கு 65 கி.மீ. கிடைக்கும்.

ஹோண்டா ஆக்டிவா 6G
ஹோண்டா ஆக்டிவா 6G

ஹோண்டா ஆக்டிவா 6G

க்டிவாவின் மைலேஜ் அதிகம் இல்லை. ஆனால், சீரானது. புது ஆக்டிவா, 5 ஆண்டு பழைய ஆக்டிவா - இரண்டையும் ஒப்பிட்டால் பல விஷயங்கள் மாறியிருக்கும். ஆனால், மைலேஜில் பெரிய வித்தியாசம் இருக்காது. ஆக்டிவா 5G மாடலின் அராய் மைலேஜ் 66 கி.மீ. புதிதாக வந்த BS6 6G அதைவிட 10 சதவிகிதம் அதிக மைலேஜ் தருகிறது. வழக்கமான ரைடிங்கில் தோராயமாக 45 முதல் 50 கி.மீ மைலேஜ் கிடைக்கும். நீங்கள் பல ஆண்டுகள் ஒரே ஸ்கூட்டரை பயன்படுத்துபவர் என்றால், சரியாகப் பராமரிக்கும் பட்சத்தில் இந்த 45 முதல் 50 கி.மீ உங்களுக்கு எப்போதுமே கிடைக்கும்.

ஹீரோ ப்ளஷர் ப்ளஸ்
ஹீரோ ப்ளஷர் ப்ளஸ்

ஹீரோ ப்ளஷர் ப்ளஸ்

ப்ரியங்கா சோப்ராவில் இருந்து ஆலியா பட்டுக்குத் தலைமுறை மாறிவிட்டது. ஆனால், ப்ளஷர் இன்னும் மாறவில்லை. அதன் மைலேஜும் மாறவில்லை. ஹீரோ ப்ளஷர் ப்ளஸ் BS-4 ஆக விற்பனைக்கு வந்தபோது, மைலேஜ் 69 கி.மீ. BS-6 வெர்ஷனில் அதே 110.9 சிசி இன்ஜின்தான் என்பதுடன், அது வெளிப்படுத்தும் 8bhp பவர் மற்றும் 0.87kgm டார்க்கிலும் எந்த மாறுதலும் இல்லை. ஆனால் FI மற்றும் பல சென்சார்கள் பயன்படுத்தப் பட்டிருப்பதால், 10% அதிக மைலேஜ் மற்றும் ஆக்ஸிலரேஷன் கிடைக்கும் என ஹீரோ தெரிவித்துள்ளது. ஹீரோ தனது ப்ளஷர் ப்ளஸ் மாடலின் மைலேஜ் என்ன என்பதை இதுவரை கூறவில்லை. ஆனால், ஓனர்களிடம் கருத்துக் கேட்டபோது, கிட்டத்தட்ட 40 முதல் 45 லிட்டருக்குள் தருவதாகக் கூறுகிறார்கள்.

இந்தியாவின் டாப் 10 மைலேஜ் டூ-வீலர்ஸ்

டிவிஎஸ் ஜூபிட்டர்

க்டிவாவுக்கு அடுத்தபடியாக, இந்தியாவில் அதிகம் விற்பனையாகும் ஸ்கூட்டர் ஜூபிட்டர். ஜூபிட்டரின் BS6 மாடல் Eco Thrust - Fuel Injection என்ற தொழில்நுட்பத்தோடு வருகிறது. இது BS-4 மாடல்களில் இருந்த CVT-i கார்புரேட்டட் இன்ஜினைவிட, 15% அதிக மைலேஜைத் தரக்கூடியவை. 62 கி.மீ என்பது BS4 மாடலின் அராய் மைலேஜ். சாலையில் டெஸ்ட் செய்து கிடைத்த மைலேஜ் என்பது 44 கி.மீ. தற்போது 10 சதவிகிதம் அதிகம் எனும்போது, தோராயமாக 45 கி.மீ மைலேஜ் எதிர்பார்க்கலாம்.

இந்தியாவின் டாப் 10 மைலேஜ் டூ-வீலர்ஸ்

ஹோண்டா SP125

ப்பான் தயாரிப்பாளர்களுக்கு, 150cc பெயர் வாங்கிக் கொடுத்த அளவுக்கு 125cc இன்ஜின்கள் வெற்றியாக இல்லை. இந்தக் கூற்றில் இருந்து வேறுபட்ட ஒரே டூ-வீலர் ஹோண்டா ஷைன் SP. இன்றளவும் 125சிசி பைக்குகளில் அதிகம் விற்பனையாகும் பைக் இதுதான். ஸ்டைல், இன்ஜின், நம்பகத்தன்மை என்பதை எல்லாம் கடந்து, ஹோண்டா ஷைன் பைக்கை மைலேஜூக்காக வாங்குபவர்கள்தான் அதிகம். பழைய ஷைன் SP 125 லிட்டருக்கு 60 கி.மீ வரை மைலேஜ் தரக்கூடியது. புதிய BS6 மாடல் அதைவிட 16 சதவிகிதம் அதிகம் மைலேஜ் தரும் என்று நம்பிக்கையாகச் சொல்கிறார்கள் ஹோண்டா நிறுவனத்தினர். குறைந்தபட்சம் 55 கி.மீ மைலேஜ் எதிர்பார்க்கலாம்.

இந்தியாவின் டாப் 10 மைலேஜ் டூ-வீலர்ஸ்

சுஸூகி ஆக்ஸஸ் 125

வ்வளவு பிரச்னை இருந்தாலும், ஒவ்வொரு மாதமும் விற்பனையில் பாசிட்டிவ் வளர்ச்சியைக் காட்டும் ஒரே ஸ்கூட்டர் ஆக்ஸஸ். சுஸூகி ஆக்ஸஸின் BS-6 இன்ஜின் 8.7bhp பவரும், 1kgm டார்க்கும் தரக்கூடியது. BS-4 மற்றும் BS-6 இன்ஜின்களுக்கு இடையே மைலேஜ் விஷயத்தில் பெரிய மாற்றம் இல்லை. பழைய இன்ஜின் அராய் டெஸ்ட் படி 64 கி.மீ மைலேஜ் தரக்கூடியது. ரைடிங்கில் ஓனர்கள் சொன்னது 45 கி.மீ மைலேஜ். BS-6 ஸ்கூட்டர் வாங்கியவர்களிடம் விசாரித்தபோதும் 40 முதல் 45 கி.மீ மைலேஜ் தருவதாகவே கூறினார்கள். சீரான மைலேஜ் என்பது ஆக்ஸஸில் குறைவுதான். ஆனால், நல்ல மைலேஜ் உண்டு.

இந்தியாவின் டாப் 10 மைலேஜ் டூ-வீலர்ஸ்

யமஹா ஃபஸினோ 125

மஹா இனி 125cc பைக்கே கொண்டு வரப் போவதில்லை என்று சொல்லிவிட்டது. அதற்குப் பதிலாக நல்ல பவர், திறன், குறைவான எடை என ஆண் - பெண் எல்லோருக்கும் செட் ஆகும்படியாக ஒரு ஸ்கூட்டரைக் கொண்டு வந்துவிட்டது. 8.2bhp பவர் தரும் ஃபஸினோ 125 ஸ்கூட்டரின் எடை வெறும் 99 கிலோதான். மைலேஜ் விஷயத்தில் WMTC டெஸ்ட் படி லிட்டருக்கு 58 கி.மீ மைலேஜ் தருவதாக யமஹா சொல்கிறது. இதனால், கரடுமுரடான ரைடிங்கில்கூட 50 கி.மீ மைலேஜ் கிடைக்கும் என்று சொல்ல முடியும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு