Published:Updated:

டிவிஎஸ்-க்கு வெளிநாட்டுத் தலைவர்! - பன்னாட்டு கம்பெனியாகிறது நம்ம ஊர் டிவிஎஸ்

டிவிஎஸ் கம்பெனி
பிரீமியம் ஸ்டோரி
டிவிஎஸ் கம்பெனி

விஎஸ் மோட்டார்ஸ் நிறுவனத்துக்கு ஒரு பன்னாட்டு அடையாளத்தைக் கொடுப்பதற்கும், புது ரத்தத்தையும் பாய்ச்சுவதற்கு நிர்வாகத்திலேயே பல மாற்றங்கள் நடந்தேறி இருக்கின்றன.

டிவிஎஸ்-க்கு வெளிநாட்டுத் தலைவர்! - பன்னாட்டு கம்பெனியாகிறது நம்ம ஊர் டிவிஎஸ்

விஎஸ் மோட்டார்ஸ் நிறுவனத்துக்கு ஒரு பன்னாட்டு அடையாளத்தைக் கொடுப்பதற்கும், புது ரத்தத்தையும் பாய்ச்சுவதற்கு நிர்வாகத்திலேயே பல மாற்றங்கள் நடந்தேறி இருக்கின்றன.

Published:Updated:
டிவிஎஸ் கம்பெனி
பிரீமியம் ஸ்டோரி
டிவிஎஸ் கம்பெனி

வேணு ஸ்ரீனிவாசனால் ஆரம்பிக்கப்பட்ட டிவிஎஸ் மோட்டார்ஸ் நிறுவனத்தின் தற்போதைய M-Cap எனப்படும் மார்க்கெட் கேப்பிட்டலைசேஷன் பல்லாயிரம் கோடி. தமிழ்நாட்டில் தோன்றி, நாடு முழுதும் பரந்துவிரிந்து கிளைவிட்ட இந்நிறுவனம், இப்போது பன்னாட்டு நிறுவனமாக மாறிக்கொண்டிருக்கிறது. உலக அளவில் பைக் மற்று இருசக்கர வாகன தொழிலில் தாக்கத்தை ஏற்படுத்த வேண்டும் என்ற தொலைநோக்குத் திட்டத்தோடு, அது கடந்த பல ஆண்டுகளாக சிறுகச் சிறுகப் பல திட்டங்களை நிறைவேற்றி வருகிறது.

டிவிஎஸ்-க்கு வெளிநாட்டுத் தலைவர்! - பன்னாட்டு கம்பெனியாகிறது நம்ம ஊர் டிவிஎஸ்

இந்த நிலையில், டிவிஎஸ் மோட்டார்ஸ் நிறுவனத்துக்கு ஒரு பன்னாட்டு அடையாளத்தைக் கொடுப்பதற்கும், புது ரத்தத்தையும் பாய்ச்சுவதற்கு நிர்வாகத்திலேயே பல மாற்றங்கள் நடந்தேறி இருக்கின்றன. வேணு ஸ்ரீனிவாசன் அலங்கரித்துவரும் டிவிஎஸ் மோட்டார்ஸின் சேர்மன், அதாவது தலைவர் பதவிக்கு வெளிநாட்டவரான ரால்ஃப் ஸ்பெத் (Ralf Speth) நியமிக்கப்பட இருக்கிறார். இவர் ஜாகுவார் லேண்ட்ரோவரின் முன்னாள் CEO. இந்தப் பதவி மாற்றம் 2023–ல் இருந்துதான் வர இருக்கிறது என்றாலும் டிவிஎஸ் மோட்டார்ஸின் இயக்குனர்களின் ஒருவராக இவர் பதவியேற்றுவிட்டார். உலகளவில் டூ–வீலர் மற்றும் 3–வீலர் தயாரிப்பு நிறுவனங்களில் டாப்–5–ல் இருக்கும் டிவிஎஸ் நிறுவனத்துக்கு இது எந்த வகையில் உதவும்?

வேணு ஸ்ரீனிவாசன்
வேணு ஸ்ரீனிவாசன்

இந்திய அளவில் முக்கியமான டூ–வீலர் தயாரிப்பு நிறுவனமாக இருந்தாலும், உலக அளவில் தனது எல்லையை விரிவாக்க எண்ணுகிறது டிவிஎஸ். அதற்காகவே, பிரிட்டனைச் சேர்ந்த ‘நார்ட்டன்’ எனும் க்ளாஸிக் பைக் நிறுவனத்தை பல மில்லியன் டாலர்கள் கொடுத்து வாங்கியது. உலகளவில் முன்னணித் தயாரிப்பாளராக இருந்தாலும், முக்கியமாக ஐரோப்பா மற்றும் வடஅமெரிக்கா போன்ற நாடுகளில் இன்னும் தனது எல்லையை விரிவாக்க வேண்டும்; இந்த ஆண்டில் 20% விற்பனையை மேம்படுத்த வேண்டும்; இன்னும் 5 ஆண்டுகளில் 50% விற்பனை குளோபல் மார்க்கெட்டின் மூலம் வர வேண்டும் என்பது டிவிஎஸ்–ன் திட்டம்.

ரால்ஃப் ஸ்பெத்
ரால்ஃப் ஸ்பெத்

‘‘டிவிஎஸ் நிறுவனத்தை இன்னும் வேகமாகவும், விவேகமாகவும் உலகத்தரத்துக்குக் கொண்டு போக எங்களுக்கு இந்த மாற்றம் தேவைப்படுகிறது. ரால்ஃப் ஸ்பெத்துக்கு, குளோபல் ஆட்டோமேட்டிவில் ஆழ்ந்த ஞானம் உண்டு. எனக்குத் தெரிந்த ஒரு அவுட்ஸ்டாண்டிங் இன்ஜீனியர்களில் ஒருவர் ஸ்பெத். நிச்சயம் டிவிஎஸ்–க்கு ஒரு சிறந்த மென்ட்டர் ஆக இருப்பார் என்று நம்புகிறேன்.’’ என்கிறார் வேணு ஸ்ரீனிவாசன்.

ஜெர்மனி நாட்டைச் சேர்ந்த ரால்ஃப் ஸ்பெத், 1980–ல் தனது ஆட்டோமொபைல் கரியரை பிஎம்டபிள்யூவில் ஆரம்பித்தார். 20 ஆண்டுகள் பிஎம்டபிள்யூவில் பணி; பிறகு ப்ரீமியர் ஆட்டோமோட்டிவ் குரூப்பில் பணியாற்றினார். டாடா அண்ட் சன்ஸ் குழுமத்திலும் Non Executive Director ஆகவும் பணிபுரிந்தார். இருந்தாலும், ஜாகுவார் லேண்ட்ரோவர் நிறுவனத்தின் CEO ஆகத்தான் ஸ்பெத், உலகளவில் பிரபலமானார்.

டிவிஎஸ்-க்கு வெளிநாட்டுத் தலைவர்! - பன்னாட்டு கம்பெனியாகிறது நம்ம ஊர் டிவிஎஸ்

தமிழ்நாட்டு நிறுவனமான டிவிஎஸ், பூலோக எல்லைகளைத் தாண்டி பன்னாட்டு நிறுவனமாக தலை நிமிர்ந்து நிற்க சிங்கப்பூர் நாட்டின் Kuok Meng Xiong என்பவரையும் அழைத்து வந்திருக்கிறது. நட்சத்திர ஓட்டல்கள் துவங்கி, வென்ச்சர் கேப்பிட்டல்வரை பல நிறுவனங்களை உருவாக்கிய பெருமை இவருக்கு உண்டு.

புதியவர்களின் துணைகொண்டு டிவிஎஸ் விண் நோக்கி எழும்ப எத்தனித்துக் கொண்டிருக்கிறது. வாழ்த்துகள். டிவிஎஸ்–க்கு வெளிநாட்டுத் தலைவர்!பன்னாட்டு கம்பெனியாகிறதுநம்ம ஊர் டிவிஎஸ் வேணு ஸ்ரீனிவாசன்ரால்ஃப் ஸ்பெத்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism