Published:Updated:

யமஹா பைக் இருந்தால் நீங்களும் ரேஸ் ட்ராக்கில் ஓட்டலாம்!

யமஹா ட்ராக் ரைடு
பிரீமியம் ஸ்டோரி
யமஹா ட்ராக் ரைடு

அனுபவம்: யமஹா ட்ராக் ரைடு

யமஹா பைக் இருந்தால் நீங்களும் ரேஸ் ட்ராக்கில் ஓட்டலாம்!

அனுபவம்: யமஹா ட்ராக் ரைடு

Published:Updated:
யமஹா ட்ராக் ரைடு
பிரீமியம் ஸ்டோரி
யமஹா ட்ராக் ரைடு

உங்களிடம் ரேஸ் பைக்கே இருந்தாலும், ரோட்டில்தான் உங்களால் பைக்கை ஓட்ட முடியும். ரேஸ் ட்ராக்கில் பைக் ஓட்டுவதற்கெல்லாம் கொடுத்து வைத்திருக்க வேண்டும். ரேஸர்களைக் கேட்டால் அது எத்தனை சுகமான விஷயம் என்பது தெரியும். அதேபோல், ‘பைக் வைத்திருப்பவர்களெல்லாம் ரேஸ் ட்ராக்கில் ஓட்ட முடியாது; பைக் ஓட்டுபவர்களெல்லாம் ரேஸர்கள் ஆகிவிட முடியாது’ – மார்ச் மாதம் இதைப் பொய்யாக்கியது யமஹா.

“நீங்க யமஹா YZF-R3, YZF-R15, MT-15, FZ சீரிஸ் மற்றும் AEROX 155 வாங்கிய யமஹா வாடிக்கையாளரா? இது உங்களுக்கான வாய்ப்பு! உங்க பைக்கை எடுத்துக்கிட்டு வாங்க! ட்ராக்கில் உங்க பைக்கை ஓட்டிப் பாருங்க” என்று யமஹா வாடிக்கையாளர்களுக்கு, ரேஸ் ட்ராக்கில் பைக் ஓட்டும் ஓர் அற்புதமான வாய்ப்பை வழங்கியது யமஹா.

யமஹா பைக் இருந்தால் நீங்களும் ரேஸ் ட்ராக்கில் ஓட்டலாம்!

விஷயம் தெரிந்ததும், கடகடவென முன்பதிவு செய்ய ஆரம்பித்துவிட்டார்கள் யமஹா ரசிகர்கள். ‘வாடிக்கையாளர்கள் வரும்போது, நீங்க இல்லாமல் ரேஸ் ட்ராக் அனுபவமா… நீங்களும் வாங்களேன்’ என்று மோட்டார் விகடனையும் கூடவே அன்போடு அழைத்திருந்தது யமஹா!

மார்ச் 13–ம் தேதி, சென்னையில் உள்ள மெட்ராஸ் மோட்டார் ரேஸ் ட்ராக்கில்தான் தனது வாடிக்கையாளர்களுக்காக ‘தி கால் ஆஃப் தி ப்ளூ’ என்கிற அந்த ட்ராக் டே எக்ஸ்பீரியன்ஸை ஏற்பாடு செய்திருந்தது யமஹா. 2,000 ரூபாய் செலுத்தி, முன்பதிவு செய்து, உங்கள் சொந்த யமஹா பைக்கை எடுத்துக்கொண்டு ரேஸ் ட்ராக்கில் ஓட்டிப் பார்க்கலாம். அன்று காலை ரேஸ் ட்ராக்கில் சுமார் 500-க்கும் மேற்பட்ட யமஹா ரசிகர்கள் கலந்து கொண்டனர். இதில் சுமார் 200–க்கும் மேற்பட்ட யமஹா பைக்குகளின் எக்ஸாஸ்ட்களின் உறுமல் சத்தம் கேட்டது.

ரேஸ் டிராக்கில் பைக் ஓட்ட – ஃபுல் ரைடிங் கியர்ஸ், ஹெல்மெட், பூட், க்ளோவ்ஸ் ஆகிய அனைத்தும் யமஹாவின் பொறுப்பு. உங்கள் பைக்கை மட்டும் எடுத்துக்கொண்டு வந்தால் போதும். எனக்கு யமஹா R15M பைக்கின் சாவியைக் கொடுத்தது யமஹா.

யமஹா பைக் இருந்தால் நீங்களும் ரேஸ் ட்ராக்கில் ஓட்டலாம்!

முதலில் 20 நிமிடம் ‘briefing’ வகுப்பு. ரேஸ் டிராக்கில் பைக் ஓட்ட பல விதிமுறைகள் இருக்கின்றன. முறையாக ட்ராக்கில் பைக்கை இயக்குவது, கட்டுப்படுத்துவது, பாதுகாப்பு விதிமுறைகள், ரேஸ் கொடிகளின் அர்த்தங்கள், ரைடிங் கியர்ஸின் முக்கியத்துவம் குறித்து விளக்கம் அளித்தார்கள். முதல் விமானப் பயணம் மேற்கொள்பவர்கள், விமானப் பணிப் பெண்கள் பாதுகாப்பு விதிமுறைகள் குறித்து விளக்குவதை ஆர்வமாகக் கேட்பார்களே… அதுபோன்றதொரு சிச்சுவேஷன்! பலர் குறிப்பெல்லாம் எடுத்துக் கொண்டார்கள். ‘ரேஸ் பைக்குகளில் மிரர் இருக்காது; ஓவர்டேக் எப்படிப் பண்றது’ … ‘பிட் ஸ்டாப் என்றால் என்ன’ என்று புது ரைடர்கள் சிலர் ஆர்வமாக சந்தேகம் கேட்டுக் கொண்டிருந்தனர். நான் அடிக்கடி விமானப் பயணம் செய்பவன் (!). அட, ரேஸ் ட்ராக்கைச் சொல்றேன் பாஸ்! இந்த யமஹா ஆர்15 பைக்கையே சில தடவை ரேஸ் ட்ராக்கில் ஓட்டிய அனுபவம் எனக்கு உண்டு. மனதுக்குள், ரேஸ் ட்ராக்கில் R15M பைக்கை அடுத்த முறையாக விரட்டப்போவதை நினைத்து உற்சாகமாக இருந்தது. ‘எப்படியும் இந்த தடவை 150 கிமீ டச் பண்ணிடணும்’ என்று நினைத்துக் கொண்டேன்.

கவச உடைகளான ஃபுல்சூட் லெதர் ஜாக்கெட், ட்ராக் பூட்ஸ், க்ளோவ்ஸ் மற்றும் ஹெல்மெட் அணிந்த பின்பு மட்டுமே ட்ராக்கில் பைக் ஓட்ட அனுமதிக்கப்பட்டது. இதில் வயது வரம்பின்றி 18 வயது முதல் 34 வயதினர் வரை ஆண், பெண் என கலந்துகட்டி ஆர்வத்தோடு கலந்து கொண்டனர். ஒவ்வொருவருக்கும் 8 லேப்கள் ஓட்ட அனுமதி கொடுத்திருந்தார்கள்.

யமஹா பைக் இருந்தால் நீங்களும் ரேஸ் ட்ராக்கில் ஓட்டலாம்!

யமஹா R15M ட்ராக் பெர்ஃபாமன்ஸ் மிக அருமையாக இருந்தது. ரேஸிங் ஏரோடைனமிக்ஸ், ஸ்லிப்பர் க்ளட்ச் என எக்ஸ்ட்ரா அம்சங்கள்… நெடுஞ்சாலை யிலேயே பறக்கலாம். ட்ராக்கில் சொல்லவா வேண்டும்! எனக்கு ஒரே ஒரு குறை – 8 லேப்கள்தானா! என்னைப் போன்றே பல வாடிக்கையாளர்கள் ‘உச்’ கொட்டுவதைப் பார்த்தேன். இன்னும் பல லேப்கள் ஓட்டிக்கொண்டே இருக்கலாமா என்று தோன்றியது. தனது தலைவர் படத்தை FDFS (First Day First Show) பார்த்துவிட்டு உற்சாகமாக வருவார்களே… அதுபோன்ற தொரு ஆனந்தம் அனைவரிடமும். FDFTD (First Day First Track Ride) செய்தவர்களிடம் விசாரித்தேன்.

‘‘8 லேப் பத்தலை சார்… ஒரு 10–ஆவது கொடுத்திருக்கலாம்!’’

‘‘ட்ராக்கில் ஓட்டுறது இவ்வளவு சுகமாவா இருக்கும்!’’

‘‘ஏதோ ரோலர் கோஸ்டர்ல போற மாதிரி இருக்குங்க!’’

‘‘நான் ஆர்15 வெச்சிருக்கேன். என் பைக் இவ்வளவு டாப் ஸ்பீடு போகணும்னு இன்னைக்குத்தான் தெரிஞ்சுக்கிட்டேன்!’’

‘‘கார்னரிங்ல போகும்போதுதான் த்ரில்லிங்கா இருந்துச்சு! அப்போ ரேஸ் ஓட்டுறது இவ்வளவு கஷ்டமா!’’

என்று வெள்ளந்தியாகச் சொன்னார்கள் பல ஃபர்ஸ்ட் டே ட்ராக் ரைடர்கள்.

யமஹா பைக் இருந்தால் நீங்களும் ரேஸ் ட்ராக்கில் ஓட்டலாம்!

பங்குபெற்ற அனைவருக்கும் யமஹாவின் சார்பாக உடனடிப் புகைப்படம், டீ ஷர்ட், கீ செயின் போன்ற நினைவுப் பரிசு மற்றும் உணவுக் கூப்பன்கள் வழங்கப்பட்டன. யமஹாவின் ‘கால் ஆஃப் தி புளூ’ – பெயருக்கு ஏற்ப திரும்பிய இடமெல்லாம் நீல வண்ணங்கள் கண்களுக்குக் குளிர்ச்சியாய் அமைந்தன.

மீண்டும் ‘தி கால் ஆஃப் தி புளூ’ எப்போ வரும் என்றார் ஒரு வாடிக்கையாளர். உங்களுக்கும் உங்க பைக்கை ரேஸ் டிராக்கில் ஓட்ட ஆசை இருந்தா, அடுத்த முறை இந்த வாய்ப்பை மிஸ் பண்ணிடாதீங்க யமஹா மக்களே! நானும் அந்த வாய்ப்பை மிஸ் பண்ணவில்லை! ஆம், ஆர்15–ல் நான் நினைத்தபடியே 150 கிமீ வேகத்தை டச் பண்ணியது… எனக்கும் கொஞ்சம் ஆத்ம திருப்தி! தேங்க்ஸ் யமஹா!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism