Published:Updated:

ஒரு கோடிக்கு ஒரு சொகுசு எஸ்யூவி!

மெர்சிடீஸ் பென்ஸ் GLS
பிரீமியம் ஸ்டோரி
News
மெர்சிடீஸ் பென்ஸ் GLS

ஃபர்ஸ்ட் லுக்: மெர்சிடீஸ் பென்ஸ் GLS

பென்ஸைப் பொருத்தவரை எஸ்யூவிகளில் S க்ளாஸ் - பென்ஸ் GLS. இந்த காரின் புது ஜெனரேஷன் மாடலை, இந்த மாதம் டிஜிட்டலாக லான்ச் செய்தது பென்ஸ்.

இந்த 3-வது ஜெனரேஷன் GLS காரில் மெர்சிடீஸின் ஃபேவரைட்டான MBUX சிஸ்டம் சேர்க்கப்பட்டிருக்கிறது. வாய்ஸ் கமாண்டும் உண்டு. தவிர 12.3 இன்ச் டச் ஸ்க்ரீன், பனோரமிக் சன்ரூஃப், 64 வகையான கலர் ஆம்பியன்ட் லைட் செட்டிங், முன்-பின் வயர்லெஸ் சார்ஜிங், பின் சீட்டில் டி.வி திரை, மொத்தம் 11 இடங்களில் USB சார்ஜிங் போர்ட்டுகள், ஜியோ ஃபென்ஸிங், வெஹிக்கிள் ஃபைண்டர், ஜன்னலுக்குக்கூட ரிமோட் ஆப்பரேஷன் என்று கலக்குகிறது பென்ஸ்.

பழசைவிட 77 மிமீ நீளத்திலும், 22 மிமீ அகலத்திலும் பெரிதாகியிருக்கிறது புது GLS. இதன் நீளம் 5,207 மிமீ. வீல்பேஸ் 3,135 மிமீ. அம்மாடியோவ்! 7 சீட்டர் காராச்சே... மெர்சிடீஸின் ஃபேவரைட்டான MHA (Modular Hightech Architecture) ப்ளாட்ஃபார்மில் தயாராகி இருப்பதால், பார்ப்பதற்கு கும்மென்று இருக்கிறது. எல்இடி ஹெட்லைட்ஸ், 21 இன்ச் வீல்கள் செம கெத்து.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

மொத்தம் இரண்டு வேரியன்ட்ஸ். பெட்ரோல், டீசல் இரண்டுமே உண்டு. GLS 400d என்பது டீசல் வேரியன்ட். 3.0லிட்டர், இன்லைன் 6 சிலிண்டர் டீசல் இன்ஜின், 330bhp பவரையும், 70kgm டார்க்கையும் கொடுக்கிறது. எஸ்யூவி என்பதால், இவ்வளவு டார்க். இதன் 0-100 கி.மீ வேகம் – வெறும் 6.3 விநாடிகள்தான். இந்த 2,400 கிலோ எடை கொண்ட எஸ்யூவிக்கு இது ஆச்சரியமான விஷயம்.

மெர்சிடீஸ் பென்ஸ் GLS
மெர்சிடீஸ் பென்ஸ் GLS

பெட்ரோல் வேரியன்ட்டின் பெயர் GLS450. இதுவும் 3.0லிட்டர்தான். இதன் பவர் 367 bhp, டார்க் 50kgm. இந்த பெட்ரோல் GLS-ல் 48V மைல்டு ஹைபிரிட் சிஸ்டமும் உண்டு. இது எக்ஸ்ட்ராவாக 22bhp பவரும், 2.5 kgm டார்க்கும் கொடுக்கிறது. இந்த பெட்ரோல் மாடலும் 6.2 விநாடிகளில் 100 கி.மீ-யை எட்டுகிறது. இரண்டு இன்ஜின்களிலுமே இருப்பது 9 ஸ்பீடு டார்க் கன்வெர்ட்டர் கியர்பாக்ஸ். பென்ஸின் லேட்டஸ்ட்டான 4Matic ஆல்வீல் டிரைவ் சிஸ்டமும் உண்டு. இந்த 7 சீட்டரின் எக்ஸ் ேஷாரூம் விலையே ஒரு கோடி. அம்மாடி!