Published:Updated:

ப்ரீமியம் செடான்களில் படா பவர்... ஸ்கோடா சூப்பர்ப்!

ஒட்டுமொத்த விகடனுக்கும் ஒரே ஷார்ட்கட்

Use App
ஸ்கோடா சூப்பர்ப் ஃபேஸ்லிஃப்ட்
ஸ்கோடா சூப்பர்ப் ஃபேஸ்லிஃப்ட்

ஃபர்ஸ்ட் லுக்: ஸ்கோடா சூப்பர்ப் ஃபேஸ்லிஃப்ட்

பிரீமியம் ஸ்டோரி
ஸ்கோடா சூப்பர்ப் ஃபேஸ்லிஃப்ட்
ஸ்கோடா சூப்பர்ப் ஃபேஸ்லிஃப்ட்

ரேபிட் செடானில் விலையைக் குறைத்திருக்கிறது என்றால், டிஜிட்டலாக லாஞ்ச் ஆன புது சூப்பர்ப் செடானில் விலையை 'கிர்'ரென ஏற்றிவிட்டது ஸ்கோடா. ஆம், பழைய சூப்பர்பைவிட 4 லட்சம் அதிகமாக வந்திருக்கிறது. (30 - 33 லட்சம், எக்ஸ் ஷோரூம்) ஆம், ஸ்கோடா குடும்பத்திலேயே செடான்களில் காஸ்ட்லி, இந்த சூப்பர்ப்தான். ப்ரீமியம் செடான் ஆச்சே! அதனால் இந்த விலையேற்றமாக இருக்கலாம். ரேபிட்டில் 5 வேரியன்ட்கள் என்றால், சூப்பர்பில் Laurin&Klement, Sportline என நறுக்கென இரண்டே இரண்டு ட்ரிம்கள்தான். சூப்பர்பில் என்ன ஸ்பெஷல்னு பார்க்கலாம்.

வெளிப்பக்கத்தில் இருந்து மாற்றம் தொடங்குகிறது. பழைய சூப்பர்பைவிட, 8 மிமீ நீளத்தில் பெரிதாகி இருக்கிறது. கிரில் முற்றிலும் புதுசு. மேட்ரிக்ஸ் LED ஹெட்லைட்ஸ், புது 17 இன்ச் அலாய்வீல்கள், பின் பக்க டிசைன் வேலைப்பாடுகள் என்று சூப்பர்ப் இன்னும் சூப்பர். முதல் வேரியன்ட்டான Laurin&Klement, நீலம், வெள்ளை, கிரே, பிளாக், பிரெளன் என 5 கலர்களில் கிடைக்கும். இதில், அலாய்களில் டூயல் டோன். உள்ளே பீஜ் அண்ட் பிளாக் தீம்.

ப்ரீமியம் செடான்களில் படா பவர்... ஸ்கோடா சூப்பர்ப்!

SportLine-ல் பெயருக்கு ஏற்றபடி அலாய் வீல்களிலிருந்து பின் பக்கம் வரை அங்கங்கே சில ஸ்போர்ட்டி அம்சங்கள். முக்கியமாக, அந்த ஸ்பாய்லரே போதும். உள்ளேயும் ஆல் பிளாக் தீம் என்றால், அது ஸ்போர்ட்லைன். ரேஸ் புளூ, மூன் வொயிட், ஸ்டீல் கிரே என 3 கலர் ஆப்ஷன்கள் இதில் உண்டு.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வசதிகளில் ஸ்கோடா செம! டிஜிட்டல் இன்ஸ்ட்ரூமென்ட் கிளஸ்டர், வயர்லெஸ் சார்ஜிங், 8.0இன்ச் டச் ஸ்க்ரீன், பவர்டு சீட் மட்டுமில்லை; வென்டிலேட்டடும்தான், கேன்ட்டான் 11 ஸ்பீக்கர் ஆடியோ சிஸ்டம், 3 ஸோன் க்ளைமேட் கன்ட்ரோல், ஹேண்ட்ஸ் ஃப்ரீ பார்க்கிங், பனோரமிக் சன்ரூஃப் என்று கலக்கி எடுக்கிறது.

ஸ்கோடா சூப்பர்ப் ஃபேஸ்லிஃப்ட்
ஸ்கோடா சூப்பர்ப் ஃபேஸ்லிஃப்ட்

இன்ஜினைப் பொறுத்தவரை, சூப்பர்பிலும் இனி டீசல் இல்லை; அதற்குப் பதிலாக 2.0லி பெரிய TSI டர்போ இன்ஜின். பழைய பெட்ரோலைவிட 200 சிசி அதிகம். பவர் 190bhp; டார்க் 32kgm. பழசைவிட 10bhp-ம், 7kgm-ம் அதிகம். இதில் 7 ஸ்பீடு DCT, டூயல் கிளட்ச் ட்ரான்ஸ்மிஷன் கியர்பாக்ஸ்தான், வீல்களுக்கு பவரைக் கடத்துகிறது. 7.7 விநாடிகளில் இது 100

கி.மீ-யில் பறக்கும் என்கிறது ஸ்கோடா.

ஸ்டெபிலிட்டியில்தான் ஸ்கோடா கலக்கும். சூப்பர்பும் நிச்சயம் அப்படித்தான். விர்ரெனப் பறக்கலாம். இதன் டாப் ஸ்பீடு, மைலேஜையும் க்ளெய்ம் செய்துவிட்டது ஸ்கோடா. 239 கி.மீ மற்றும் 15.10 கி.மீ மைலேஜ் என்கிறார்கள். டெஸ்ட் டிரைவில் தெரிந்துவிடும்.

அது வரை பொறு மனமே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு