Published:Updated:

புது அமேஸில் என்னதான் மாறியிருக்கு?

ஃபர்ஸ்ட் ரைடு: ஹோண்டா அமேஸ்
பிரீமியம் ஸ்டோரி
ஃபர்ஸ்ட் ரைடு: ஹோண்டா அமேஸ்

ஃபர்ஸ்ட் ரைடு: ஹோண்டா அமேஸ்

புது அமேஸில் என்னதான் மாறியிருக்கு?

ஃபர்ஸ்ட் ரைடு: ஹோண்டா அமேஸ்

Published:Updated:
ஃபர்ஸ்ட் ரைடு: ஹோண்டா அமேஸ்
பிரீமியம் ஸ்டோரி
ஃபர்ஸ்ட் ரைடு: ஹோண்டா அமேஸ்

2013-ஆம் ஆண்டு வெளியான அமேஸ், 2018-ல் பல மாற்றங்கள் கண்டது. இப்போதும் மூன்று ஆண்டுகள் கடந்த நிலையில், `நான் இங்கேதான் இருக்கேன்’ என நினைவுப்படுத்தும்விதமாக மீண்டும் புதிய அமேஸ் ஃபேஸ்லிப்டைத் களமிறக்கியிருக்கிறது ஹோண்டா. எப்படி இருக்கிறது எனப் பார்ப்பதற்காகவும், அமேஸின் டாப் எண்ட் மாடலை எடுத்துக் கொண்டு சென்னை விமான நிலையத்துக்கு எதிரே இருக்கும் திரிசூலம் குன்றின் மீது ஏறினோம். இந்தப் புதிய அமேஸ் ஃபேஸ்லிஃப்ட்டில் என்னவெல்லாம் மாறியிருக்கிறது? எது எல்லாம் மாறவில்லை? விலையிலும் மாற்றம் உண்டா? பார்க்கலாம்.

ஹோண்டா அமேஸ்
ஹோண்டா அமேஸ்

ஒரு காருக்கு முகம்தான் முகவரி எனக் கூறுவார்கள். அந்த முகத்தைப் பொலிவாக்க மெனக்கெட்டிருக்கிறது ஹோண்டா. காரின் கிரில்லை முழுவதுமாக மாற்றி ஸ்லீக்கான, கண்களைக் கவரும் வகையில் புதிய கிரில்லைக் கொடுத்திருக்கிறது ஹோண்டா. அதன் கீழ் இரண்டு புதிய க்ரோம் கோடிகளும் சேர்ந்திருக்கின்றன. முன்பக்கம் கீழே கொடுக்கப்பட்டிருக்கும் ஃபாக் லேம்ப்பிலும் கொஞ்சம் க்ரோமைச் சேர்த்திருக்கிறது ஹோண்டா.

Specification Sheet
Specification Sheet

டாப் எண்ட் மாடலில், பழைய சாதாரண விளக்குகளுக்குப் பதிலாக புதிய அமேஸ் ஆட்டோமேட்டிக் LED ப்ரொஜெக்டர் முகப்பு விளக்குகளைப் பெற்றிருக்கிறது. இது வசதியாக மட்டுமல்லாமல், காரின் முன்பக்கத்துக்கும் அழகு சேர்க்கிறது. முன்பக்கத்தைக் கடந்து பக்கவாட்டிலும், பின்னாலும் பெரிய மாற்றங்கள் இல்லை. ஆனால் சின்னச் சின்ன மாற்றங்களைச் செய்திருக்கிறது ஹோண்டா. பக்கவாட்டில் கைப்பிடிகள் க்ரோமாக மாறியிருக்கின்றன, 15 இன்ச் டைமண்ட் கட் வீல்களைப் பெற்றிருக்கிறது புதிய அமேஸ். பின் பக்கம் C போல வடிவமைக்கப்பட்டிருக்கும் டெய்ல் லைட்களைப் பெற்றிருக்கிறது புதிய அமேஸ். அது பின்பக்கம் இருந்து பார்க்கும்போது காருக்குக் கொஞ்சம் அழகு சேர்க்கிறது. பின்பக்க பம்பர்களும் கொஞ்சம் க்ரோமைப் பெற்றிருக்கின்றன புதிய அமேஸில்.

சில்வர் வேலைப்பாடுகள் பழைய ஃபேஸ்லிஃப்ட்டில் இருந்து வித்தியாசப்படுத்திக் காட்டுகின்றன.
சில்வர் வேலைப்பாடுகள் பழைய ஃபேஸ்லிஃப்ட்டில் இருந்து வித்தியாசப்படுத்திக் காட்டுகின்றன.

உள்ளலங்காரம்

வெளிப்புற மாற்றங்களைத் தாண்டி வேறு எதுவுமே அமேஸில் பெரிதாக மாறவில்லை. உள்பக்கம் சில இடங்களில் மட்டும் அழகு சேர்க்கும் வகையில் சில மாற்றங்கள் செய்யப்பட்டிருக்கின்றன. அதில் குறிப்பிட்டுச் சொல்ல வேண்டும் என்றால், டேஷ்போர்டு மற்றும் ஸ்டீயரிங் வீல்களில் கொஞ்சம் சில்வர் நிறத்தில் பார்டர் மற்றும் லைனிங் கொடுக்கப் பட்டிருக்கிறது. மேனுவல் வேரியன்ட்டில் கியர் லீவர்களில் புதிதாக லெதர் கவர் கொடுக்கப்பட்டிருக்கிறது. இதனால், கியர் லீவர் பார்ப்பதற்கும் பிடிப்பதற்கும் ஸ்டைலாக இருக்கிறது. ஏசி வென்ட்களில் க்ரோம் ஃபினிஷ் சேர்க்கப்பட்டிருக்கிறது.

ஏசி புளோயர்களைச் சுற்றிலும் சில்வர் ஆக்ஸென்ட்டுகள்
ஏசி புளோயர்களைச் சுற்றிலும் சில்வர் ஆக்ஸென்ட்டுகள்
CVT ஆட்டோமேட்டிக் கியர்பாக்ஸ் டீசல் வேரியன்ட்டில் பவர் குறைவு
CVT ஆட்டோமேட்டிக் கியர்பாக்ஸ் டீசல் வேரியன்ட்டில் பவர் குறைவு

இன்ஜின், கியர்பாக்ஸ்

புதிய ஃபேஸ்லிஃப்ட்டில் தோற்றத்துக்கு மட்டுமே முக்கியத்துவம் கொடுத்திருக்கிறது. இன்ஜின், ட்ரான்ஸ்மிஷன் மற்றும் சஸ்பென்ஷனைப் பொருத்தவரை எந்த மாற்றமும் இல்லை. 90 bhp பவர் மற்றும் 11.0kgm டார்க்கை வெளிப்படுத்தக்கூடிய, 5 ஸ்பீடு கியர்பாக்ஸ் கொண்ட 1.2 லிட்டர் i-VTEC பெட்ரோல் இன்ஜின் மேனுவல் மற்றும் ஆட்டோமேட்டிக் என இரு வேரியன்ட்டிலும் வருகிறது.

அதேநேரத்தில் 1.5 லிட்டர் டீசல் இன்ஜினின் 5 ஸ்பீடு கியர்பாக்ஸ் கொண்ட மேனுவல் வேரியன்ட் 100bhp பவரையும், 20.0kgm டார்க்கையும் வெளிப்படுத்துகிறது.

ஆட்டோமேட்டிக் கிளைமேட் கன்ட்ரோல் வசதி அமேஸில் உண்டு.
ஆட்டோமேட்டிக் கிளைமேட் கன்ட்ரோல் வசதி அமேஸில் உண்டு.

டீசல் இன்ஜினின் ஆட்டோமேட்டிக் வேரியன்ட்டோ 80 bhp பவரையும், 16.0kgm டார்க்கையும் வெளிப்படுத்துகிறது. இன்ஜின்களில் எந்த மாற்றமும் இல்லை.

புதிய அமேஸ் E, S மற்றும் VX என மூன்று வேரியன்ட்களில் கிடைக்கிறது. மூன்று வேரியன்ட்களிலும் பெட்ரோல் மற்றும் டீசல் இன்ஜின் கொண்ட மேனுவல் வெர்ஷன் கிடைக்கிறது. ஆட்டோமேட்டிக்கைப் பொருத்தவரை பெட்ரோல் இன்ஜினுடன் S மற்றும் VX வேரியன்ட்களும், டீசல் இன்ஜினுடன் VX வேரியன்ட்டும் கிடைக்கின்றன.

ஹோண்டா அமேஸ்
ஹோண்டா அமேஸ்