Published:Updated:

``டிஜிட்டல் ப்ளாட்ஃபார்ம்கள் ஸ்கோடாவில் இருக்கும்!”

Zac Hollis
பிரீமியம் ஸ்டோரி
News
Zac Hollis

அடுத்த 6-18 மாதங்களுக்குள் சீரான வளர்ச்சியை எதிர்பார்க்கிறோம்.

ஸ்கோடா இந்தியாவின் இயக்குநர் Zac Hollis - இடம் ஊரடங்கினால் ஏற்பட்ட பாதிப்புகள் குறித்துக் கேட்டோம். மோட்டார் விகடனுக்காக அவர் அளித்த எக்ஸ்க்ளூசிவ் பேட்டியில் இருந்து...

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

``ஊரடங்கால் ஏற்பட்ட பாதிப்புகளை, ஸ்கோடா எவ்வாறு சமாளிக்கிறது? பொருளாதாரச் சிக்கலில் இருந்து ஆட்டோமொபைல் துறை எப்படி மீளும்?’’

``அனைத்து உற்பத்தித் துறைபோல, ஆட்டோமொபைல் துறையும் கடுமையாகப் பாதிக்கப்பட்டிருக்கிறது. கடந்த இரண்டு மாதமாக கார் விற்பனையில் ஏற்பட்டிருந்த மந்த நிலையில் இருந்து மெல்லமாக மீண்டு வருகிறோம். அடுத்த 6-18 மாதங்களுக்குள் சீரான வளர்ச்சியை எதிர்பார்க்கிறோம்.

Zac Hollis
Zac Hollis

கார் வாங்கலாம் என முடிவெடுத்திருந்தவர்கள் சில காலம் தள்ளிப் போடலாம். ஆனால், சுகாதாரக் காரணங்களுக்காக பொதுப் போக்குவரத்தைத் தவிர்த்து, சொந்த வாகனத்தைப் பயன்டுத்தும் போக்கு அதிகரிக்கும் என எதிர்பார்க்கிறோம். டிஜிட்டல் ஃப்ளாட்பார்ம்கள் இனி ஷோரூமுடன் எப்போதும் சேர்ந்து செயல்படும்.’’

``தயாரிப்பு நிறுவனங்கள், தொழிற்சாலையில் என்னென்ன மாற்றங்களை மேற்கொண்டுள்ளன?’’

``ஏப்ரல் மாதம் வாகன விற்பனை ஏதும் இல்லாததால், நாங்கள் அனைத்து ஸ்கோடா பணியாளர்களையும், வீட்டில் இருந்து பணிபுரியுமாறு அறிவுறுத்தி இருந்தோம். இந்தக் காலகட்டத்தில், ரெகுலராக ஆன்லைன் மூலம் கலந்துரையாடலில் ஈடுபட வைத்தோம். இப்போது, சில சுகாதார நடவடிக்கைகளுடன் டீலர்ஷிப்புகள் செயல்பட ஆரம்பித்து விட்டன.’’

``டீலர்களின் நலனுக்காக என்ன நடவடிக்கைகள் எடுக்கப்பட்டன?’’

``எங்கள் வெற்றியில் டீலர்களுக்கு முக்கிய பங்கு உள்ளது. எனவே நிதி உதவியோடு, ஏப்ரல் - ஜூன் காலாண்டுக்கான வாடகை போன்ற சில வணிகச் செலவுகளை நாங்களே ஏற்றோம்.’’

``ஆன்லைனில் கார்களை அறிமுகப்படுத்துவதில் உள்ள ப்ளஸ், மைனஸ்?’’

``ஆன்லைன் கான்ஃபரென்ஸில் ரேபிட் 1.0, கரோக், சூப்பர்ப் என 3 கார்களை அறிமுகப்படுத்தினோம். 24 மணிநேரத்துக்குள் சுமார் 1 லட்சம் பேரைச் சென்றடைய முடிந்ததை ப்ளஸ்ஸாகக் கருதுகிறேன். பெர்சனலாக, காரை மேடையில் அறிமுகப்படுத்தி, உங்களைப்போன்ற மீடியா நபர்களுடன் கலந்துரையாடுவதை மிஸ் பண்ணினேன்.’’

``ஸ்கோடாவின் புது வரவுகள் பற்றி...?’’

``இந்த ஆண்டு வெளியான ரேபிட் ரைடர் மாடலோடு, ரைடர் ப்ளஸ் எனும் புது வேரியன்ட் வந்துவிட்டது. இந்த ஆண்டு இறுதியில், ரேபிட் ஆட்டோமேட்டிக் மற்றும் கோடியாக் பெட்ரோல் மாடல்களைக் கொண்டுவர இருக்கிறோம். அடுத்த ஆண்டு ஆரம்பத்தில் புதிய தலைமுறை ஆக்டேவியாவுக்குப் பின்னர், விஷன்-in வரும்.’’