Published:Updated:

டாடாவின் புது மைக்ரோ எஸ்யூவி!

Tata Punch
பிரீமியம் ஸ்டோரி
Tata Punch

ஃபர்ஸ்ட் லுக்: டாடா பஞ்ச்

டாடாவின் புது மைக்ரோ எஸ்யூவி!

ஃபர்ஸ்ட் லுக்: டாடா பஞ்ச்

Published:Updated:
Tata Punch
பிரீமியம் ஸ்டோரி
Tata Punch

2020 ஆட்டோ எக்ஸ்போவில் H2X கான்செப்ட் என்ற பிரம்மாண்டமான அறிமுகத்தைத் தொடர்ந்து, இப்போது டாடா மோட்டார்ஸ் அதன் எஸ்யூவி வரிசையில் பேபி எஸ்யூவி ஆக ‘பன்ச்’ (PUNCH) சேர்ந்திருக்கிறது.

அல்ட்ராஸ் தயாரிக்கப்படும் அதே ALFA (Agile Light Flexible Advanced Architecture) இல் தான் பன்ச்சும் தயாரிக்கப்பட இருக்கிறது. இதனால் சிறு சிறு தெருக்களில் வளைந்தும், ட்ராஃபிக்கில் ஊடுருவியும் ஓட்ட முடியும்.

சுஸூகி இக்னிஸ் மற்றும் மஹிந்திரா KUV 100 என ஏற்கெனவே ‘மைக்ரோ’ SUV-க்கள் மார்க்கெட்டில் இருந்தாலும், இவற்றைவிட பன்ச் பெரியதாக இருக்கும். ஏனென்றால், பன்ச்சின் காட்பாதரான HBX கான்செப்ட்டின் 3,840 மிமீ நீளம், 1,822 மிமீ அகலம், 1,635 மிமீ உயரம் மற்றும் 2,450 மிமீ வீல்பேஸ் ஆகியவற்றைக் கொண்டிருந்ததால், பன்ச்சும் இந்த அளவுகளை ஒட்டியே இருக்கும். புதிய பன்ச் இரண்டு பெட்ரோல் இன்ஜின் ஆப்ஷன்களுடன் வரும் என எதிர்பார்க்கப்படுகிறது. டியாகோ, டிகோர் மற்றும் அல்ட்ராஸ் ஆகியவற்றில் டியூட்டி பார்க்கும் 1.2 லிட்டர், 3 சிலிண்டர் பெட்ரோல் இன்ஜின் மாடல் 86bhp சக்தியை வழங்கும். இன்னொரு இன்ஜின் அல்ட்ராஸ் டர்போவில் காணப்படும் 1.2 லிட்டர், 3 சிலிண்டர் டர்போ-பெட்ரோல் இன்ஜின் பெறும் என்று எதிர்பார்க்கப்படுகிறது.

Tata Punch
Tata Punch

5-ஸ்பீடு மேனுவல் மற்றும் AMT ஆட்டோமேட்டிக் என இரண்டு கியர்பாக்ஸ் ஆப்ஷனைப் பெறும் பன்ச். அதேசமயம், நெக்ஸான் EV மற்றும் Tigor EV-ஐ அறிமுகப்படுத்தியதுபோல, பின்னாட்களில் பன்ச்சிலும் எலெக்ட்ரிக் மாடல் வரும் என்பதால், தற்போதைக்கு டீசல் இன்ஜின் கொண்டு வரும் ஐடியா இல்லை என டாடா வட்டாரங்கள் தெரிவிக்கின்றன.

செப்டம்பர் மாதம் பன்ச் அறிமுகப்படுத்தப்பட்டு, வரவிருக்கும் பண்டிகைக் காலத்துக்கு முன்னதாக டாடா டீலர்ஷிப்புகளை வந்தடையும் என்று எதிர்பார்க்கப்படுகிறது. டாடாவின் SUV லைன்-அப்பின் நுழைவுப் புள்ளியாக இருக்கப் போவதால், விலைகள் மிகவும் போட்டியாக நிர்ணயம் செய்யப்படும். இதனால், மாருதி சுஸூகி இக்னிஸ் மற்றும் வரவிருக்கும் ஹூண்டாய் காஸ்பர் போன்றவற்றுடன் மட்டும் மோதாமல், நிஸான் மேக்னைட் மற்றும் ரெனோ கைகர் ஆகியவற்றுக்கும் டாடா ‘பன்ச்’ கொடுக்கும்.