Published:Updated:

ஒரு நாள் பல கார் டிசைனர்கள் உருவாகலாம்!

கார் டிசைன்
பிரீமியம் ஸ்டோரி
கார் டிசைன்

ஒர்க்ஷாப்: கார் டிசைன்

ஒரு நாள் பல கார் டிசைனர்கள் உருவாகலாம்!

ஒர்க்ஷாப்: கார் டிசைன்

Published:Updated:
கார் டிசைன்
பிரீமியம் ஸ்டோரி
கார் டிசைன்

சின்னக் குழந்தையில் இருந்து பெரியவர்கள் வரை, 10 ரூபாய்க்குப் பொருள் வாங்கினால்கூட முதலில் டிசைனைத்தான் பார்ப்பார்கள். டிசைன் பிடித்திருந்தால் மட்டுமே அந்தப் பொருளை வாங்குவார்கள். பத்து ரூபாய்ப் பொருளுக்கே இப்படியென்றால், கனவுக் காருக்குச் சொல்ல வேண்டுமா என்ன? காரின் டிசைன் பிடித்திருந்தால் மட்டுமே அதனது இன்ஜின், பெர்ஃபாமன்ஸ் என அடுத்த கட்டத்துக்குப் போவார்கள். இன்னும் சிலர், கார் டிசைனுக்காகவே காரை வாங்குவார்கள்.

வடிவமைப்பது என்பதைப் பயிற்றுவிக்க மோட்டார் விகடன் `ஒரு நாள்; ஒரு கார்; ஒரு கனவு’ என்ற பயிலரங்கத்தை நடத்தியது. இந்தப் பயிலரங்கம் பிப்ரவரி 5-ம் தேதி காலை 10 மணி முதல் மதியம் 1 மணி வரை நடந்தது. இந்தப் பயிலரங்கம் ஜூம் வாயிலாக இணைய வழியில் நடந்தது.

இந்தப் பயிலரங்கத்தில் சத்தியசீலன் பயிற்சியளித்தார். டாடா மோட்டார்ஸ், நிஸான் மற்றும் டிவிஎஸ் எனப் பல நிறுவனங்களில் பணியாற்றியிருக்கும் இவர், தற்போது அசோக் லேலாண்ட் நிறுவனத்தின் டிசைன் பிரிவின் தலைவராக இருக்கிறார். IIT, IISC மற்றும் NIT எனப் பல கல்லூரிகளில் டிசைன் பயிற்சி வகுப்புகளையும் நடத்தி வருகிறார். இவர் புனே MIT-யின் கல்விக்குழு உறுப்பினரும்கூட!

க.சத்தியசீலன்
க.சத்தியசீலன்

மோட்டார் விகடன் நடத்திய இந்தப் பயிலரங்கத்தில், பெங்களூர் தொடங்கி ஜெர்மனியில் இருப்போர் வரை கலந்துகொண்டனர். பள்ளி மாணவர்கள், கல்லூரி மாணவர்கள், வேலையில் இருப்போர் மற்றும் இதே துறையில் இருப்போர் என அனைத்தும் கலந்த கலவையாக கார் டிசைனில் ஆர்வமுள்ள அனைத்துத் தரப்பினரும் கலந்துகொண்டனர்.

பத்து மணிக்கு `டான்' என்று பயிலரங்கம் தொடங்கிவிட்டது. இந்தியர்கள் டிசைன் செய்யக் கற்றுக்கொள்வது எவ்வளவு முக்கியம் என்பதை முதலில் சத்தியசீலன் எடுத்துரைத்தார். மேலும் கார் டிசைன் துறையில் உள்ள வேலைவாய்ப்புகளை விளக்கினார்.

பயிலரங்கத்தில் ஃபோர்டு பிரான்கோ (Ford Bronco) டிசைனைப் பற்றி பயிற்றுவிக்கப்பட்டது. ஃபோர்டு பிரான்கோவை எப்படி வடிவமைத்து இருக்கிறார்கள் மற்றும் வடிவமைப்பிற்கான காரணம் ஆகியவை தெளிவாக விளக்கப்பட்டது.

பயிலரங்கி்ன் முதல் பகுதியாக perception of lines, perception of edges மற்றும் perception of proportion பயிற்றுவிக்கப்பட்டது. இரண்டாம் பகுதியாக காரின் சக்கரங்கள் வரைவதற்கான பயிற்சி. மாணவர்களும் சக்கரங்களை வரைய ஊக்குவிக்கப்பட்டது. மாணவர்களும் ஆர்வமாகச் சக்கரங்களை வரைந்து இருந்தனர். `உங்களது ஓவியங்களைக் காட்டலாம்’ என்றதும், ஒவ்வொருவரும் கைதூக்கி தங்களது ஓவியங்களைக் காட்டிப் பட்டையைக் கிளப்பினர்.

மூன்றாம் பகுதியாக rule of third theory-யை பயன்படுத்தி கார் வரைவது எப்படி என்று விளக்கம் அளிக்கப்பட்டது.

கார் டிசைன்
கார் டிசைன்

காரின் டிசைன் என்று நாம் எண்ணியிருந்த ஒவ்வொரு பகுதிக்கும் belt line, quarter panel, rocker எனப் பெயர்கள். இக்கலைச்சொற்களும் பயிலரங்கில் சொல்லித் தரப்பட்டது. One point perspective, two point perspective, three point perspective போன்றவைகளில் கார் வரைந்து பயிற்சி அளிக்கப்பட்டது.

ஜெர்மனியில் இருக்கும் ஒரு மாணவர் தான் கார் டிசைனைக் கற்றுக்கொள்ள மிகவும் ஆர்வமாக இருப்பதாகவும், இன்னும் கற்றுக்கொள்ள நிறைய இணையவழி வகுப்பு நடத்துமாறும் கேட்டுக்கொண்டார்.நான்காம் வகுப்பு படிக்கும் மாணவர் ஒருவர், தான் கார் வடிவமைக்க என்ன கற்றுக் கொள்ளவேண்டும் என்று கேட்டு சத்தியசீலனையே ஆச்சரியப்பட வைத்தார்.

ஒவ்வொரு பயிற்சிகளுக்கும் மாணவர்கள் காட்டிய ஆர்வம் அளப்பரியது. அவர்களது ஓவியங்கள் அனைத்தும் அவர்களது ஈடுபாட்டை வெளிச்சம் போட்டுக் காட்டியது. கேள்வி நேரத்தில், அவர்கள் அனைவரது ஆர்வமும் அவர்களது கேள்விகளிலேயே ஒலித்தது.

கேள்வி நேரத்தோடு பயிலரங்கம் எண்டு கார்டு போட்டு முடிவடைந்தது. `ஒரு நாள்; ஒரு கார்; ஒரு கனவு’ என்ற இந்தப் பயிலரங்கம், நிச்சயம் `ஒரு நாள்; ஒரு பயிலரங்கம்; பல கார் டிசைனர்’ என்று உருவாகலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism