Published:Updated:

மோட்டார் நியூஸ்

அப் - டு - டேட் செய்திகளுக்கு... motor.vikatn.com

மோட்டார் நியூஸ்

அப் - டு - டேட் செய்திகளுக்கு... motor.vikatn.com

Published:Updated:

ஜூன்  மாத இறுதியில் விற்பனைக்கு வருகிறது ஹோண்டா ஜாஸ். அமேஸில் உள்ள 1.5 லிட்டர் டீசல் இன்ஜின் மற்றும் 1.2 லிட்டர் பெட்ரோல் இன்ஜினுடன் விற்பனைக்கு வருகிறது ஜாஸ். பெட்ரோல் மாடலில் ஆட்டோமேட்டிக் கியர்பாக்ஸ் ஆப்ஷனும் உண்டு. ஆனால், பிரியோவில் உள்ள ஆட்டோமேட்டிக் கியர்பாக்ஸ் இல்லாமல், சிட்டியில் இருக்கும் ஆட்டோமேட்டிக் கியர்பாக்ஸை இதில் பொருத்தியிருக்கிறது ஹோண்டா. இன்ஜின் உள்பட புதிய ஜாஸ் தயாரிப்புக்கான முக்கிய பாகங்கள் அனைத்தும் இந்தியாவிலேயே தயாரிக்கப்படுவதால், இந்த முறை ஜாஸின் விலை குறைவாகவே இருக்கும் என எதிர்பார்க்கலாம்.

மோட்டார் நியூஸ்

டெய்ம்லர் இந்தியா வின் சென்னை ஒரகடம் தொழிற்சாலை வளாகத்தில், சுமார் 425 கோடி ரூபாய் மதிப்பில், மே மாதம் முதல் மெர்சிடீஸ் பென்ஸ், பாரத் பென்ஸ் ரக பேருந்துகளின் தயாரிப்பு துவங்குகிறது. முதலில் ஓர் ஆண்டுக்கு 1,500 பேருந்துகளும், அதன் பின்னர் 4,000 பேருந்துகளையும் தயாரிக்க இருக்கிறது டெய்ம்லர். உலகிலேயே 3 பிராண்டுகளுக்கான டிரக்குகள், பேருந்துகள், இன்ஜின்களைத் தயாரிக்கும் ஒரே டெய்ம்லர் தொழிற்சாலை, ஒரகடத்தில் இருக்கும் தொழிற்சாலைதான்!

ஒட்டுமொத்த விகடனுக்கும் ஒரே ஷார்ட்கட்!

மோட்டார் நியூஸ்

மொபிலியோ பிளாட்ஃபார்மில் காம்பேக்ட் எஸ்யுவி காரை உருவாக்கி வருகிறது ஹோண்டா. 7 சீட்டர் காரான இதை சமீபத்தில்தான் ஹோண்டா தனது டீலர்களுக்கு ஜப்பானில் காட்டியதாம். முன்பக்க டிஸைன் மட்டும் லேசாக மொபிலியோவை நினைவூட்டும் விதத்தில் இருப்பதாகச் சொல்கிறார்கள். இன்டீரியர் டிஸைனும் தரமும் மொபிலியோவைவிட நன்றாக இருக்கிறது என்கிறார்கள்.  மொபிலியோவில் இருக்கும் அதே 1.5 லிட்டர் பெட்ரோல், டீசல் இன்ஜின்கள்தான் இந்த காம்பேக்ட் எஸ்யுவியிலும் இருக்கும். 2016 டெல்லி ஆட்டோ எக்ஸ்போவில் ஹோண்டாவின் புதிய காம்பேக்ட் எஸ்யுவி அறிமுகமாகும்.

மோட்டார் நியூஸ்

ந்த ஆண்டின் இறுதிக்குள் நான்கு புத்தம் புதிய கார்களை இந்தியாவில் விற்பனைக்குக் கொண்டு வரவிருக்கிறது ஃபோர்டு!

1. ஃபிகோ ஆஸ்பையர்   காம்பேக்ட் செடான்

ஃபிகோவின் செடான் வெர்ஷனான ஆஸ்பையர், ஜூன் மாதம் விற்பனைக்கு வருகிறது. காரின் முன்பக்க டிஸைனுக்கு அப்ளாஸ். பின்பக்க டிஸைன் ஓகே ரகம்தான். 1.2 லிட்டர் பெட்ரோல், 1.5 லிட்டர் டீசல் இன்ஜின்களுடன் விற்பனைக்கு வர உள்ளது ஆஸ்பையர். ஆட்டோமேட்டட் மேனுவல் டிரான்ஸ்மிஷன் மாடல்கள் விற்பனைக்கு வராது. ஆனால், டூயல் கிளட்ச் டிரான்ஸ்மிஷனுடன் டீசல் இன்ஜின் மாடல் விற்பனைக்கு வரலாம்.

மோட்டார் நியூஸ்

2. ஃபிகோ ஹேட்ச்பேக்

தீபாவளி சமயத்தில் விற்பனைக்கு வருகிறது ஃபிகோ ஹேட்ச்பேக். ஃபிகோ ஆஸ்பையர் காம்பேக்ட் செடான் காரில் இருக்கும் அதே இன்ஜின்கள்தான் இதிலும். இரண்டு கார்களும் ஃபோர்டு நிறுவனத்தின் சனந்த் (குஜராத்) தொழிற்சாலையில் தயாரிக்கப்பட இருக்கின்றன.

3,4.  எண்டேவர், மஸ்டாங்

ஃபோர்டின் புதிய எண்டேவர் எஸ்யுவியும் இந்த ஆண்டே விற்பனைக்கு வரவிருக்கிறது. புதிய டிஸைனில் பார்க்க, பிரீமியமாகவும் ஸ்டைலாகவும் இருக்கிறது எண்டேவர். 2.2 லிட்டர், 3.2 லிட்டர் டீசல் இன்ஜின் ஆப்ஷன்களுடன் விற்பனைக்கு வரவிருக்கிறது புதிய எண்டேவர்.  

ஃபோர்டு மஸ்டாங் கார் இந்தியாவில் விற்பனைக்கு வருவதுதான் ஸ்பெஷல் செய்தி. சுமார் 1 கோடி ரூபாய் விலை இருக்கும் என எதிர்பார்க்கலாம்.

மோட்டார் நியூஸ்

125 சிசி செக்மென்ட்டிலேயே எடை குறைந்த பைக்கான சல்யூட்டோவை சுமார் 56,000 ரூபாய்க்கு விற்பனைக்குக் கொண்டுவந்துள்ளது யமஹா. இதன் எடை வெறும் 112 கிலோ மட்டுமே! யமஹாவின் லேட்டஸ்ட் ஏர்கூல்டு, சிங்கிள் சிலிண்டர் 125 சிசி ப்ளூகோர் இன்ஜினைக் கொண்டுள்ளது சல்யூட்டோ. 8.19 தீலீஜீ சக்தியையும் 1.03 ளீரீனீ டார்க்கையும் அளிக்கிறது இந்த இன்ஜின். 4 ஸ்பீடு கியர்பாக்ஸ் உள்ளது. லிட்டருக்கு 78 கி.மீ மைலேஜ் கிடைக்கும் என்கிறது யமஹா. முன்/பின் 130 மிமீ டிரம் பிரேக்குகளைக்கொண்டுள்ளது யமஹா சல்யூட்டோ.

மோட்டார் நியூஸ்

மே 20 அன்று, உலகிலேயே முதன்முறையாக இந்தியாவில் தன்னுடைய விலை குறைந்த ஹேட்ச்பேக் காரை அறிமுகப் படுத்துகிறது ரெனோ. காருக்கு 'கயோ’ என்று ரெனோ பெயரிடும் எனத் தெரிகிறது. கொஞ்சம் க்ராஸ்ஓவர் கார் டிஸைனில் இருக்கும் இது ஹூண்டாய் இயான், மாருதி ஆல்ட்டோ கார்களுடன் போட்டியிடும். சுமார் 50 தீலீஜீ சக்தியை அளிக்கக்கூடிய 800 சிசி, 3 சிலிண்டர் பெட்ரோல் இன்ஜினைக் கொண்டிருக்கிறது இந்த ஹேட்ச்பேக். 5ஸ்பீடு மேனுவல் டிரான்ஸ்மிஷனுடன் முதலில் விற்பனைக்கு வரவிருக்கிறது. பின்பு ஆட்டோமேட்டிக் மாடல் விற்பனைக்கு வரும்!

மோட்டார் நியூஸ்

உலக அளவில் கமர்ஷியல் வாகனத் தயாரிப்பில் புகழ்பெற்ற நிறுவனம், ஸ்கானியா. வாகனத் தயாரிப்பில் 100 ஆண்டுகளுக்கும் மேலான அனுபவத்தைப் பெற்ற ஸ்வீடன் நிறுவனம் இது. உலகம் முழுவதும் 100 நாடுகளில் ஸ்கானியாவின் தயாரிப்புகள் பயன்பாட்டில் இருக்கின்றன.

2013ம் ஆண்டில் இருந்து பெங்களூருவில் கமர்ஷியல் வாகனங்களுக்கான தொழிற்சாலையை அமைத்து ட்ரக் மற்றும் பஸ்களைத் தயாரித்து வருகிறது. சமீபத்தில், இதே வளாகத்தில் பஸ் தயாரிப்புக்குப் புதிய யூனிட்டைத் திறந்துள்ளது ஸ்கானியா. இதற்கென 300 கோடி ரூபாய் முதலீடு செய்துள்ளது. பஸ்ஸுக்கான பாகங்களை ஸ்வீடனில் இருந்து முழுமையாக இறக்குமதி செய்து, இங்கே அசெம்பிள் செய்கிறது ஸ்கானியா. ஆண்டுக்கு 2,500 ட்ரக்குகள் மற்றும் 1,000 பஸ்களை பெங்களூருவில் தயாரிக்கத் திட்டமிட்டுள்ளது ஸ்கானியா!

மோட்டார் நியூஸ்
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism