Published:Updated:

இது ஹாமில்ட்டன் சீஸன் !

FORMULA - 1 கார் ரேஸ்சார்லஸ்

இது ஹாமில்ட்டன் சீஸன் !

FORMULA - 1 கார் ரேஸ்சார்லஸ்

Published:Updated:

ஸ்திரேலியா, மலேசியா, சீனா, பஹ்ரைன் என கடந்த மாதம் வரிசைகட்டி நடந்த ஃபார்முலா-1 ரேஸ் போட்டிகளில், மூன்றில் வெற்றி பெற்றிருக்கிறார், லூயிஸ் ஹாமில்ட்டன். நடப்பு சாம்பியனான லூயிஸ் ஹாமில்ட்டனின் மெர்சிடீஸ் அணிக்கும், நான்கு முறை சாம்பியனான செபாஸ்ட்டியன் வெட்டலின் ஃபெராரி அணிக்கும் தான் இந்த ஆண்டு கடுமையான போட்டி.

 ஃபார்முலா-1 ரேஸ் என்றால், எப்போதுமே ஃபெராரிதான் முதல் இடத்தில் இருக்கும். தொடர்ந்து ஃபெராரி அணி வீரர்கள்தான் சாம்பியன் பட்டம் வெல்வார்கள். ஆனால், அந்தக் காலம் மைக்கேல் ஷூமேக்கருடன் முடிந்துவிட்டது. ஷூமேக்கருக்குப் பிறகு, 2007-ம் ஆண்டு ஃபெராரிக்கு சாம்பியன் பட்டம் வாங்கித் தந்தார் கிமி ராய்க்கோனன். அதன்பிறகு, ஒரு சாம்பியன் பட்டம்கூட இல்லாமல் திண்டாடி வரும் ஃபெராரி, இந்த ஆண்டு நான்கு முறை உலக சாம்பியனான செபாஸ்ட்டியன் வெட்டலுடன் கோதாவில் நுழைந்திருக்கிறது. இதுவரை நடைபெற்றிருக்கும் நான்கு ரேஸ்களில், மூன்றில் மெர்சிடீஸ் அணியின் லூயிஸ் ஹாமில்ட்டன் வெற்றிபெற்றாலும், மலேசிய ரேஸில் வெற்றிபெற்று ஃபெராரிக்கு நம்பிக்கை அளித்திருக்கிறார் வெட்டல்.

இது ஹாமில்ட்டன் சீஸன் !

ஒட்டுமொத்த விகடனுக்கும் ஒரே ஷார்ட்கட்!

  முன்னாள் சாம்பியனும் ஃபார்முலா-1 ரேஸில் மூத்த அனுபவசாலியுமான கிமி ராய்க்கோனன், பஹ்ரைன் ரேஸில் மூன்றாவது இடம் பிடித்து தனது இடத்தை உறுதி செய்திருக்கிறார். 35 வயதான கிமி ராய்க்கோனன், 2001 முதல் ஃபார்முலா-1 ரேஸ் வீரராக இருக்கிறார். ரெட்புல், மெக்லாரன், ஃபெராரி எனப் பல அணிகளுக்குத் தாவிய கிமி ராய்க்கோனன், 2007-ம் ஆண்டு முதன்முறையாக ஃபார்முலா-1 சாம்பியன் பட்டம் வென்றார். அதன்பிறகு, ஃபார்முலா-1 ரேஸே வேண்டாம் என உலக ராலி சாம்பியன்ஷிப், அமெரிக்காவின் நாஸ்கார் ரேஸ் போட்டிகளில் எல்லாம் பங்கேற்ற கிமி, 2012-ல் மீண்டும் ஃபார்முலா-1 ரேஸுக்கு வந்தார். இரண்டு ஆண்டுகள் லோட்டஸ் அணியில் இருந்தவர், தற்போது ஃபெராரி அணியில் இருக்கிறார். மைக்கேல் ஷூமேக்கருக்கு அடுத்தபடியாக, உலகம் முழுக்க பல லட்சம் ரசிகர்களைக் கொண்டிருக்கும் ரேஸ் வீரர், கிமி ராய்க்கோனன்தான்.

இது ஹாமில்ட்டன் சீஸன் !

 கடந்த பிப்ரவரியில், பார்சிலோனாவில் நடைபெற்ற ஃபார்முலா-1 கார் டெஸ்ட்டிங்கில் விபத்தில் சிக்கி, நினைவை இழந்து, சிகிச்சைக்குப்பின் மீண்ட முன்னாள் சாம்பியன் ஃபெர்னாண்டோ அலான்சோ, மலேசிய ரேஸ் போட்டியில் ரீ-என்ட்ரி கொடுத்தார். கடந்த ஆண்டு வரை ஃபெராரியில் இருந்த அவர், இந்த ஆண்டு மெக்லாரன் - ஹோண்டா அணியின் வீரராகக் கலந்துகொள்கிறார். புதிய அணிக்காக மலேசிய ரேஸில் கலந்துகொண்ட அலான்சோ, இன்ஜின் கோளாறு காரணமாக பாதியிலேயே ரேஸில் இருந்து விலகினார். அதற்கு அடுத்தபடியாக, சீனாவில் நடைபெற்ற ரேஸில் 12-வது இடமும், பஹ்ரைன் ரேஸில்
11-வது இடமும் பிடித்து, கடைசி வரிசைகளில் இருந்து முன்னேறிக் கொண்டிருக்கிறார் அலான்சோ.

 இதுவரை நான்கு சுற்றுகள் முடிவடைந்திருக்கும் நிலையில், சாம்பியன்ஷிப் பட்டியலில் மெர்சிடீஸ் அணியின் லூயிஸ் ஹாமில்ட்டன் 93 புள்ளிகளுடன் முதல் இடத்தில் இருக்கிறார். மெர்சிடீஸ் அணியின் மற்றொரு வீரர் நிக்கோ ராஸ்பெர்க், 66 புள்ளிகளுடன் இரண்டாவது இடத்திலும், ஃபெராரியின் செபாஸ்ட்டியன் வெட்டல் 65 புள்ளிகளுடன் மூன்றாவது இடத்திலும் உள்ளனர்.

இது ஹாமில்ட்டன் சீஸன் !

 தொடர்ந்து இரண்டாவது ஆண்டாக, இந்த ஆண்டும் ஃபார்முலா-1 ரேஸ் அட்டவணையில் இந்தியா இல்லை. உத்திரப்பிரதேச முதல்வராக மாயாவதி இருந்தபோது, டெல்லி அருகே நொய்டாவில் ‘புத்’ என்ற பெயரில் சர்வதேச ரேஸ் மைதானம் கட்டப்பட்டது. ஜேபி எனும் தனியார் நிறுவனத்தால் இயக்கப்படும் இந்த ரேஸ் மைதானத்தில், ஃபார்முலா-1 ரேஸ் போட்டிகளை நடத்த, 2012-ல் முதல்வராக வந்த அகிலேஷ் யாதவ் மறுத்துவிட்டார். இதனால், 2014-ம் ஆண்டு இந்தியாவில் ரேஸ் நடைபெறாது என அறிவிக்கப்பட்டது. தொடர்ந்து இந்த ஆண்டும் ரேஸ் நடைபெறாத நிலையில், அடுத்த ஆண்டும் ரேஸ் நடைபெறுவது சந்தேகம்தான். வரிவிலக்கு சலுகைகள் அளிக்கப்பட்டால்தான் இந்தியாவில் ரேஸ் நடக்கும் என ஃபார்முலா-1 தலைவர் பெர்னி எக்கோலஸ்ட்டன் அடம்பிடிக்க, உத்திரப்பிரதேச அரசு அசைவதாக இல்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism